Connect with us

ព័ត៌មានជាតិ

តម្លៃថ្នាំជក់កើនឡើងជាងឆ្នាំមុន ធ្វើឲ្យអ្នកដាំដំណាំនេះ មានសេដ្ឋកិច្ចធូរធា

បានផុស

នៅ

ប្រជាកសិករដាំដំណាំថ្នាំកូតាប និងថ្នាំជក់នៅភូមិសំរោង ស្រុកក្រូចឆ្មារ ខេត្តត្បូថឃ្មុំ មានការសប្បាយរីករាយក្នុងប្រមូលផលដោយសារតម្លៃមានការកើនឡើងជាងឆ្នាំមុន។ កសិករចាប់ប្រមូលផលថ្នាំកូតាប និងថ្នាំជក់ នៅមុនរដូវបុណ្យចូលឆ្នាំខ្មែរប្រពៃណីជាតិឈានចូលមកដល់នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ស្រូយ ភាព អាយុ៦០ឆ្នាំ រស់នៅភូមិសំរោង ឃុំ/ស្រុកក្រូចឆ្មារ បានរៀបរាប់ឲ្យដឹងថា នៅលើផ្ទៃដី២ហិកតា ថ្នាំ២ម៉ឺនដើម ចំណាយទុនជិត១០លានរៀល លើការភ្ជួររាស់ ដាំ ទឹក ជី ។ ចំណែកផលចំណេញមិនក្រោម១០​លាន​រៀល​នោះទេ លោកស្រីថា ឆ្នាំនេះថ្នាំឲ្យផលល្អជាងឆ្នាំទៅ តម្លៃក៏ល្អជាង ក្នុង១គីឡូក្រាមថ្នាំជក់សម្រេច១ម៉ឺន៥ពាន់រៀល ។

លោកស្រី ស្រូយ ភាព បានបន្ថែមថា ដំណាំថ្នាំជក់រយៈពេលចុងក្រោយនេះ កសិករហាក់ដូចជាបោះបង់ចោល ហើយ កសិករដាំដីមាត់ទន្លេ ព្រែក បឹង ត្រពាំង ចំការ ជាដីតម្រូវការដាំថ្នាំជក់ ដូច្នេះកសិករនៅតែបន្តដាំផ្សងព្រេង ហើយឆ្នាំនេះត្រូវប៉ាន់ជាងដំណាំផ្សេងៗ ។ បើតាមអ្នកប្រកបរបរដាំដំណាំនេះបញ្ជាក់ថា ហានិភ័យរបស់ថ្នាំជក់គឺចាញ់ទឹក បើភ្លៀង​ជោគ​ជាំខ្លាំង គឺថ្មាំងាប់អស់តែម្តង។ ថ្នាំមានសន្លឹកធំល្អ កសិករត្រូវកាច់ខ្នែងចេញ ហៅថា គ្រៀវនោះ ។ អ្នកស្រីថា ការដាំថ្នាំជក់ល្អជាងដាំបន្លែ ព្រោះបន្លែពេលប្រមូលផល ច្រើនពិបាកលក់ ថ្នាំជក់លក់មិនចេះធុញឡើយ ។

លោក សយ ទូច អភិបាលស្រុកក្រូចឆ្មា បានឲ្យដឹងថា ស្រុកក្រូចឆ្មាមានផ្ទៃដីកសិកម្មចំនួន៨០០ហិចតា ក្នុងនោះមានផ្ទៃដាំថ្នាំជក់២០០ហិចតា ។ អាជ្ញាធរផ្តោតលើវិស័យកសិកម្មជាចម្បង យើងមានការិល័យកសិកម្មស្រុក តែងចុះណែនាំផ្តល់ចំណេះដឹងការដាំដុះដល់បងប្អូនកសិករអំពីការជ្រើសរើសពូជ ថ្នាំ ស្រូវ ពោត សណ្តែក ដំឡូង ល្ពៅ ត្រឡាច ននោង ត្រសក់ សណ្តែក ត្រប់ ប៉េងប៉ោះ ល្ង ។ល។ ការប្រើជី ការប្រើទឹក ការបាញ់ថ្នាំសម្លាប់សត្វល្អិតជាដើម ។ ជាងនេះទៀត ស្រុកបានស្តារប្រឡាយទឹកដើម្បីជូនទឹកដល់កសិករ។ ជាលទ្ធផលឃើញថា ប្រជាពលរដ្ឋមានជីវភាពធូរធារគួរមោទនៈភាពជានិរន្តរ៍ ៕

អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៤ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១២ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៨ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៩ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម