ព័ត៌មានជាតិ
មន្ទីរវប្បធម៌ខេត្តព្រះវិហារ សម្រុកចុះបញ្ជីដីធ្លីតាមទីតាំងប្រាសាទបុរាណ ការពារការរំលោភពីប្រជាពលរដ្ឋ
មន្ទីរវប្បធម៌ខេត្តព្រះវិហារ បានកំពុងសហការជាមួយមន្រ្តីមន្ទីរដែនដីដើម្បីធ្វើការចុះបញ្ជីដីធ្លីក្នុងតំបន់ប្រាសាទបុរាណ ដើម្បីការពារការចូលទន្រ្ទានកាន់កាប់ពីប្រជាពលរដ្ឋ។
លោក នៅ ចាន់គង់ ប្រធានមន្ទីរវប្បធម៌ខេត្តព្រះវិហារបានប្រាប់កម្ពុជាថ្មីតាមទូរសព្ទនៅព្រឹកនេះថា អាជ្ញាធរបានសហការជាមួយមន្ទីរដែនដីខេត្តចុះបញ្ជីកម្មសិទ្ធិលើទីតាំងប្រាសាទបុរាណក្នុងខេត្ត ដើម្បីងាយស្រួលគ្រប់គ្រងចៀសវាងកុំឲ្យពលរដ្ឋចូលទន្រ្ទានកាន់កាន់ដែលនាំឲ្យប៉ះពាល់តំបន់បុរាណដ្ឋាន។
លោកបន្តថា រហូតមកដល់ពេលនេះ មន្ទីរបានចុះបញ្ជីកម្មសិទ្ធិដីធ្លីលើទីតាំងប្រាសាទបានចំនួន ៤០ កន្លែង ក្នុងចំណោមប្រាសាទជាង ២០០ នៅទូទាំងខេត្ត។ លោកអះអាងថា កន្លងមកមានពលរដ្ឋបានចូលទៅរុករានដីនៅតាមតំបន់ប្រាសាទបុរាណ ដែលនាំឲ្យប៉ះពាល់ទីបុរាណដ្ឋាន។
«ពិបាកពលរដ្ឋខ្វះដីចូលទៅរុករានដីនៅតំបន់ប្រាសាទ ចឹងបានមន្ទីរសហការជាមួយមន្រ្តីដែនដីចុះវាស់វែងធ្វើប្លង់រឹងបើមានការទន្រ្ទានបានន័យថាគាត់រំលោភច្បាប់ ហើយអាចប្តឹងឡើងទៅតុលាការ»។
លោកបន្តថា ក្រោយពេលអាជ្ញាធរបានចុះបញ្ជីដីធ្លីតាមទីតាំងប្រាសាទមួយចំនួន ថែមទាំងបោះបង្គោលព្រំកំណត់ច្បាស់លាស់ថែមទៀតនោះ ពលរដ្ឋមិនហ៊ានចូលទៅរំលោភទៀតទេ។
លោកបន្តថា តាមច្បាប់នៅតំបន់បុរាណដ្ឋានត្រូវមានចម្ងាយ ១,៥ គីឡូម៉ែត្រជុំវិញមិនអាចចូលទន្រ្ទានបានទេ។
លោក នៅ ចាន់គង់ បានបន្ថែមថា មន្ទីរនឹងសហការជាមួយមន្រ្តីជំនាញ ដើម្បីចុះបញ្ជីកម្មសិទ្ធិដីធ្លីតាមតំបន់ទីតាំងប្រាសាទទូទាំងខេត្តបន្តរហូតដល់បញ្ចប់ទាំងស្រុង។
ខេត្តព្រះវិហារមានសំណង់ប្រាសាទបុរាណចំនួន ២៤៨ ទីតាំង រាយប៉ាយគ្រប់ស្រុក។ ក្នុងចំណោមប្រាសាទទាំង ២៤៨ នៅរូបរាងមានជាង ៧០ ភាគរយ។
ប្រាសាទព្រះវិហារ និងក្រុមប្រាសាទកោះកេរ មានការចាប់អារម្មណ៍ច្រើនពីភ្ញៀវទេសចរជាតិនិងអន្តរជាតិ។ ប្រាសាទព្រះវិហារត្រូវបានចុះបញ្ជីជាសម្បត្តិបេតិកភណ្ឌពិភពលោករបស់អង្គការយូណេស្កូកាលពីឆ្នាំ ២០០៨។ ចំណែកក្រុមប្រាសាទកោះកេរ រដ្ឋាភិបាលក៏កំពុងជំរុញដើម្បីចុះបញ្ជីរបស់អង្គការយូនេស្កូនៅពេលឆាប់ៗខាងមុខផងដែរ។
លោក នៅ ចាន់គង់ បានឲ្យដឹងថា ខេត្តព្រះវិហារមានស្រុកចំនួនពីរបន្សល់ទុកប្រាសាទបុរាណច្រើនជាងគេគឺស្រុកគូលែន និងស្រុកជាំក្សាន្ត។ ស្រុកគូលែនដែលរួមបញ្ចូលទាំងតំបន់ប្រាសាទកោះកេរ្តិ៍មានជាង ១០០ ប្រាសាទ ស្រុកជាំកម្សាន្តមានជាង ៨០ ប្រាសាទ។ ចំណែកបណ្ដាស្រុកផ្សេងទៀតក៏មានច្រើនដែរ ដូចជាស្រុកឆែបមានជាង ១០ ប្រាសាទ ស្រុកជ័យសែនជាង ១០ ប្រាសាទ ស្រុកត្បែងមានជ័យជិត ១០ ប្រាសាទ ស្រុកសង្គមថ្មីជាង ៤០ ប្រាសាទ៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ