ព័ត៌មានជាតិ

ក្រុមការងារយុវជន ស.ស.យ.ក.នាំយកអំណោយ ឯកឧត្ដម ឌី វិជ្ជា និងលោកជំទាវ ហ៊ុន ម៉ាណា ជូនលោកគ្រូអ្នកគ្រូ និងសិស្ស ២០០នាក់

បានផុស

៤ years មុន

នៅ

ថ្ងៃសុក្រ ១៥ មករា ២០២១

ដោយ

ក្រុមការងារយុវជន ស.ស.យ.ក. ខេត្តស្វាយរៀង នៅព្រឹកថ្ងៃសុក្រ ទី១៥ ខែមករា ឆ្នាំ២០២១ បាននាំយកសម្ភារសិក្សាម៉ាស់ អាកុល ដែលជាអំណោយរបស់ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ជូនដល់លោកគ្រូ អ្នកគ្រូចំនួន ៥នាក់ និងសិស្សានុសិស្សចំនួន២០០នាក់ នៅសាលាបឋមសិក្សាជាវប្តី ស្ថិតនៅក្នុងភូមិជាវប្ដីខាងកើត ឃុំតាអូរ ស្រុកគិរីវង់ ខេត្តតាកែវ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតក្នុងឱកាសនោះក្រុមការងារបានផ្តាំផ្ញើ និងការសាកសួរសុខទុក្ខដល់លោកគ្រូ អ្នកគ្រូ សិស្សានុសិស្ស ពីសំណាក់ឯកឧត្តម ឌី វិជ្ជា និងលោកជំទាវ ហ៊ុន ម៉ាណា និងសូមឱ្យបន្តអនុវត្តវិធានការណ៍ការពារ សុវត្ថិភាពអនាម័យ ដើម្បីរួមគ្នាបន្តទប់ស្កាត់បង្ការការរីករាលដាលនៃ ជំងឺកូវិដ១៩។

ក្នុងឱកាសនេះផងដែរ យុវជន ស.ស.យ.ក. ខេត្តស្វាយរៀង ក៏បានធ្វើការបង្ហាញអំពីវិធានអនាម័យ ការពាក់ម៉ាសឱ្យបានត្រឹមត្រូវជាដើម។ ក្នុងនោះផងដែរ លោកគ្រូអ្នកគ្រូម្នាក់ៗទទួលបានកាបូប ១ រួមនឹងថវិកាចំនួន ២០០.០០០រៀល ហើយសម្រាប់សិស្សានុសិស្សម្នាក់ៗទទួលបាន កាតាបស្ពាយ ១, សៀវភៅ ២ក្បាល, ក្តារឈ្នួន ១ឈុត, ប៊ិច ៣ដើម, ខ្មៅដៃ ២ដើម, បន្ទាត់ ២បន្ទះ, ជ័រលុប ២ដុំ, នំ ២កញ្ចប់, ទឹកដោះគោ ១ប្រអប់, អាកុល ១ដប, ម៉ាស់ ២សន្លឹក, និងថវិកាចំនួន ៥០០០រៀល ៕