ធនាគារពិភពលោក ប៉ាន់ប្រមាណទំហំនៃការខូចខាតរបស់តួកគី ក្រោយរញ្ជួយដី

ធនាគារពិភពលោកបាននិយាយនៅក្នុងការវាយតម្លៃថ្មីមួយកាលពីថ្ងៃចន្ទទី២៧ខែកុម្ភៈថា ការរញ្ជួយដីដ៏ធំ២លើកកាលពីពេលថ្មីៗនេះនៅក្នុងប្រទេសតួកគី បានបណ្តាលឲ្យមានការខូចខាតដោយផ្ទាល់គិតជាទំហំទឹកប្រាក់ប្រហែល៣៤.២ពាន់លានដុល្លារ ហើយការចំណាយលើការស្ថាបនាឡើងវិញ អាចមានទំហំធំជាងនេះពីរដងឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍នេះ ក៏បានប៉ាន់ប្រមាណផងដែរថា មនុស្សប្រហែល១.២៥លាននាក់ ត្រូវបាត់បង់ផ្ទះសម្បែងដោយសារតែការដួលរលំអគារឬការខូចខាតផ្សេងៗ។

ធនាគារពិភពលោកបាននិយាយថា ការខូចខាតភាគច្រើន ឬប្រហែល ៨១% បានកើតឡើងនៅក្នុងខេត្ត Hatay, Kahramanmaras, Gaziantep, Malatya និង Adiyaman ដែលបូកចូលគ្នាមានប្រជាជនប្រហែល ៧.៤% នៃប្រជាជនសរុបរបស់តួកគី ឬ ៦.៤៥លាននាក់។

គួរបញ្ជាក់ថា កាលពីថ្ងៃទី៦ខែកុម្ភៈ ការរញ្ជួយដីកម្រិត៧.៧និង៧.៦រិចទ័រ បានវាយប្រហារខេត្ត Kahramanmaras ភាគអាគ្នេយ៍ប្រទេសតួកគី ដោយបានសម្លាប់មនុស្សជាង៤៤០០០នាក់ និងបំផ្លាញអគាររាប់ពាន់ខ្នង៕

ប្រែសម្រួល៖ Vann Vann

ប្រភព៖ Sputnik

ចុចអាន៖ តួកគី ចាប់ខ្លួនអ្នកម៉ៅការសំណាង់ជាង១០០នាក់ បន្ទាប់ពីគ្រោះរញ្ជួយដី