ព័ត៌មានជាតិ

ក្តៅៗ រដ្ឋាភិបាលលុបចោលដីដោះដូរបឹងតាមោក ២០ ហិតា សង់បញ្ជាការដ្ឋានទៅឯកជន

បានផុស

៤ years មុន

នៅ

ថ្ងៃព្រហស្បតិ៍ ១៤ មករា ២០២១

ដោយ

រដ្ឋាភិបាលតាមរយៈទីស្តីការគណៈរដ្ឋមន្រ្តី បាននិរាករណ៍លើការដោះដូរដីសម្រាប់សាងសង់ទីបញ្ជាការដ្ឋានស្រាលទំហំ ២១,៧ ម៉ែត្រ គុណនឹង ៤២ ម៉ែត្រកម្ពស់ ៣ ជាន់ ជាមួយការកាត់ផ្ទៃបឹងតាមោក (បឹងកប់ស្រូវ) ២០ ហិតា ទៅលោកលន់ ហាក់ និងអ្នកស្រី ឈុន ចាន់ធី ស្ថិតនៅសង្កាត់ស្រះចក ខណ្ឌដូនពេញ។

ការនិរាករណ៍នេះ ក្រោយសជណចុះនៅថ្ងៃទី២៣ ខែធ្នូ ឆ្នាំ២០២០ រដ្ឋាភិបាល បានកាត់ផ្ទៃបឹងតាមោក២០ហិកតា ប្រគល់ទៅឲ្យលោក លន់ ហាក់ និងអ្នកស្រី ឈុន ចាន់ធី។

បើតាមសជណមុននិរាករណ៍ រដ្ឋាភិបាលមិនមែនប្រគល់ផ្ទៃបឹងតាមោក២០ហិកតាឲ្យទៅលោក លន់ ហាក់ និងអ្នកស្រី ឈុន ចាន់ធី ទទេៗនោះទេ គឺមានការដោះដូរជាមួយគ្នា ដោយរដ្ឋាភិបាល ប្រគល់ផ្ទៃបឹងតាមោក២០ហិកតា ហើយអ្នកទាំង២ ប្រគល់ដីរបស់ខ្លួនដែលមានទំហំជាង១,៥ពាន់ម៉ែត្រការ៉េ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ជូនទៅរដ្ឋាភិបាលវិញ។

លើសពីនេះ ក៏ត្រូវចំណាយថវិកាផ្ទាល់ខ្លួន សង់អគារទីបញ្ជាការមួយ ដែលមានទំហំ២១,៧ម៉ែត្រ គុណនឹង៤២ម៉ែត្រ កម្ពស់៣ជាន់ នៅលើផ្ទៃដីជាង១,៥ពាន់ម៉ែត្រការ៉េនោះ ជាមួយនឹងការបំពាក់សម្ភារបរិក្ខារចាំបាច់នានា៕