ព័ត៌មានជាតិ
អ្នកភូមិក្នុងតំបន់ផ្ទុះជំងឺH5N1រក្សាការរស់នៅធម្មតា តែអនុវត្តតាមវិធានការ
ក្រោយពេលផ្ទុះជំងឺផ្ដាសាយបក្សី ប្រភេទH5N1 លើកដំបូងនៅក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង រួចមក អ្នកភូមិមួយចំនួនបានបន្តជីវភាពរស់នៅប្រចាំថ្ងៃរបស់ពួកគាត់ជាធម្មតា ប៉ុន្តែបានអនុវត្តតាមការណែនាំរបស់អ្នកជំនាញ។
លោក សួរ សឺន ជាប្រជាពលរដ្ឋរស់នៅភូមិព្រែកខ្នោ ឃុំព្រែកខ្ពប ស្រុកឯកភ្នំ ដែលមានចម្ងាយប្រមាណជាង១គីឡូម៉ែត្រ ពីទីតាំងផ្ទុះជំងឺផ្ដាសាយបក្សី បានប្រាប់គេហទំព័រ កម្ពុជាថ្មី ឲ្យដឹងនៅថ្ងៃទី១៤ ខែមករា នេះថា ក្រោយផ្ទុះជំងឺ រហូតដល់ថ្ងៃទី១២ ខែមករាកន្លងមកថ្មីៗនេះ សត្វមាន់ដែលលោកចិញ្ចឹមក្នុងភូមិ ជាលក្ខណៈគ្រួសារ បានងាប់ជាបន្តបន្ទាប់អស់ជាង១០០ក្បាល តែក្រុមគ្រួសាររបស់លោកមិនបរិភោគឡើយ ហើយបានកប់ចោលតាមការណែនាំពីមន្ត្រីជំនាញ។
លោកបន្តថា ក្រុមគ្រួសារលោក និងអ្នកភូមិ មិនមានការព្រួយបារម្ភជាមួយជំងឺផ្ដាសាយបក្សីប្រភេទAH5N1នេះទេ ព្រោះពលរដ្ឋបានអនុវត្តតាមការណែនាំរបស់មន្រ្តីជំនាញ។
ចំណែកលោក ពៅ សុង មានទីលំនៅជាប់ព្រុំដីកសិដ្ឋានដែលផ្ទុះជំងឺខាងលើ បានលើកឡើងដែរថា ក្រុមគ្រួសាររបស់លោក និងអ្នកភូមិ មិនមានការព្រួយបារម្ភពីជំងឺនេះឡើយ ហើយការរស់នៅប្រចាំថ្ងៃ ក៏ស្ថិតក្នុងសភាពដូចសព្វដងដែរ។
លោកបានលើកឡើងថា មន្ត្រីជំនាញជាច្រើននាក់ បានយកចិត្តទុកដាក់ចុះពិនិត្យ និងសម្លាប់សត្វបក្សី រួមមាន ៖ មាន់ ទា ចោលគ្មានសល់ ដែលនេះជាការទប់ស្កាត់ និងការពារយ៉ាងយកចិត្តទុកដាក់ ដើម្បីកុំឱ្យឆ្លងជំងឺផ្ដាសាយបក្សី។
លោក ឈឹម វជិរ៉ា ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តបាត់ដំបង លើកឡើងថា ក្រសួង បានកំណត់តំបន់ដែលផ្ទុះជំងឺផ្តាសាយបក្សីប្រភេទH5N1 ក្នុងភូមិដែលមានកសិដ្ឋានចិញ្ចឹមបក្សីមាន់ ទា ១កន្លែង គ្រប់គ្រងដោយ លោក ហូ ណាម ស្ថិតក្នុងភូមិព្រែកតាច្រែង ឃុំព្រែកនរិន្ទ ស្រុកឯកភ្នំខេត្តបាត់ដំបង។
ក្នុងសេចក្តីប្រកាសកំណត់តំបន់ខាងលើ បានតម្រូវឲ្យអគ្គនាយកដ្ឋានសុខភាពសត្វផលិតកម្មសត្វចាត់វិធានការបសុព្យាបាល នៅតំបន់ផ្ទុះជំងឺផ្ដាសាយបក្សី ត្រូវបំផ្លាញចោលចំពោះបក្សីគ្រប់ប្រភេទនៅក្នុងតំបន់ផ្ទុះជំងឺ តាមវិធានបច្ចេកទេសបសុពេទ្យ និងផ្អាកជាបណ្ដោះអាសន្ន លើការទិញការលក់ ឬការដឹកជញ្ជូនបក្សីគ្រប់ប្រភេទ ចេញចូល ឬឆ្លងកាត់ ពីរង្វង់៣គីឡូម៉ែត្រ ជុំវិញកន្លែងផ្ទុះជំងឺខាងលើ៕
អត្ថបទ ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង