ព័ត៌មានជាតិ
ប្រជាពលរដ្ឋខេត្តកោះកុង២៧០នាក់ បានទទួលពិនិត្យព្យាបាលជំងឺភ្នែកពីក្រុមគ្រូពេទ្យបារាំង
កោះកុង ៖ ក្រុមគ្រូពេទ្យបារាំងមកពី Lafett-MH Association បានទទួលពិនិត្យព្យាបាលជំងឺភ្នែកជូនប្រជាពលរដ្ឋចំនួន២៧០នាក់ នៅក្នុងក្រុងខេមរភូមិន្ទ ខេត្តកោះកុង ដោយឥតគិតថ្លៃសេវា ក្រោមការសម្របសម្រួលពីអភិបាលខេត្តកោះកុង និងមន្ទីរពេទ្យខេត្ត។
២ថ្ងៃនេះ គិតពីថ្ងៃទី១៤ដល់ថ្ងៃទី១៥ ខែមីនានេះ មានពលរដ្ឋដែលភាគច្រើនវ័យចំណាស់ប្រមាណ២៧០នាក់ ប្រញាប់មកពិនិត្យ និងព្យាបាលភ្នែករបស់ពួកគាត់ ខណៈគ្រូពេទ្យជំនាញអះអាងថា អត្រាអ្នកមានជំងឺភ្នែកកើតមានច្រើនគួរឱ្យសម្គាល់។
លោក ពូ តុងអៀក ពលរដ្ឋខ្មែរនៅប្រទេសបារាំងតំណាងក្រុមគ្រូពេទ្យ បាននិយាយនៅរសៀលថ្ងៃទី១៥ មីនា ២០២៣ថា ប្រជាពលរដ្ឋកម្ពុជា ពិសេសអ្នករស់នៅទីជនបទឆ្ងាយដាច់ស្រយោលតែងជួបបញ្ហាសុខភាពភ្នែករបស់ពួកគាត់ ក្នុងន័យមនុស្សធម៌លោក និងក្រុមគ្រូពេទ្យបានសម្រេចចិត្តមកផ្តល់សេវាពិនិត្យព្យាបាលជូនពលរដ្ឋនៅខេត្តកោះកុងជាលើកដំបូង។
លោក តុងអៀក រម្លឹកថា អំឡុងពេលមិនទាន់មានជំងឺកូវីដ១៩ ក្រុមការងាររបស់លោកធ្លាប់ទៅផ្តល់សេវាព្យាបាលនៅខេត្តកំពត និងខេត្តតាកែវ ប៉ុន្តែតបតាមការសំណូមពរពីលោកស្រី មិថុនា ភូថង អភិបាលខេត្ត ដោយសហការជាមួយមន្ទីរពេទ្យខេត្ត ក៏បំពេញបំណងសេចក្តីត្រូវការផ្នែកសុខាភិបាលនេះសម្រាប់មូលដ្ឋានខេត្តកោះកុង។
ដោយឡែកលោក ប៉ូវេត ដីត ម៉ារិឆាល (Bouvet Dit Maerchal) គ្រូពេទ្យឯកទេសផ្នែកភ្នែកនៃសមាគម Lafett-MH Association លើកឡើងថា ប្រជាពលរដ្ឋខេត្តកោះកុងដែលមានវ័យចាប់ពីអាយុ៤០ឡើងទៅរមែងមានបញ្ហាភ្នែកឡើងបាយ រមាស់រលាក និងដុះកន្ទុយថ្លែន ដែលវាបង្កការរំខានដល់ការរស់នៅ និងប្រកបអាជីវកម្មចិញ្ចឹមជីវិត។ នេះព្រោះតែកត្តាអាកាសធាតុប្រែប្រួលច្រើន កង្វះការថែទាំភ្នែក និងប្រើគ្រឿងអេឡេត្រូនិចពន្លឺខ្លាំងៗច្រើនហួសកម្រិត។
បើតាមលោកគ្រូពេទ្យឯកទេស ការពិនិត្យ និងព្យាបាលនេះ គ្រាន់តែជាកម្រិតបឋមប៉ុណ្ណោះទេ ហើយលោកគ្រោងប្រមូលគ្រូពេទ្យជំនាញបន្ថែមទៀត ដើម្បីចុះបេសកកម្មភាពជាថ្មីសម្រាប់ព្យាបាលវះកាត់ភ្នែកជូនប្រជាពលរដ្ឋតែម្តងទៅពេលក្រោយៗ។
លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង ក៏ថ្លែងអំណរអរគុណជូនចំពោះលោកស្រីមិថុនា ភូថង អភិបាលខេត្តកោះកុង និងក្រុមគ្រូពេទ្យនៃសហគមន៍ Lafett-MH Association ដែលស្ម័គ្រចិត្តចុះផ្តល់សេវាពិនិត្យព្យាបាលជំងឺភ្នែកជូនពលរដ្ឋខេត្តកោះកុងដោយឥតគិតថ្លៃ។
លោកវេជ្ជបណ្ឌិត សង្ឃឹមថា នៅថ្ងៃក្រោយ ពលរដ្ឋនឹងទទួលបានសេវាព្យាបាលប្រកបដោយសុវត្ថិភាពខ្ពស់ជាងនេះទៀត តាមរយៈការវះកាត់ភ្នែកទំនើបទាន់សម័យដែលអាចធ្វើភ្នែកពលរដ្ឋនៅទីជនបទកាន់តែភ្លឺថ្លារឡើងវិញ ខណៈសង្គមជាតិមានសុខសន្តិភាព និងការអភិវឌ្ឍន៍ស្ទើរគ្រប់វិស័យ៕
អត្ថបទ ៖ សិរីវឌ្ឍនៈ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ