ព័ត៌មានជាតិ
USAID ប្រកាសបើកយុទ្ធនាការបញ្ឈប់ការចោលសំរាមមិនត្រឹមត្រូវ ដើម្បីថែរក្សាបរិស្ថានកម្ពុជា
នៅថ្ងៃទី១០ ខែមីនា ឆ្នាំ២០២៣ ទីភ្នាក់ងារសហរដ្ឋអាមេរិក ដើម្បីអភិវឌ្ឍន៍អន្តរជាតិ (USAID) បានធ្វើពិធីប្រកាសជាផ្លូវការអំពីយុទ្ធនាការផ្លាស់ប្តូរឥរិយាបថសង្គម ស្តីពី “ការបញ្ឈប់ការចោលសំរាមមិនត្រឹមត្រូវ” នៅសណ្ឋាគារ កាំបូឌីយ៉ាណា រាជធានីភ្នំពេញ។
![](https://www.kampucheathmey.com/wp-content/uploads/2023/03/image-906-1024x768.png)
![](https://www.kampucheathmey.com/wp-content/uploads/2023/03/image-912-1024x576.png)
កម្មវិធីនេះ មានការនិមន្តចូលរួមរបស់ព្រះភិក្ខុ វជិរប្បញ្ញោ គូ សុភាព ការចូលរួមពីតំណាងរដ្ឋាភិបាលសហរដ្ឋអាមេរិក ក្រសួងបរិស្ថាន សាលារាជធានីភ្នំពេញ អង្គការដៃគូ សិស្សនិស្សិត និងសិល្បករ សិល្បការិនី ជាច្រើនរូបទៀត។ ការចូលរួមពីគ្រប់ភាគីនេះ គឺជារូបភាពមួយក្នុងការផ្សព្វផ្សាយពីការចោលសំរាមឱ្យបានត្រឹមត្រូវ ដើម្បីការពារ និងថែរក្សាបរិស្ថាននៅកម្ពុជាឱ្យមានផាសុខភាព និងសណ្តាប់ធ្នាប់ល្អក្នុងសង្គម។
![](https://www.kampucheathmey.com/wp-content/uploads/2023/03/image-907-1024x768.png)
លោកស្រី Hanh Nguyen នាយិកាស្តីទី USAID បានលើកឡើងនៅក្នុងពិធីបើកយុទ្ធនាការនេះថា គ្រប់ទីកន្លែងនៅក្នុងពិភពលោក ការចោលសំរាមរឹងនៅតែជាបញ្ហាប្រឈម ខណៈចំនួនប្រជាជនមានការកើនឡើង ការវេចខ្ចប់ផលិតផលនានា និងការចោលសំរាមមិនបានត្រឹមត្រូវ គឺជាបញ្ហាសំខាន់ដែលមិនអាចព្រងើយកន្តើយបានឡើយ។ ជាមួយគ្នានេះ ក្នុងរយៈពេល ១០ឆ្នាំចុងក្រោយនេះ USAID បានរួមចំណែកជាទឹកប្រាក់ប្រមាណជាង ១០០លានដុល្លារ ដើម្បីថែរក្សា និងការពារបរិស្ថាន ធនធានធម្មជាតិរបស់កម្ពុជា។ ចំណែក សហរដ្ឋអាមេរិកវិញ គឺបានចំណាយប្រមាណ ១១ពាន់លានដុល្លារក្នុង១ឆ្នាំៗ ដើម្បីសម្អាតសំរាមនៅទីនោះ។
![](https://www.kampucheathmey.com/wp-content/uploads/2023/03/image-908-1024x768.png)
លោកស្រីនាយិកាមានប្រសាសន៍ថា៖ “ដោយសហការជាមួយសាលារាជធានីភ្នំពេញ និងក្រសួងបរិស្ថាន ក៏ដូចជាអ្នកឧបត្ថម្ភកម្មវិធីរបស់យើងថ្ងៃនេះ យើងកំពុងបានជំរុញផលប្រយោជន៍រួមរបស់យើងនៅក្នុងការថែរក្សាប្រទេសកម្ពុជាឱ្យមានភាពស្អាត”។ លោកស្រីបានបន្តថា យុទ្ធនាការនេះ នឹងត្រូវបានអនុវត្តតាមរយៈវេទិកាប្រព័ន្ធផ្សព្វផ្សាយសង្គមរបស់គម្រាង តាមរយៈសមាជិកក្រុមបៃតង និងអ្នកមានឥទ្ធិពលក្នុងសង្គមដែលយកចិត្តទុកដាក់លើបញ្ហាបរិស្ថាន។ លោកស្រី Hanh Nguyen បានអំពាវនាវឱ្យប្រជាជនចេះបែងចែកសំរាម និងប្រើប្រាស់សម្ភារៈណាដែលអាចកែច្នៃឡើងវិញបាន។ ទន្ទឹមនេះ បញ្ហាសំរាម និងយុទ្ធនាមួយនេះ មិនអាចទទួលបានជោគជ័យឡើយ ប្រសិនជាគ្មានការចូលរួមពីមនុស្សគ្រប់រូប។
![](https://www.kampucheathmey.com/wp-content/uploads/2023/03/image-911-1024x1024.png)
ចំណែក លោក គឹម សេត អគ្គនាយកសហគ្រាសគ្រប់គ្រងសំរាមសំណល់រឹងទីប្រជុំជន រាជនាធានីភ្នំពេញ បានថ្លែងអំណរគុណចំពោះកិច្ចខិតខំប្រឹងប្រែងថែរក្សាបរិស្ថានរបស់ USAID និងក្រុមយុវជនស្ម័គ្រចិត្តបៃតង ដែលបានរៀបចំយុទ្ធនាការនេះឡើងមកសម្រាប់បរិស្ថានកម្ពុជា។ តាមរយៈកំណើនប្រជាជននៅក្នុងទីក្រុង និងសកម្មភាពជាច្រើនបានធ្វើឱ្យបរិមាណសំរាមសំណល់រឹងមានការកើនឡើងប្រមាណជាង ៣,៧០០តោនក្នុងមួយថ្ងៃ។ ទាំងនេះ គឺជាកង្វល់ដ៏ធំរបស់រដ្ឋបាលរាជធានីភ្នំពេញដែលត្រូវយកចិត្តទុកដាក់។
![](https://www.kampucheathmey.com/wp-content/uploads/2023/03/image-909-1024x768.png)
លោកមានប្រសាសន៍ថា៖ “កង្វល់ទាំងនេះត្រូវបានដោះស្រាយ ក្រោយមានកំណែទម្រង់របស់រាជរដ្ឋាភិបាលទៅលើការគ្រប់គ្រងសំរាមសំណល់រឹងរាជធានីភ្នំពេញ។ ដោយបានជ្រើសរើសក្រុមហ៊ុនចំនួន៣ឱ្យមានការប្រកួតប្រជែងគ្នាលើការផ្តល់សេវាប្រមូល និងដឹកជញ្ជូនសំរាមសំណល់រឹង ចាប់ដំណើរការតាំងពីឆ្នាំ២០២១មកម្ល៉េះ”។ ជាលទ្ធផល ក្រុមហ៊ុនទាំង៣ បានប្រមូល និងសម្អាតសំរាមបានយ៉ាងល្អតាមទីកន្លែងនីមួយៗក្នុងទីក្រុងទាំងមូល។
រីឯ លោក គិត ច័ន្ទគ្រឹស្នា ទីប្រឹក្សារដ្ឋមន្រ្តីក្រសួងបរិស្ថាន បានលើកឡើងថា ដើម្បីឱ្យទីក្រុងស្អាត គឺមានការចូលរួមពីប្រជាជនគ្រប់រូប។ លោកបានសំណូមពរដល់សាធារណជនគ្រប់រូប គួរប្រើប្រាស់ប្លាស្លិកឱ្យបានត្រឹមត្រូវ និងប្រើចំពោះពេលណាដែលចាំបាច់ប៉ុណ្ណោះ ហើយចំពោះប្លាស្ទិកណាដែលកែច្នៃបាន គួរកែច្នៃឡើងវិញទើបជាការប្រសើរ។
![](https://www.kampucheathmey.com/wp-content/uploads/2023/03/image-910-1024x768.png)
លោកមានប្រសាសន៍ថា៖ “យើងចង់បំបាត់ថង់ប្លាស្ទិក ទាល់តែចូលរួមទាំងអស់គ្នា ទាំងវិស័យឯកជន និងអង្គការ ដូចយើងកំពុងតែធ្វើនេះ គឺអង្គការ USAID គឺធ្វើការច្រើន”។ លោកបន្តថា USAID បានធ្វើការជាច្រើន និងស្អិតរមួតជាមួយក្រសួងបរិស្ថាន។ មួយវិញទៀត បណ្តាញផ្សព្វផ្សាយសង្គម និងអ្នកមានឥទ្ធិពលក្នុងប្រព័ន្ធផ្សព្វផ្សាយ មានតួនាទីសំខាន់ណាស់សម្រាប់ជំរុញ លើកស្ទួយឱ្យមានការប្រើប្រាស់ប្លាស្ទិក និងចោលសំរាមបានត្រឹមត្រូវ។
សូមជម្រាបថា នៅក្នុងពិធីប្រកាសយុទ្ធនាការនេះ ក៏មានការដាក់តាំងបង្ហាញនូវផលិតផលមួយចំនួនដែលបានកែច្នៃពីសំណល់សំរាមប្លាស្ទិក យកមកធ្វើជាសម្ភារៈប្រើប្រាស់ប្រចាំថ្ងៃផ្សេងៗយ៉ាងស្រស់ស្អាតផងដែរ៕
![](https://www.kampucheathmey.com/wp-content/uploads/2023/03/image-913-1024x768.png)
![](https://www.kampucheathmey.com/wp-content/uploads/2023/03/image-914-1024x768.png)
![](https://www.kampucheathmey.com/wp-content/uploads/2023/03/image-915-1024x768.png)
ដោយ៖ អុន ស្រីមាន
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៤ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?