Connect with us

ព័ត៌មានជាតិ

​មួយ​ឆ្នាំៗ​ខេត្ត​ព្រៃវែងសល់​ស្រូវ​ជាង ១ លាន​តោន លក់ចេញទៅ​ប្រទេស​ជិតខាង

បានផុស

នៅ

ខេត្ត​ព្រៃវែង​​ជា​ខេត្ត​ផលិត​ស្រូវ​លេខ ១ ទូទាំង​ប្រទេស ដោយ​ក្នុង​មួយ​ឆ្នាំៗ​​ខេត្ត​កសិកម្ម​នេះ​នៅ​សល់​ស្រូវ​ជាង​ ១ លាន​តោន​ ដែល​ក្រៅ​ពី​អាច​​ផ្គត់ផ្គង់​តម្រូវការ​ក្នុង​ស្រុក ក៏​នាំ​ចេញ​ទៅលក់នៅ​​ក្រៅ​ប្រទេស។

លោក អ៊ុក សំណាង ប្រធាន​មន្ទីរ​កសិកម្ម​ខេត្ត​ព្រៃវែង​បានថ្លែង​នៅក្នុង​សន្និសីទ​នៅ​ព្រឹកនេះ​ថា ក្នុង​មួយ​ឆ្នាំ​ៗ​ខេត្ត​ព្រៃវែង​ទទួល​បាន​បរិមាណ​ផល​ស្រូវ​ចន្លោះ​ពី ១ លាន ៥ សែន​តោន​ ទៅ ១ លាន ៦ សែន​តោន​ ដែល​អាច​បំពេញ​សេចក្តីត្រូវការ​​ក្នុងស្រុក​​និង​​នាំ​ចេញ​ទៅប្រទេសជិតខាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បន្ត​ថា បរិមាណ​ផល​ស្រូវ​មាន​ការ​កើន​ឡើង​ជាលំដាប់ គឺ​ដោយសារ​មាន​ការ​គាំទ្រ​បច្ចេកទេស​ផលិតកម្ម​ដំណាំ​ស្រូវ រួមផ្សំ​ការ​រីក​លូតលាស់​ប្រព័ន្ធ​ធារាសាស្ត្រ ដែល​កន្លែង​ខ្លះអាច​​ផលិត​ស្រូវ​ ២​ ដង​ទៅ ៣ ដង និង​កន្លែង​ខ្លះ​អាច​លោត​ដល់​ទៅ ៤ ដង​​ក្នុង​មួយ​ឆ្នាំ។

យ៉ាងណាមិញ​ប្រធាន​មន្ទីរ​កសិកម្ម​ខេត្ត​ព្រៃវែងអះអាង​ថា ផល​ស្រូវ​ដែល​ខេត្ត​ផលិត​បាន​យ៉ាងច្រើន​​​ត្រូវ​ហៀរ​ចេញ​ទៅ​ប្រទេស​ជិត​ខាង ដោយសារ​ខ្វះ​លទ្ធភាព​កែច្នៃ។

«លំបាក​គឺ​លទ្ធភាព​ប្រមូល​ទិញ​ស្រូវ​ពី​កសិករ​ដើម្បី​កែច្នៃ ដោយសារ​មិន​អាច​ប្រមូល​ទិញ​ស្រូវ​អស់​ អីចឹង​ជា​ហេតុ​ធ្វើឲ្យ​​ស្រូវ​របស់​យើង​គឺ​វត្ថុធាតុ​ដើម​ត្រូវ​ហូរ​ចេញប្រទេស​ជិត​ខាង​យ៉ាង​ច្រើន​ក្នុង​មួយ​ឆ្នាំៗ»។

លោកលើង​ឡើង​ថា នៅ​ក្នុង​ខេត្ត​មាន​រោងម៉ាស៊ីន​កិន​ស្រូវ​ចំនួន ១០ កន្លែង តែ​មាន​រោង​ម៉ាស៊ីន​​ ៦ កន្លែង​ដែល​មាន​លទ្ធភាព​អាច​ប្រមូលទិញ​​ស្រូវ​ពីកសិករ​កែច្នៃជា​អង្ករ​​នាំ​ចេញ​ទៅ​ទីផ្សារ​អន្តរជាតិ​។

​បើ​តាម​របាយការណ៍​រដ្ឋបាល​ខេត្ត​ព្រៃវែង ខេត្ត​ព្រៃវែង​មាន​ផ្ទៃដី​ដាំដុះ​សរុប​ចំនួន ៣៣៧.០០០ ហិកតា ក្នុង​នោះ​ផ្ទៃដីដាំដុះស្រូវវស្សាចំនួន ២៥០.០០០ ហិកតា ផ្ទៃដី​ដាំដុះ​ស្រូវ​ប្រាំង​ចំនួន ៧៥.០០០ ហិកតា និង​ផ្ទៃដីដាំដុះដំណាំរួមផ្សំផ្សេងៗចំនួន ១២.០០០ហិកតា។

នៅក្នុងរយៈពេល ៥ ឆ្នាំ (២០១៨-២០២២) ខេត្ត​ព្រៃវែង​ផលិត​បាន​បរិមាណផលស្រូវសរុបចំនួន ៧.៤៦៥.១៩៤ តោន ហើយ​ស្រូវ​នៅសល់​សរុប​ចំនួន ៥.១៦៧.១៤៩ តោន។ បើ​គិត​ជា​សាច់ប្រាក់​ចំណូល​ដុលពី​បរិមាណ​ផល​ស្រូវ​ផលិត​បាន​សរុប​ក្នុង​ខេត្ត​មាន​ចំនួន ១.៨៦៦.២៩៨.៥០០ ដុល្លារអាមេរិក៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៩ នាទីutes មុន

ឃាត់ខ្លួនអ្នកសារព័ត៌មាន២នាក់បញ្ជូនទៅតុលាការ ក្រោយផ្សាយប្រឌិតរឿងអំពើហិង្សាធ្វើឲ្យប៉ះពាល់កិត្តិយសប្រទេសកម្ពុជា

ព័ត៌មានជាតិ៩ ម៉ោង មុន

លទ្ធផល​បូក​សរុប​ក្នុងឆ្នាំ២០២៤ ​សមត្ថកិច្ច​បង្ក្រាប​បទល្មើស​ព្រហទណ្ឌ​បាន​ជាង៤០០ករណី និង ឃាត់ខ្លួន​ជិត៧០០នាក់

សន្តិសុខសង្គម១០ ម៉ោង មុន

នគរបាលរាជធានី​ឃាត់​ខ្លួន អ្នកសារព័ត៌មាន២នាក់ ក្រោយផ្សាយប្រឌិត​រឿងវីដេអូអំពើហិង្សា ដែលធ្វើ​ឱ្យប៉ះពាល់ដល់កិត្តិយសប្រទេសកម្ពុជា

ព័ត៌មានជាតិ១៣ ម៉ោង មុន

ពលរដ្ឋកម្ពុជាថ្កោលទោសអាចារ្យហ្វី និងក្រុមជ្រុលនិយមនៅក្រៅប្រទេសដែលប្រើប្រាស់ភាសាអសុរោះ និងជេរប្រមាថថ្នាក់ដឹកនាំរាជរដ្ឋាភិបាល

ព័ត៌មានជាតិ១៤ ម៉ោង មុន

ក្នុងមួយឆ្នាំ២០២៤ ការ​ដឹក​ជញ្ជូន​សំរាម​យក​ទៅ​ចាក់ និង​ដុតកម្ទេចចោល​នៅ​ទីលានចាក់សំរាម​ដង្កោចំនួន ១.២៤៨.៣៩១,៨១តោន

Sokha Hotels

ព័ត៌មានពេញនិយម