ព័ត៌មានជាតិ

រយៈពេល២ថ្ងៃ ខ្យល់កន្ត្រាក់បំផ្លាញផ្ទះនៅបាត់ដំបង អស់១៩ខ្នង

បានផុស

២ years មុន

នៅ

ថ្ងៃពុធ ២២ មីនា ២០២៣

ដោយ

បាត់ដំបង ៖ លំនៅឋានរបស់ប្រជាពលរដ្ឋ ជិត២០ខ្នង នៅតាមបណ្តាស្រុកមួយចំនួនក្នុងខេត្តបាត់ដំបង ខណៈដែលមានភ្លៀងធ្លាក់ ក៏ស្រាប់តែមានខ្យល់កន្ត្រាក់បានបោកបក់មកព្រមគ្នាតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍របស់សមត្ថកិច្ចបានបញ្ជាក់ថា នៅក្នុងរយៈពេល២ថ្ងៃជាប់ៗគ្នា គឺមានខ្យល់កន្ត្រាក់បានបំផ្លាញផ្ទះប្រជាពលរដ្ឋអស់ជាច្រើនខ្នង ដែលក្នុងនោះគឺ កាលពីថ្ងៃទី២០ ខែមីនា ឆ្នាំ២០២៣ វេលាម៉ោង១ និង១៥ នាទីរសៀល មានភ្លៀងធ្លាក់បន្តិចបន្តួច ហើយក៏មានខ្យល់កន្ត្រាក់ បានបោកបក់ទៅលើភូមិចំនួន២ ក្នុងឃុំរស្មីសង្ហារ ស្រុករតន:មណ្ឌល គឺភូមិបាដាកត្បូង និងភូមិអូរឃ្មុំ ដែលបានបំផ្លាញផ្ទះអស់ចំនួន ៦ ខ្នង ក្នុងនោះមាន២ខ្នង ត្រូវបានខ្ទេចខ្ទីទាំងស្រុង។

លុះនៅវេលាម៉ោង៥ និង១៥ នាទីល្ងាច ថ្ងៃទី២១ ខែ ឆ្នាំដដែល ក៏មានខ្យល់កន្ត្រាក់បានបោកបក់មកជាលើកទី២ លាយឡំនិងភ្លៀងធ្លាក់មកបង្គួរ ហើយខ្យល់នេះបានបក់ចូលទៅលើភូមិចំនួន២ ក្នុងឃុំអំពិល៥ដើម គឺភូមិបឹងអារក្ស និងភូមិបឹងសង្កែ ដោយបានបំផ្លាញផ្ទះពលរដ្ឋអស់ចំនួន ១៣ខ្នង ផងដែរ ប៉ុន្តែនៅក្នុងករណីខ្យល់កន្ត្រាក់ទាំង២លើកនេះ មិនបណ្តាលអោយប៉ះពាល់ដល់ជីវិតមនុស្ស សត្វឡើយ៕

អត្ថបទ ៖ សោ និយមរ័ត្ន