ព័ត៌មានជាតិ
ច្រកព្រំដែនខេត្តបន្ទាយមានជ័យរកចំណូលចូលរដ្ឋប្រមាណ ១លានដុល្លារ ក្នុងមួយថ្ងៃ
ខេត្តបន្ទាយមានជ័យ រកចំណូលជូនជាតិតាមរយៈគយ បានប្រមាណចន្លោះពី ១លាន ទៅ១លាន ៥សែនដុល្លារ ក្នុងមួយថ្ងៃ ពីការនាំទំនិញចេញ-ចូល តាមច្រកទ្វារព្រំដែន។ នេះបើតាមការបញ្ជាក់របស់លោក អ៊ុំ រាត្រី អភិបាលខេត្តបន្ទាយមានជ័យ។

ថ្លែងនៅក្នុងសន្និសីទសារព័ត៌មានរបស់អង្គភាពអ្នកនាំពាក្យរាជរដ្ឋាភិបាល នៅព្រឹកថ្ងៃទី២៨ ខែមីនា លោក អ៊ុំ រាត្រី បានឱ្យដឹងថា ក្រៅពីចំណូលគយ ការប្រមូលចំណូលពន្ធដារ ក៏មានកំណើនផងដែរ ពីមួយឆ្នាំទៅមួយឆ្នាំ។ លោកបញ្ជាក់ថា កាលពីឆ្នាំ២០២២កន្លងទៅ ចំណូលពន្ធដារក្នុងខេត្តបន្ទាយមានជ័យ ទទួលបានចំនួន ២៥ ពាន់លានរៀល។
បើតាមលោក អ៊ុំ រាត្រី ដោយសារខេត្តបន្ទាយមានជ័យ មានព្រំប្រទល់ជាប់នឹងប្រទេសថៃ ជាកត្តាអំណោយផល ដល់ការដោះដូរ-ដឹកជញ្ជូនទំនិញ ការធ្វើពាណិជ្ជកម្ម ការធ្វើដំណើរចេញ-ចូល ទេសចរណ៍ ការធ្វើកិច្ចសហប្រតិបត្តិការ ដែលបានជួយជំរុញដល់កំណើនសេដ្ឋកិច្ចរបស់ខេត្ត។ សម្រាប់ទំនិញដែលខេត្តបន្ទាយមានជ័យ នាំចេញទៅប្រទេសថៃ ភាគច្រើនជាប្រភេទកសិផល ដូចជា ដំឡូងមី ម្ទេសក្រៀម អពៅ ពោតក្រហម ស្វាយចន្ទី និងស្រូវ ជាដើម។
លោកអភិបាលខេត្ត ក៏បានអរគុណដល់អាជីវករ និងអ្នកវិនិយោគិន ដែលបានគោរពច្បាប់ និងចូលរួមចំណែកបង់ពន្ធ ធ្វើឱ្យខេត្តរកចំណូលបានខ្ពស់ សម្រាប់អភិវឌ្ឍប្រទេសជាតិ។
ទាក់ទិននឹងកំណើននៃការប្រមូលចំណូលនេះ លោកអភិបាលខេត្ត បានបង្ហាញនូវមោទនភាព និងបញ្ជាក់ថា ខេត្តបន្ទាយមានជ័យលេខ១ ក្នុងការរកចំណូលជូនជាតិ ជាមួយសមត្ថកិច្ចគយ ដោយបានទប់ស្កាត់ការនាំទំនិញតាមច្រករបៀងខុសច្បាប់ ដែលនាំឱ្យបាត់បង់ចំណូលជាតិ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ