ព័ត៌មានអន្ដរជាតិ
តុលាការកាត់ទោសអតីតប្រធានាធិបតីកូរ៉េខាងត្បូង ជាប់ពន្ធនាគារ ២០ ឆ្នាំ
តុលាការកំពូលរបស់ប្រទេសកូរ៉េខាងត្បូងនៅថ្ងៃព្រហស្បតិ៍ ទី ១៤ ខែមករា នេះបានសម្រេចផ្តន្ទាទោសអតីតប្រធានាធិបតីលោកស្រី Park Geun-hye ដាក់ពន្ធនាគាររយៈពេល ២០ ឆ្នាំពីបទទទួលសំណូក និងឧក្រិដ្ឋកម្មដទៃទៀត ។
សេចក្តីសម្រេចនេះមានន័យថា លោកស្រី Park ដែលត្រូវបានបណ្តេញចេញពីតំណែង និងត្រូវបានចាប់ខ្លួនក្នុងឆ្នាំ ២០១៧ អាចជាប់ពន្ធនាគាររយៈពេល ២២ ឆ្នាំ បន្ទាប់ពីមានការផ្តន្ទាទោសដាច់ដោយឡែកពីគ្នាមួយទៀតពាក់ព័ន្ធនឹងការជ្រៀតជ្រែកខុសច្បាប់នៅក្នុងការជ្រើសរើសបេក្ខជនរបស់គណបក្សលោកស្រីមុនការបោះឆ្នោតសភាឆ្នាំ ២០១៦ ។
លោកស្រី Park វ័យ ៦៨ ឆ្នាំបានពិពណ៌នាថា លោកស្រីជាជនរងគ្រោះនៃការសងសឹកនយោបាយ ។ លោកស្រីបានបដិសេធមិនចូលរួមសវនាការរបស់ខ្លួនតាំងពីខែតុលា ឆ្នាំ ២០១៧ ហើយក៏មិនបានចូលរួមក្នុងសេចក្តីសម្រេចនៅថ្ងៃព្រហស្បតិ៍នេះផងដែរ ។
លោកស្រី Park ដែលជាកូនស្រីរបស់មេដឹកនាំផ្តាច់ការយោធាឈ្មោះ Park Chung-hee ត្រូវបានផ្តន្ទាទោសពីបទឃុបឃិតជាមួយមិត្តភក្តិជិតស្និទ្ធរបស់លោកស្រីគឺលោកស្រី Choi Soon-sil ដើម្បីទទួលសំណូករាប់លានដុល្លារ និងការជំរិតទារប្រាក់ពីក្រុមជំនួញធំៗមួយចំនួនរបស់ប្រទេសនេះរួមទាំងក្រុមហ៊ុន Samsung ផងដែរ អំឡុងពេលលោកស្រីកាន់តំណែងពីឆ្នាំ ២០១៣ ដល់ឆ្នាំ ២០១៦ ។
បន្ថែមពីនេះលោកស្រីក៏ត្រូវបានចោទប្រកាន់ពីបទទទួលយកមូលនិធិប្រចាំខែខុសច្បាប់ពីមេចារកម្មរបស់លោកស្រីផងដែរ ។
បន្ទាប់ពីការតវ៉ារាប់សប្តាហ៍ និងរាប់លានដងលោកស្រី Park ត្រូវបានចោទប្រកាន់ដោយសមាជិកសភាកាលពីខែធ្នូ ឆ្នាំ ២០១៦ ហើយបានចុះចេញពីតំណែងជាផ្លូវការនៅខែមីនា ឆ្នាំ ២០១៧ បន្ទាប់ពីតុលាការធម្មនុញ្ញបានអនុម័តការចោទប្រកាន់នេះ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ប្រទេសអាស៊ីមួយទៀតរកឃើញវីរុសកូរ៉ូណាក្លាយពូជប្រភេទថ្មី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី