​​​គ្រោង​ចាប់ផ្តើម​ចាក់​បេតុង​អតីតផ្លូវរថភ្លើងឫស្សីកែវ បន្ថយកកស្ទះ​ផ្លូវ​ជាតិលេខ ៥ ដល់រង្វង់មូលគួចកាណុង​

តាមការ​បញ្ជាក់​ពី​លោក កើត ឆែ​ អភិបាល​រង​រាជ​ធានីភ្នំពេញ អាជ្ញាធរ​កំពុង​តែ​ស្ថាបនា​ផ្លូវថ្មី​មួយ​ខ្សែ​តាមគន្លងអតីតផ្លូវរថភ្លើងឫស្សីកែវ ដើម្បី​រំដោះចរាចរណ៍​កាត់បន្ថយ​កា​រកកស្ទះ​លើ​ផ្លូវជាតិ​លេខ ៥។

លោក កើត ឆែ បាន​ឲ្យ​ដឹង​ថា ក្រោយពីបានដោះស្រាយផលប៉ះពាល់រួច រដ្ឋបាលរាជធានីភ្នំពេញកំពុងស្ថាបនាផ្លូវថ្មី ១ ខ្សែ រត់តាមគន្លងអតីតផ្លូវរថភ្លើងឫស្សីកែវ ចាប់ពីផ្លូវលេខ ៧០ ដល់ផ្លូវជាតិលេខ ៥ ហេីយគ្រោងចាប់ផ្តេីមចាក់បេតុងនៅដេីមខែមេសាខាងមុខនេះ។

ផ្លូវនេះនឹងរួមចំណែកបង្កលក្ខណៈងាយស្រួលដល់ការធ្វេីដំណេីររបស់បងប្អូនប្រជាពលរដ្ឋ ព្រមទាំងអាចជួយដោះស្រាយការកកស្ទះចរាចរណ៍​ពីតំបន់នានារួមមាននៅតាមផ្លូវជាតិលេខ ៥ រហូតដល់រង្វង់មូលគួចកាណុង​ថែមទៀតផង៕