ព័ត៌មានជាតិ
បាត់ដានតម្រុយជនសង្ស័យបាញ់សម្លាប់នាយរងការិយាល័យព្រហ្មទណ្ឌកម្រិតស្រាល
ក្រោយពីកងកម្លាំងសមត្ថកិច្ចចម្រុះស្ថាប័នដេញតាមប្រមាញ់ចាប់ជនដៃដល់ពាក់ព័ន្ធនឹងករណីបាញ់សម្លាប់នាយរងការិយាល័យព្រហ្មទណ្ឌកម្រិតស្រាល ផ្តើមចេញពីទំនាស់ពាក្យសម្តីដោយសារគ្រោះថ្នាក់ចរាចរណ៍ ជាច្រើនថ្ងៃមក ពេលនេះសមត្ថកិច្ចបាត់ដានតម្រុយជនសង្ស័យ បន្ទាប់ពីរត់គេចដល់ខេត្តស្ទឹងត្រែង។
លោកឧត្តសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានប្រាប់កម្ពុជាថ្មីនៅថ្ងៃសុក្រនេះថា សមត្ថកិច្ចជំនាញ កំពុងបន្តធ្វើការស្រាវជ្រាវតាមរកចាប់ខ្លួនជនសង្ស័យជាឃាតករ។
តាមព័ត៌មានចុងក្រោយ ជនសង្ស័យជាឃាតករ បានរត់ពីស្រុកកោះញ៉ែក ខេត្តមណ្ឌលគិរី ទៅសំងំលាក់ខ្លួននៅក្នុងព្រៃមួយក្នុងស្រុកលំផាត់ខេត្តរតនៈគិរី ហើយបន្តចូលទៅដល់ខេត្តស្ទឹងត្រែង នៅល្ងាចថ្ងៃទី ៦ ខែមករា ក្រោយការតាមប្រមាញ់ពីកម្លាំងប្រដាប់អាវុធចម្រុះស្ថាប័ន។
សមត្ថកិច្ចបានរកឃើញម៉ូតូជនសង្ស័យ១គ្រឿងម៉ាក Dream ២០២០ នៅយប់ថ្ងៃទី ៦ ខែមករានៅភូមិច្រប់ ស្រុកសេសាន ខេត្តស្ទឹងត្រែង ដែលជនល្មើសបានផ្លុងចោល។
ការបាញ់សម្លាប់មន្ត្រីនគរបាលតួនាទីជានាយរងការិយាល័យព្រហ្មទណ្ឌកម្រិតស្រាល កាលពីយប់ថ្ងៃទី ២៩ ដំណាច់ខែធ្នូ ឆ្នាំ ២០២០ ផ្តើមចេញពីគ្រោះថ្នាក់ចរាចរណ៍តិចតួច ស្ថិតនៅភូមិក្បាលដំរីទី ២ សង្កាត់កាកាបទី ២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះជាមន្ត្រីនាយរងការិយាល័យព្រហ្មទណ្ឌកម្រិតស្រាលនៃស្នងការដ្ឋានរាជធានីភ្នំពេញ ឈ្មោះ រ៉េត ស៊ីណែត អាយុ ៤១ ឆ្នាំ។ ជនសង្ស័យស្លៀកពាក់ស៊ីវិលប្រដាប់ដោយអាវុធខ្លី ១ ដើម ជិះរថយន្ត Lexus RX300 ពាក់ស្លាកលេខសៀមរាប 2A-4546។
នៅមុនពេលកើតហេតុ ជនរងគ្រោះនិងមិត្តភក្តិ បានធ្វើដំណើរចេញពីហាងហូបស៊ុបនៅម្តុំវត្តភ្នំ ហើយបានបើករថយន្ត Ford Raptor ចេញដំណើរដល់ចំណុចកើតហេតុ ក៏មានរថយន្តជនបង្កដែលមានអ្នករួមដំណើរចំនួន ៥ នាក់ ប្រុស២ ស្ត្រី ២ និងកុមារម្នាក់ បើកទៅបុករថយន្តជនរងគ្រោះបណ្តាលឲ្យខូចខាតកម្រិតស្រាល។ ពេលនោះ ជនរងគ្រោះបានជិះវ៉ារថយន្តជនបង្ក ហើយទៅបាំងពីមុខរថយន្តជនសង្ស័យ។ ជនសង្ស័យក៏ឈប់រថយន្តដោះស្រាយគ្នាបានមួយសន្ទុះ ក៏ដកកាំភ្លើងបាញ់ជនរងគ្រោះជាច្រើនគ្រាប់បណ្តាលឲ្យស្លាប់ភ្លាមៗ។
ក្រោយកើតហេតុ សមត្ថកិច្ចតាមប្រមាញ់ចាប់ខ្លួនបានបុរសអ្នកបើករថយន្តឲ្យជនដៃដល់ ឈ្មោះ កែ ចាន់មាន និងត្រូវបញ្ជូនទៅតុលាការ ហើយត្រូវបានតុលាការសម្រេចចោទប្រកាន់ពីបទសមគំនិតក្នុងអំពើឃាតកម្ម និងបទជួញដូរសារធាតុញៀន។
ចំណែកជនល្មើសនៅបន្តរត់គេចខ្លួន ហើយសមត្ថកិច្ចនៅបន្តរុករក ហើយជាច្រើនថ្ងៃនេះមិនទាន់មានពន្លឺបន្ថែមនៅឡើយទេ៕
អត្ថបទ៖ ឡេង ដេត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»