ព័ត៌មានជាតិ

អ្នកនាំពាក្យ ៖ ខេមបូចា កែតម្រូវលើខ្លឹមសារមួយចំនួនក្នុងអត្ថបទរបស់ខ្លួនហើយ ក្រោយក្រសួងទាមទារ

បានផុស

២ years មុន

នៅ

ថ្ងៃព្រហស្បតិ៍ ២៣ មីនា ២០២៣

ដោយ

សារព័ត៌មានខេមបូចា (CamboJANews) បានចុះផ្សាយកែតម្រូវលើខ្លឹមសារមួយចំនួន ក្នុងអត្ថបទដែលខ្លួនបានចុះផ្សាយកន្លងមករួចហើយ បន្ទាប់ពីក្រសួងព័ត៌មាន បានទាមទារឲ្យកែតម្រូវកាលពីពេលថ្មីៗនេះ។ នេះបើតាមអ្នកនាំពាក្យក្រសួងព័ត៌មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងព័ត៌មាន កាលពីថ្ងៃទី ២០ ខែមីនា ឆ្នាំ ២០២៣ថ្មីៗនេះ បានទាមទារឲ្យសារព័ត៌មានខេមបូចា (CamboJANews) កែតម្រូវខ្លឹមសារអត្ថបទមួយដែលដាក់ចំណងជើងថា «Ministry of Information Revokes Three Media Licenses Following Reports on Senior Official’s Role in Land Fraud» ដែលអត្ថបទនេះបានកាត់ចោលនូវចំណុចសំខាន់មួយចំនួន នៃខ្លឹមសារបញ្ជាក់អំពីការសម្រេចចិត្តរបស់ក្រសួងព័ត៌មាន ក្នុងការលុបអាជ្ញាបណ្ណរបស់អង្គភាពសារព័ត៌មានចំនួន ៣។

លោក មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានឲ្យដឹងនៅល្ងាចថ្ងៃទី ២៣ ខែមីនានេះថា បន្ទាប់ពីក្រសួងព័ត៌មាន បានចេញសេចក្ដីជូនព័ត៌មានមួយ ដោយទាមទារឲ្យសារព័ត៌មានខេមបូចា កែតម្រូវលើខ្លឹមសារដែលពាក់ព័ន្ធទៅនឹងការចុះផ្សាយរបស់សារព័ត៌មានរបស់ខ្លួន នូវអត្ថបទមួយជាភាសាអង់គ្លេសដែលមានចំណងថា «Ministry of Information Revokes Three Media Licenses Following Reports on Senior Official’s Role in Land Fraud» ក្រសួង បានកត់សម្គាល់ឃើញថា សារព័ត៌មានខេមបូចានេះ បានចុះផ្សាយនូវការកែតម្រូវលើខ្លឹមសារមួយចំនួន ក្នុងអត្ថបទដែលខ្លួនបានចុះផ្សាយកន្លងមករួចហើយ។

តែយ៉ាងណាក៏ដោយលោក មាស សុភ័ណ្ឌ បានបញ្ជាក់ថា លេខាធិការដ្ឋានរបស់គណៈកម្មាធិការនីតិកម្ម នៃក្រសួងព័ត៌មាន បានចេញលិខិតអញ្ជើញខាងសារព័ត៌មានខេមបូចានេះ មកពិភាក្សាអំពីបង្ហាញនេះបន្ថែមទៀតផងដែរ៕