ព័ត៌មានជាតិ
តឹកតាងបញ្ជាក់ទីតាំងប្រាសាទបុរាណ ៨ កន្លែងនៅខេត្តពោធិ៍សាត់
ជាខេត្តមួយមានប្រវត្តិសាស្ត្រពាក់ព័ន្ធជាច្រើន ហើយក៏នៅមិនឆ្ងាយពីអតីតរាជធានីអង្គរ បច្ចុប្បន្នខេត្តពោធិ៍សាត់មិនមានសេសសល់សំណង់ប្រាសាទបុរាណដែលនៅរូបរាងល្អសម្រាប់ទស្សនា ក្រៅពីសំណល់គ្រឹះខ្លះៗបង្ហាញពីទីតាំងប្រាសាទពីមុន។
លោក ជា សុភា ប្រធានការិយាល័យនៃមន្ទីរវប្បធម៌ខេត្តពោធិ៍សាត់បានឲ្យកម្ពុជាថ្មីដឹងថា ទូទាំងខេត្តមានប្រាសាទចំនួន ៨ កន្លែងត្រូវបានចុះបញ្ជី ប៉ុន្តែប្រាសាទទាំងនោះបាក់បែកអស់ទៅហើយ។
លោក ជា សុភា បានបន្ថែមថា តាមរយៈភស្តុតាងគ្រឹះប្រាសាទបន្សល់ទុក អាចបង្ហាញបានថាទឹកដីខេត្តពោធិ៍សាត់ពីមុន ក៏ធ្លាប់មានការសាងសង់សំណង់ប្រាសាទបុរាណមួយចំនួនផងដែរ។
ទាក់ទងប្រាសាទបាក់បែកនៅសេសសល់ លោក ជា សុភា បានបញ្ជាក់ថា មន្ទីរនៅតែយកចិត្តទុកដាក់ថែរក្សាការពារ និងបានចុះបញ្ជីទុកជាបេតិកភណ្ឌជាតិផងដែរ។
ឯកសាររបស់មន្ទីរវប្បធម៌ខេត្តពោធិ៍សាត់បង្ហាញថា ប្រាសាទចំនួន ៨ នៅក្នុងខេត្តពោធិ៍សាត់មានឈ្មោះដូចជា៖
-ប្រាសាទ ព្រះធាតុ មានទីតាំងនៅស្រុកកណ្តៀង ខេត្តពោធិ៍សាត់
-ប្រាសាទ សុវណ្ណស្លាកែត មានទីតាំងនៅស្រុកក្រគរ ខេត្តពោធិ៍សាត់
-ប្រាសាទ ដូនអែប មានទីតាំង នៅស្រុកបាកាន ខេត្តពោធិ៍សាត់
-ប្រាសាទ ព្រះខាន់ មានទីតាំងនៅស្រុកបាកាន ខេត្តពោធិ៍សាត់
-ប្រាសាទ ដូនអន មានទីតាំងនៅស្រុកបាកាន ខេត្តពោធិ៍សាត់
-ប្រាសាទ ឥដ្ធស្រះរុន មានទីតាំងនៅស្រុកបាកាន ខេត្តពោធិ៍សាត់
-ប្រាសាទ ច្រប មានទីតាំងនៅស្រុកបាកាន ខេត្តពោធិ៍សាត់
-ប្រាសាទ បបុស្ស មានទីតាំងនៅស្រុកបាកាន ខេត្តពោធិ៍សាត់
លោក ខូយ រីដា អភិបាលនៃគណៈអភិបាលខេត្តពោធិ៍សាត់បានឲ្យដឹងដែរថា ខេត្តពោធិ៍សាត់ក៏មានប្រវត្តិទាក់ទងការកសាងប្រាសាទអង្គរវត្តនៅខេត្តសៀមរាប។
ថ្លែងក្នុងសន្និសីទកាលពីម្សិលមិញនេះ លោក ខូយ រីដា បានអះអាងតាមតំណាលចាស់ៗពីបុរាណថា ដំបូងឡើងអង្គរវត្តត្រូវសាងសង់នៅក្នុងទឹកដីខេត្តពោធិ៍សាត់។
លោកបង្ហាញពីទីតាំងវត្តព្រះធាតុ នៅស្រុកកណ្តៀង ខេត្តពោធិ៍សាត់។ លោកថា ដំណើររឿងដោយសារខាងបុរសភ្នាល់ចាញ់នារីក្នុងការជីកស្រះដោយកំណត់ត្រឹមម៉ោង ៤ ផ្កាយព្រឹកចេញ ត្រូវជីកឲ្យហើយ។ ប៉ុន្តែដោយសារនារីលួចធ្វើគោមបង្ហោះមុនម៉ោង ហើយបុរសស្មានតែផ្កាយព្រឹកក៏ភ្នាល់ចាញ់នារីទៅ អីចឹងទើបបានគេលើកអង្គរវត្តទៅសង់នៅខេត្តសៀមរាប។
បន្ថែមការអះអាងនេះលោកអភិបាលខេត្ត ក៏លើកពីសសរអង្គរវត្តពីរនៅខេត្តពោធិ៍សាត់ជាតឹកតាងបញ្ជាក់ផងដែរ៕
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ