ព័ត៌មានជាតិ

អភិបាលរាជធានីចុះពិនិត្យទីតាំងវត្តព្រះបារមីវង្គដ្ឋបូរីកបិលភ័ស្តុ ដើម្បីត្រៀមរៀបចំពិធីបុណ្យកាត់ឫសសីមាព្រះវិហារ

បានផុស

២ years មុន

នៅ

ថ្ងៃពុធ ១៥ មីនា ២០២៣

ដោយ

ភ្នំពេញ ៖ ក្រោយពិធីបុណ្យចូលឆ្នាំខ្មែរប្រពៃណីជាតិកន្លងផុតទៅ នៅ វត្តព្រះបារមីវង្គដ្ឋបូរីកបិលភ័ស្តុ ដែលមានទីតាំងក្នុងសង្កាត់ទឹកថ្លា ខណ្ឌសែន សុខ នឹងមានកម្មវិធីបុណ្យដ៏ធំមួយ នោះគឺបុណ្យកាត់ឫសសីមាព្រះវិហារ នៅក្នុងទីអារាមនេះ ដែលពិធីបុណ្យនេះធ្វើឡើងក្រោមគំនិតផ្ដួចផ្ដើម ដោយសម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជានិងសម្តេចកិត្តិ ព្រឹទ្ធបណ្ឌិតប៊ុន រ៉ានីហ៊ុន សែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីឲ្យដំណើរការនៃការរៀបចំពិធីបុណ្យដ៏ធំនេះដំណើរការទៅដោយរលូន នៅរសៀលថ្ងៃទី១៥ មីនា ឆ្នាំ២០២៣នេះ លោកឃួង ស្រេង អភិបាលនៃគណៈ អភិបាលរាជធានីភ្នំពេញ បានដឹកនាំមន្ត្រីជំនាញក៏ដូចជាអាជ្ញាធរដែនដី ចុះពិនិត្យមើលទីតាំង នៅក្នុងបរិវេណវត្តវត្តព្រះបារមីវង្គដ្ឋបូរីកបិលភ័ស្តុនេះ ដើម្បីត្រៀមរៀបចំឲ្យបានប្រសើរឡើង ដោយគិតគូរទាំងសណ្តាប់ធ្នាប់ របៀបរៀបរយនិងបរិស្ថានអោយបានល្អប្រសើរ ពេលកម្មវិធីបុណ្យចាប់ផ្តើម ដោយសារតែពិធីបុណ្យនេះនឹងត្រូវធ្វើឡើងរយៈពេល៣យប់និង ៤ថ្ងៃមានទាំងការរៀបចំសម្តែងសិល្បៈកំសាន្តផងដែរ។

បើទោះបីជាយ៉ាងណាក្តី ក្រុមការងារពាក់ព័ន្ធនឹងការងារនេះ បាននឹងកំពុងចាប់ផ្ដើមដំណើរការសំអាត លាបថ្នាំចេតិយ ក៏ដូចជាទីតាំងផ្សេងទៀតជាបណ្តើរៗហើយ ទាំងទីតាំងធ្វើរោងសិល្បៈ ទីធ្លាចំណតយានយន្តជាដើម ពោលគឺពេលកម្មវិធីចាប់ផ្តើម អ្វីៗត្រូវបានត្រៀមរៀបចំរួចជាស្រេច៕

ដោយ ៖ ស្រីរ័ត្ន