ព័ត៌មានជាតិ
កម្មវិធីសម្ដែង និងវាយតម្លៃសម្រាប់ការទទួលបានអាហារូបករណ៍សាលា Shrewsbury ភ្នំពេញ នៅសណ្ឋាគារ Raffles Le Royal
សាលាអន្តរជាតិ Shrewsbury ភ្នំពេញ កំពុងពង្រីកកម្មវិធីអាហារូបករណ៍របស់ខ្លួនដើម្បីរួមបញ្ចូលផ្នែកបីសំខាន់គឺ ៖ ការសិក្សា សិល្បៈសម្ដែង និងកីឡា។ សាលាលំដាប់ថ្នាក់ចក្រភពអង់គ្លេសនេះ នឹងមានកម្មវិធីសម្ដែង និងវាយតម្លៃសម្រាប់ការទទួលបានអាហារូបករណ៍សាលា នៅថ្ងៃទី ០៦ ខែឧសភា សម្រាប់កុមារដែលមានសក្ដានុពលក្នុងការទទួលបានអាហារូបករណ៍នេះ។ សាលាគ្រោងនឹងបង្កើតកម្មវិធីអាហារូបករណ៍បន្ថែមទៀតនាពេលអនាគត ដូចជាការផ្តោតលើការអភិវឌ្ឍជំនាញលើមុខវិជ្ជា STEAM។
នាយកគ្រប់គ្រងសាលា លោក Toby Waterson បានពន្យល់ពីកត្តាជំរុញរបស់សាលាក្នុងការអនុវត្តកម្មវិធីទាំងនេះថា៖ « កម្មវិធីអាហារូបករណ៍នេះមានគោលបំណងផ្គត់ផ្គង់គុណភាព នៃកម្មវិធីអប់រំដល់កុមារដែលមានសក្ដានុពល។ សាលាអន្តរជាតិ Shrewsbury ភ្នំពេញ ប្ដេជ្ញាផ្តល់ការអប់រំប្រកបដោយគុណភាពខ្ពស់ និងទូលំទូលាយនៅក្នុងប្រទេសកម្ពុជា ស្របជាមួយនឹងសាលាអន្តរជាតិដទៃទៀតនៅក្នុងតំបន់។ សាលាមានគោលបំណងមិនត្រឹមតែផ្តល់ជូនសិស្សានុសិស្សនូវកម្មវិធីសិក្សា និងឱកាសនៅសាលាប៉ុណ្ណោះទេ ប៉ុន្តែគឺផ្តល់លទ្ធភាពឲ្យពួកគេអភិវឌ្ឍន៍ខ្លួន។ សាលាក៏បានប្ដេជ្ញាចិត្តក្នុងការធានាថា ឱកាសគឺបើកចំហដល់កុមារមកពីគ្រប់មជ្ឈដ្ឋានសង្គម ដោយមិនគិតពីជីវភាពគ្រួសាររបស់ពួកគេឡើយ។ កម្មវិធីអាហារូបករណ៍បង្កើតភាពចម្រុះកាន់តែច្រើននៅក្នុងសាលារៀន ដែលមានសារៈសំខាន់កាន់តែខ្លាំងសម្រាប់ការជឿនលឿន និងសកលភាវូបនីយកម្មរបស់យើង។
លោកបន្តថា ៖ « យុវជនកម្ពុជាគឺពោរពេញដោយទេពកោសល្យ និងសមត្ថភាព សូម្បីតែមុនពេលសាលារបស់យើងបើក យើងប្ដេជ្ញាដើម្បីកំណត់អត្តសញ្ញាណកុមារដែលមានទេពកោសល្យ ដែលអាចទទួលបានអត្ថប្រយោជន៍ពីការអប់រំ របស់ Shrewsbury ហើយជាលទ្ធផលនាំមកនូវផលប្រយោជន៍ដល់ប្រទេសរបស់ពួកគេ។ ជាការពិតណាស់ កាលពីឆ្នាំមុននៅក្នុងខែសីហា ក្នុងអំឡុងពេលដំណើរការដាក់ពាក្យសុំអាហារូបករណ៍ សាលាបានផ្តល់អាហារូបករណ៍ដល់កុមារក្នុងស្រុកជាច្រើន ដែលក្នុងនោះមានអាហារូបករណ៍ពាក់កណ្ដាល ឬទាំងស្រុងចំនួនដប់ប្រាំបួន។ កុមារទាំងនេះមួយចំនួនកំពុងសិក្សា និងខ្លះនឹងចូលសិក្សានៅ សាខាធំរបស់យើងនៅពេលវាបើកនៅខែកញ្ញា ឆ្នាំ ២០២៤ ហើយពួកគេមួយចំនួនក៏បានចុះឈ្មោះក្នុងកម្មវិធីចុងសប្ដាហ៍ជាមួយដៃគូរបស់យើង។»
ក្នុងកិច្ចខិតខំប្រឹងប្រែងដើម្បីពង្រីកកម្មវិធីនេះ សាលាកំពុងផ្តល់ឱកាសដល់កុមារដែលមានទេពកោសល្យពិសេសក្នុងវិស័យសិល្បៈសម្ដែង (រួមទាំងរបាំ ល្ខោន និងតន្ត្រី) និងកីឡា និងហែលទឹក បន្ថែមពីលើកម្មវិធីដែលបានបង្កើតឡើងរួចហើយ។ កម្មវិធីអាហារូបករណ៍សិក្សា នេះជាការបោះជំហានទៅមុខយ៉ាងសំខាន់សម្រាប់សាលាក្នុងការគាំទ្រទេពកោសល្យចម្រុះរបស់សិស្ស ក៏ដូចជាផ្តល់នូវឱកាសពិសេសមួយសម្រាប់សិស្សដែលមានទេពកោសល្យក្នុងការទទួលបានការអប់រំលំដាប់ពិភពលោក ខណៈពេលដែលពួកគេបន្តចំណង់ចំណូលចិត្តរបស់ពួកគេផ្នែកសិល្បៈ និងកីឡា។ ជាមួយនឹងគំនិតផ្ដួចផ្ដើមថ្មីនេះ សាលាអន្តរជាតិ Shrewsbury ភ្នំពេញបានប្ដេជ្ញាចិត្តក្នុងការចិញ្ចឹមបីបាច់ថែរក្សា និងអភិវឌ្ឍន៍ទេពកោសល្យរបស់កុមារលើមុខវិជ្ជាជាច្រើន ដើម្បីឲ្យពួកគេក្លាយជាបុគ្គលដែលមានជំនាញច្បាស់លាស់ និងអាចបន្តបង្កើតឥទ្ធិពលវិជ្ជមានក្នុងសង្គម។
ដំណើរការជ្រើសរើសនេះគឺមិនគិតថ្លៃនោះទេ ហើយបើកចំហសម្រាប់កុមារទាំងអស់នៅប្រទេសកម្ពុជា។ គ្រួសារដែលចាប់អារម្មណ៍ក្នុងការឲ្យកូនៗចូលរួមកម្មវិធីសម្ដែង និងវាយតម្លៃសម្រាប់ការទទួលបានអាហារូបករណ៍សាលា នៅថ្ងៃទី ០៦ ខែឧសភា នឹងត្រូវដាក់ពាក្យសុំចុះឈ្មោះ ដែលត្រូវបានពិនិត្យជ្រើសរើសដោយសាលាមុនពេលកម្មវិធី។ ទម្រង់ពាក្យសុំ និងព័ត៌មានអំពីលក្ខណវិនិច្ឆ័យ នៃការផ្តល់រង្វាន់មាននៅលើគេហទំព័រ និងទំព័រហ្វេសប៊ុករបស់សាលា ហើយត្រូវដាក់ពាក្យឲ្យបានមុនម៉ោង ៥ ល្ងាច ថ្ងៃទី ៣០ ខែមេសា។
សាលាអន្តរជាតិ Shrewsbury ភ្នំពេញ កំពុងផ្តល់អាហារូបករណ៍ពេញលេញប៉ុន្មានកន្លែង ដែលនឹងនាំកុមារឆ្លងកាត់ផ្នែកទាំងអស់ នៃសាលា រហូតដល់រយៈពេលសិក្សាប្រាំមួយឆ្នាំ។ អាហារូបករណ៍ពេញលេញមួយនឹងត្រូវបានផ្តល់ជូនសម្រាប់ការបែងចែកជាបីប្រភេទ។ លើសពីនេះ អាហារូបករណ៍ជាច្រើនទៀតនឹងត្រូវបានផ្តល់ជូនតាមការសម្រេចចិត្តរបស់នាយកសាលា និងថ្នាក់ដឹកនាំសាលា ដែលនឹងផ្តល់ផលវិជ្ជមានដល់កុមារមួយចំនួន និងគ្រួសាររបស់ពួកគេផងដែរ។
កម្មវិធីសម្តែង និងវាយតម្លៃសម្រាប់ការទទួលបានអាហារូបករណ៍សាលា គឺជាឱកាសដ៏ល្អសម្រាប់កុមារដែលមានទេពកោសល្យក្នុងប្រទេសកម្ពុជា ដើម្បីទទួលបានការអប់រំលំដាប់ពិភពលោក។ គ្រួសារដែលមានចំណាប់អារម្មណ៍ អាចចុះឈ្មោះតាមរយៈលីង ភាសាខ្មែរ អង់គ្លេស ចិន ឬ សូមចូលទៅកាន់គេហទំព័ររបស់សាលា ឬ ទំព័រ Facebook សម្រាប់ព័ត៌មានបន្ថែម។
សាលា Shrewsbury School UK នៃចក្រភពអង់គ្លេស គឺជាសាលា ដ៏ធំជាងគេមួយក្នុងចំណោមសាលាសាធារណៈទាំងប្រាំពីរដែលកត់ត្រាទុកជាសាលាសាធារណៈដ៏ល្បីមួយក្នុងឆ្នាំ ១៨៦៨ អំពីការប្រើប្រាស់លក្ខណៈពិសេសល្អបំផុត នៃប្រព័ន្ធអប់រំរបស់ចក្រភពអង់គ្លេស។ នៅចក្រភពអង់គ្លេស សាលានេះបានឈ្នះពានរង្វាន់សាលាឯករាជ្យល្អបំផុតប្រចាំឆ្នាំ ២០២០។ ជាមួយគ្នានេះដែរ សាលានេះមានអតីតនិស្សិតល្បីៗ រួមទាំងលោក Sir Charles Darwin ផងដែរ។ សាលាអន្តរជាតិ Shrewsbury ភ្នំពេញ ត្រូវបានបង្កើតឡើងនៅក្នុង អគារពាណិជ្ជកម្ម Flatiron នឹងបើកដំណើរការជាផ្លូវការចាប់ពីខែកញ្ញា ឆ្នាំ ២០២២ ក្នុងការផ្តល់ការអប់រំស្តង់ដារអន្តរជាតិដ៏ទំនើបទាន់សម័យ សម្រាប់កុមារា និងកុមារីកម្ពុជា។ សាលានឹងអនុលោមតាមកម្មវិធីសិក្សាពិសេសរបស់សាលាShrewsbury នៃចក្រភពអង់គ្លេស តាមបែប Floreat ដែលផ្តល់នូវការអប់រំ សហកម្មវិធីសិក្សា និងគ្រូបង្គោលដ៏ល្អៗ ជាមួយនឹងថ្នាក់រៀនដ៏ទំនើប ការលេងកីឡា ការសម្តែង ការលេងតន្ត្រី និងសម្ភារៈដ៏ទំនើបៗទាន់សម័យ។ ភាសាអង់គ្លេស ខ្មែរ និងភាសាចិន នឹងត្រូវបានផ្តល់ជូនដល់កូនៗរបស់លោកអ្នក។ អតីតអ្នកវិទ្យាសាស្ត្រដ៏ល្បីល្បាញ លោក ឆាលស៍ ដាវីន ក៏ជាអតីតសិស្សនៅសាលាអន្តរជាតិ Shrewsbury នៃចក្រភពអង់គ្លេស ផងដែរ។
រដ្ឋមន្ត្រីការបរទេសអ៊ុយក្រែននិងអាមេរិកកំពុងចរចានិងអះអាងថា មានការរីកចម្រើនទៅមុខ
ប្រទះឃើញសាកសពបុរសម្នាក់ កប់ក្រោមដើមត្នោត ក្នុងដីវាលស្រែ
អាជ្ញាធរខណ្ឌឫស្សីកែវ នឹងចាត់វិធានការរដ្ឋបាល បើម្ចាស់អាជីវកម្មដាយត្រីខុសច្បាប់មិនរុះរើ និងសហការ
ស្អែក ក្រសួងយុត្តិធម៌ នឹងចាប់ផ្ដើមបូកសរុបលទ្ធផលការងារវិស័យយុត្តិធម៌ឆ្នាំចាស់ និងដាក់ទិសដៅការងារឆ្នាំថ្មី
Kaka ថា ខ្លួនឈ្នះ World Cup គ្មានអ្វីអស្ចារ្យ ដូច CR7 ជាកីឡាករល្អបំផុតឡើយ
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ
មន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម១ សប្តាហ៍ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
សន្តិសុខសង្គម៣ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៥ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៧ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
សន្តិសុខសង្គម៤ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១៤ ម៉ោង agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ