ព័ត៌មានជាតិ
អាណាព្យាបាលសិស្ស សរសើរសកម្មភាពមន្រ្តីអាវុធហត្ថ
អាណាព្យាបាលសិស្សបានសម្ដែងការពេញចិត្តនូវសកម្មភាពរបស់កម្លាំងកងរាជអាវុធហត្ថ រាជធានីភ្នំពេញ ដែលបានជួយចម្លងសិស្សសាលាឆ្លងផ្លូវជារៀងរាល់ថ្ងៃ។
លោក ជា សារុន រស់នៅភូមិមិត្តភាព សង្កាត់ព្រែកឯង ខណ្ឌច្បារអំពៅ បានឲ្យដឹងថា លោកពេញចិត្តទៅនឹងសកម្មភាពរបស់កងរាជអាវុធហត្ថ រាជធានីភ្នំពេញ ដែលដាក់កម្លាំងជួយចម្លងសិស្សសាលាឆ្លងផ្លូវរាល់ពេលសិស្សចូល និងចេញពីសាលារៀន។
ជាក់ស្តែងនៅកំណាត់ផ្លូវជាតិលេខ១ ខាងកើតផ្សារព្រែកឯង គឺសាលាបឋមសិក្សាព្រែកឯង ភាគច្រើនជាសិស្សតូចៗត្រូវការឆ្លងផ្លូវជាតិនេះ ដែលសម្បូរទៅដោយរថយន្តគ្រប់ប្រភេទ បើកបរលឿនព្រោះជាផ្លូវរលោងស្អាត ដែលជាហេតុធ្វើឲ្យអាណាព្យាបាលសិស្ស មានការព្រួយបារម្មណ៍ខ្លាចកូនចៅជួបគ្រោះថ្នាក់ ខណៈដែលអាណាព្យាបាលសិស្សភាគច្រើន ពុំបានជូនកូនឆ្លងផ្លូវទៅសាលាព្រោះជាប់លក់ដូរនិងបំពេញការងាររៀងៗខ្លួន។
លោក ជា សារុន បន្តថា ប៉ុន្តែការព្រួយបារម្មណ៍របស់អាណាព្យាបាលសិស្ស បានផុតរលត់ទៅវិញ ដោយសារតែមានវត្តមានរបស់កម្លាំងកងរាជអាវុធហត្ថរាជធានីភ្នំពេញ ចុះជួយដឹកដៃសិស្សឆ្លងផ្លូវរាល់ថ្ងៃ ទាំងសិស្សចូលរៀននឹងចេញទៅផ្ទះ។
ជុំវិញសកម្មភាំពចម្លងសិស្សឆ្លងផ្លូវរាល់ថ្ងៃនេះ លោកវរសេនីយ៍ត្រី ព្រហ្ម សុផល មេបញ្ជាការរងកងរាជអាវុធខណ្ឌច្បារអំពៅ បានឲ្យដឹងថា សកម្មភាពនេះ គឺយោងតាមបទបញ្ជាពីលោកឧត្តមសេនីយ៍ឯក រត្ន័ ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ ដែលបានដាក់បទបញ្ជាដល់មេបញ្ជាការកងរាជអាវុធហត្ថទាំង១៤ខណ្ឌ ចំណុះឲ្យទីបញ្ជាការកងរាជអាវុធហត្ថរាជធានីភ្នំពេញ ត្រូវដាក់កម្លាំងតាមបណ្តាសាលាទូទាំងរាជធានីភ្នំពេញ ដើម្បីជួយចម្លងសិស្សឆ្លងផ្លូវរាល់ពេល រាល់ថ្ងៃមិនឲ្យអាក់ខានឡើយ៕
អត្ថបទ ៖ នរា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»