ព័ត៌មានជាតិ

សម្តេចតេជោ ហ៊ុន សែន «ប្រជាជនអាចយល់បានពីដំណើររឿងប្រវត្តិសាស្ត្រដែលអាចជៀសវាងបានពីការយល់ខុសតាមការកុហករបស់មនុស្សខ្លះ»

បានផុស

២ years មុន

នៅ

ថ្ងៃចន្ទ ១៣ មីនា ២០២៣

ដោយ

តាមរយៈបណ្តាញសង្គមតេឡេក្រាមនាយប់ថ្ងៃទី១២ ខែមីនា ឆ្នាំ២០២៣ សម្តេចតេជោ ហ៊ុន សែនបានថ្លែងអំណរគុណបងប្អូនដែលបានបង្ហោះនូវវីដេអូគ្លីបមួយ និងបានលើកឡើងវីដេអូនេះគឺជាជំនួបដំបូងរវាងសម្តេចជាមួយសម្តេចព្រះបីតាជាតិដែលគេនិយមហៅថាជំនួបសីហនុ ហ៊ុន សែន ហ្វែ អង់តាដឺណរ័ប្រទេសបារាំងថ្ងៃ២ឆ្នូ១៩៨៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចបានថ្លែងថា “ជំនួបដំបូងនេះភាគីម្ខាងៗ មាន៣រូប ដែលភាគីព្រះករុណាមានព្រះអង្គផ្ទាល់អមដោយសម្តេចម៉ែ និងសម្តេចក្រុមព្រះ។ឯភាគីភ្នំពេញមានខ្ញុំអមដោយឯកឧត្តម ឌិច មន្ទីនិងចម ប្រសិទ្ធ” ។

សម្តេចបន្ថែមថា ការចរចាធ្វើពេញមួយថ្ងៃ២ធ្នូបន្តមកថ្ងៃ៣ធ្នូ សម្រេចបានសេចក្តីប្រកាសរួមមួយ

មកចុះហត្ថលេខាព្រឹកថ្ងៃ៤ធ្នូ១៩៨៧ដែលជំនួបនិងសេចក្តីថ្លែងការនេះហើយដែលបង្កើតបាននូវមូលដ្ឋានសម្រាប់ការចរចានៃភាគីពាក់ពន្ធ័ទាំងជាតិនិងអន្តរជាតិនិងឈានដល់កិច្ចព្រមព្រៀងប៉ារីស។មុនចរចានាំគ្នាអង្គុយឲ្យសារព័ត៌មានចូលថតបន្ទាប់មកទើបចាប់ផ្តើមចូលតុចរចាគង់និងអង្គុយទល់មុខគ្នា។

សម្តេចលើកឡើងថា “តាមរយះការពន្យល់និងវីដេអូនេះនឹងជួយឲ្យបងប្អូនប្រជាជនយើងអាចយល់បានពីដំណើររឿងប្រវត្តិសាស្ត្រកម្ពុជាដែលអាចជៀសវាងបានពីការយល់ខុសតាមការកុហក់របស់មនុស្សខ្លះ”៕