នាយកប្រតិបត្តិរបស់ក្រុមហ៊ុនអាមេរិក និងអូស្ត្រាលី បំពេញទស្សនកិច្ចនៅមជ្ឈមណ្ឌលបណ្ដុះបណ្ដាល វិជ្ជាជីវៈ ព្រីនស៍ នាឡិកា ដែលជាសាលាផលិតនាឡិកាស្វីសដ៏ល្អដាច់គេ ប្រចាំនៅអាស៊ី

ថ្មីៗ​នេះ ក្រុមហ៊ុន​ព្រី​នស៍ ហូល​ឌី​ង គ្រុប (Prince Holding Group) បាន​ស្វាគមន៍​នាយក​ប្រតិបត្តិ​ចំនួន ៣ នាក់ មក​កាន់​មជ្ឈមណ្ឌល​បណ្ដុះបណ្ដាល​វិជ្ជាជីវៈ​ផ្នែក​ផលិត​នាឡិកា​របស់​ប្រទេស​ស្វី​ស ព្រី​នស៍ នាឡិកា។ គណៈប្រតិភូ​ទាំង ៣ រូប មាន​ដូចជា លោក Anthony Galliano នៃ​ក្រុមហ៊ុន Cambodia Investment Management លោក Mathew Care នាយក​ប្រតិបត្តិ នៃ​ក្រុម Digital Classifieds Group របស់​ប្រទេស​អូស្ត្រាលី និង​លោក Tom O’Sullivan នាយក​ប្រតិបត្តិ នៃ realestate.com.kh។

គណៈប្រតិភូ​មាន​ឱកាស​ចូល​ទស្សនា​ថ្នាក់រៀន និង​សំណេះសំណាល​ជា​និស្សិត។ ក្រៅពី​នេះ គណៈប្រតិភូ​ក៏បាន​សង្កេតមើល​ការ​ប្រើប្រាស់​ឧបករណ៍​ទំនើបៗ ដើម្បី​បំពេញ​នូវ​តម្រូវការ​ស្របតាម​កម្មវិធីសិក្សា​ដែល​ត្រូវ​បាន​រៀបចំឡើង​តាម​ស្តង់ដារ​របស់​ប្រទេស​ស្វី​ស។

លោក Gabriel Tan ប្រធាន​ផ្នែក​ទំនាក់ទំនង នៃ​ក្រុមហ៊ុន​ព្រី​នស៍ ហូល​ឌី​ង គ្រុប បាន​ថ្លែងអំណរគុណ​ចំពោះ​ដំណើរ​ទស្សនកិច្ច​នេះ ដោយ​លោក​បាន​លើក​ឡើង​ថា «​យើង​មាន​កិត្តិយស​ក្នុង​ការ​រៀបចំ​ទទួល​ស្វាគមន៍​ថ្នាក់ដឹកនាំ​ក្រុមហ៊ុន​អន្តរជាតិ​ទាំង​បី ដែល​បាន​បំពេញ​ទស្សនកិច្ច​សិក្សា​អំពី​កម្មវិធី​អភិវឌ្ឍន៍​ធនធានមនុស្ស​របស់​យើង។ ជាពិសេស​ការ​រួមចំណែក​ដ៏​ធំធេង​របស់​លោក Anthony ចំពោះ​ការ​រីកចម្រើន​របស់​ប្រទេស​កម្ពុជា ពិតជា​គួរ​ឲ្យ​កត់សម្គាល់ ហើយ​នឹង​ត្រូវ​បាន​ចងចាំ​ជា​រៀង​ដរាប​តទៅ​»​។

មជ្ឈមណ្ឌល​បណ្ដុះបណ្ដាល​វិជ្ជាជីវៈ ព្រី​នស៍ នាឡិកា ត្រូវ​បាន​បង្កើត​ឡើង​ដោយ​អ្នកឧកញ៉ា ចេ​ន ហ្ស៊ី ប្រធាន​ក្រុមហ៊ុន​ព្រី​នស៍ ហូល​ឌី​ង គ្រុប។ សម្រាប់​ឆ្នាំ​នេះ​ដែរ មជ្ឈមណ្ឌល​ព្រី​នស៍ នាឡិកា ទទួល​បាន​និស្សិត​ស្រី​ចំនួន​ពីរ​នាក់​ដំបូងបង្អស់​របស់​ខ្លួន បន្ថែម​ពី​លើ​និស្សិត​បរទេស​ជនជាតិ​ស្វី​ស​ដំបូង​របស់​ខ្លួន​។ នេះ​ស​បញ្ជាក់​ឲ្យ​ឃើញ​ពី​ការ​យកចិត្តទុកដាក់​របស់ ព្រី​នស៍ នាឡិកា ក្នុង​ការ​ផ្ដល់​នូវ​ការ​អប់រំ​កម្រិតស្តង់ដារ​កំពូល​មួយ និង​ការ​លើក​កម្ពស់​យេនឌ័រ​នៅ​កម្ពុជា។ ក្រុម​និស្សិត​រដូវ​កាល​ទី ១ ដែល​បាន​បញ្ចប់​ការ​សិក្សា​នៅ​មជ្ឈមណ្ឌល​ព្រី​នស៍ នាឡិកា កំពុងតែ​បម្រើការ​ជា​កូនជាង​នៅ​ក្នុង​សាលា និង​អភិវឌ្ឍន៍​ជំនាញ នៃ​ការ​រចនា​នាឡិកា​របស់​ពួកគេ​ជា​បន្តបន្ទាប់​។

ក្នុង​ដំណើរ​ទស្សនកិច្ច​នេះ លោក Anthony Galliano បាន​កោតសរសើរ​ចំពោះ​ការ​ប្ដេជ្ញា​ចិត្ត​របស់​មជ្ឈមណ្ឌល ព្រី​នស៍ នាឡិកា ក្នុង​ការ​អភិវឌ្ឍ​ធនធានមនុស្ស​នៅ​កម្ពុជា។ លោក​បាន​បង្ហាញ​ចំណាប់​អារម្មណ៍​ថា «​សិស្ស និង​និស្សិត​នៅ​មជ្ឈមណ្ឌល ព្រី​នស៍ នាឡិកា គឺជា​សក្ខីភាព​មួយ​បង្ហាញ​ឲ្យ​ឃើញ​ថា ការ​ខិតខំ​ប្រឹងប្រែង និង​ការ​យកចិត្តទុកដាក់​ក្នុង​ការ​រៀន​សូត្រ អាច​បើកឱកាស​ដ៏​ធំធេង​សម្រាប់​យុវជន​កម្ពុជា និង​បង្កើត​អនាគត​ដ៏​ភ្លឺស្វាង​សម្រាប់​ប្រទេស​កម្ពុជា​»។

នៅ​មជ្ឈមណ្ឌល Prince Horology សិស្សានុសិស្ស​អាច​អនុវត្ត​ផ្ទាល់​ជាមួយ​ឧបករណ៍ និង​សម្ភារៈ​បរិក្ខារ​ស្តង់ដារ​ទំនើបៗ និង​ត្រូវ​បាន​បង្ហាត់បង្រៀន​ដោយ​អ្នក​ជំនាញ​ដែល​បាន​ទទួល​ការ​បណ្ដុះបណ្ដាល​នៅ​ប្រទេស​ស្វី​ស ជាមួយ​នឹង​បទពិសោធន៍​រួមបញ្ចូល​គ្នា​ជាង ៦០ ឆ្នាំ នៅ​ក្នុង​វិស័យ​ផលិត​នាឡិកា​ស្វី​ស រួម​ទាំង​បទពិសោធន៍​ជាមួយ​ក្រុមហ៊ុន The Swatch Group និង ក្រុមហ៊ុន Richemont ក៏ដូចជា​បណ្ដា​ក្រុមហ៊ុន​ផលិត​នាឡិកា​ដ៏​ល្បីល្បាញ​នៅ​លើ​ពិភពលោក នៃ​កម្មវិធី​បណ្ដុះបណ្ដាល និង​អប់រំ​ស្វី​ស (WOSTEP) នេះ។

អំពី​ក្រុមហ៊ុន ព្រី​នស៍ ហូល​ឌី​ង គ្រុប (Prince Holding Group) ៖

ព្រី​នស៍ ហូល​ឌី​ង គ្រុប (Prince Holding Group) គឺជា​សម្ព័ន្ធ​ក្រុមហ៊ុន​ពហុ​ផលិតផល​ដ៏​ធំ​មួយ​នៅ​កម្ពុជា​ដែលមាន​ក្រុមហ៊ុន​ជាច្រើន​ធ្វើការ​ផ្តោតលើ​វិស័យ​ស្នួល​ចំនួន ៣ គឺ​ការ​អភិវឌ្ឍ​វិស័យ​អចលនទ្រព្យ សេវា​ហិរញ្ញវត្ថុ និង​បម្រើ​សេវា​អតិថិជន។ អាជីវកម្ម​សំខាន់ៗ​របស់​សម្ព័ន្ធ​ក្រុមហ៊ុន​ព្រី​នស៍​គ្រុប​នៅ​កម្ពុជា​រួមមាន ក្រុមហ៊ុន Prince Real Estate Group ក្រុមហ៊ុន Prince Huan Yu Real Estate Group ធនាគារ Prince Bank ក្រុមហ៊ុន​អាកាសចរណ៍ Cambodia Airways ក្រុមហ៊ុន Belt Road Capital Management ព្រមទាំង​ក្រុមហ៊ុន Awesome Global Investment Group។ តាមរយៈ​ក្រុមហ៊ុន​បុត្រ​សម្ព័ន្ធ​ទាំងនេះ សម្ព័ន្ធ​ក្រុមហ៊ុន ព្រី​នស៍ ហូល​ឌី​ង គ្រុប​មាន​អាជីវកម្ម​ប្រមាណ​ជាង ១០០ នៅ​ក្នុង​ប្រទេស​កម្ពុជា​ដែល​កំពុង​ប្រតិបត្តិការ​លើ​ការ​អភិវឌ្ឍ​វិស័យ​អចលនទ្រព្យ ធនាគារ ហិរញ្ញវត្ថុ អាកាសចរណ៍ ទេសចរណ៍ ភស្តុភារ បច្ចេកវិទ្យា​ម្ហូបអាហារ​និង​ភេសជ្ជៈ និង​វិស័យ​ប្រណិត​ភាព​នៃ​ជីវិត​។​ល។

ជាមួយ​ការ​បញ្ជ្រាប​បណ្ដាញ​ទៅ​ក្នុង​ឧស្សាហកម្ម ធុរកិច្ច និង​ហិរញ្ញវត្ថុ​នៅ​ទូទាំង​អាស៊ី ព្រី​នស៍ ហូល​ឌី​ង គ្រុប បាន​ប្ដេជ្ញា​ចិត្ត​យ៉ាង​មុតមាំ​ចំពោះ​ការ​អភិវឌ្ឍ​រយៈពេល​វែង​របស់​ប្រទេស​កម្ពុជា។

សម្រាប់​ព័ត៌មាន​លម្អិត​សូម​ចូល​ទៅ​កាន់ ៖ www.princeholdinggroup.com

អំពី​មជ្ឈមណ្ឌល​បណ្ដុះបណ្ដាល​វិជ្ជាជីវៈ ព្រី​នស៍ នាឡិកា (Prince Horology)

នៅ​មជ្ឈមណ្ឌល​បណ្ដុះបណ្ដាល​វិជ្ជាជីវៈ Prince Horology សិស្សានុសិស្ស​បាន​រៀន​ពី​សិល្បៈ នៃ​ការ​ផលិត​នាឡិកា​ទំនើប​តាមរយៈ​កម្មវិធី​អប់រំ​ដ៏​សម្បួរ​បែប និង​អនុវត្ត​ជាក់ស្ដែង​ដែល​មាន​តែមួយគត់​នៅ​ក្នុង​តំបន់​អាស៊ី​ប៉ាស៊ីហ្វិក។

ជាមួយ​នឹង​ការ​ដាក់​គោលដៅ​នេះ សិស្សានុសិស្ស​នៅតែ​ពេញចិត្ត​ចំពោះ​ជំនាញ​ផលិត​នាឡិកា​ស្វី​ស​តាម​បែប​បុរាណ​ដែល​មាន​តាំងពី​រាប់​សតវត្ស​កន្លងមក។ តាមរយៈ​ការ​វិនិយោគ​ដែល​មិន​អាច​ប្រៀបផ្ទឹម​បាន​លើ​ឧបករណ៍​ឯកទេស​ទំនើបៗ និង​ចំណេះដឹង​បច្ចេកទេស មជ្ឈមណ្ឌល​បណ្ដុះបណ្ដាល​វិជ្ជាជីវៈ ព្រី​នស៍ នាឡិកា នៅ​កម្ពុជា ផ្ដល់​ឲ្យ​សិស្សានុសិស្ស​នូវ​ឱកាស​ដ៏​អស្ចារ្យ​មួយ​ដើម្បី​រៀន​អំពី​ការ​រចនា និង​ផលិត​នាឡិកា​បែប​ស្វី​ស និង​ទទួល​បាន​ជំនាញ​ច្បាស់លាស់​មួយ​ដែល​ពួកគេ​អាច​យក​ទៅ​ប្រើប្រាស់​ក្នុង​អាជីព សម្រាប់​ពេញ​មួយ​ជីវិត។​

សម្រាប់​ព័ត៌មាន​លម្អិត សូម​ចូល​ទៅ​កាន់ ៖ www.princehorology.com៕