ព័ត៌មានជាតិ
ឯកឧត្ដម ហ៊ុន ម៉ាណែត ៖ ការពង្រឹងសមត្ថភាពព្យាបាលជំងឺជូនពលរដ្ឋជាការចាំបាច់ តែការបង្ការជំងឺ ក៏ជាកិច្ចការមួយត្រូវយកចិត្តទុកដាក់ខ្ពស់ដែរ
ឯកឧត្ដមបណ្ឌិត ហ៊ុន ម៉ាណែត បេក្ខភាពនាយករដ្ឋមន្ត្រីបន្តវេនរបស់គណបក្សប្រជាជនកម្ពុជា បានលើកឡើងថា ការពង្រឹងសមត្ថភាពព្យាបាលជំងឺជូនប្រជាពលរដ្ឋជាការចាំបាច់។ ប៉ុន្តែការបង្ការជំងឺ ក៏ជាកិច្ចការមួយដែលត្រូវយកចិត្តទុកដាក់ខ្ពស់ផងដែរ។

ឯកឧត្ដមបណ្ឌិត ហ៊ុន ម៉ាណែត តាមរយៈទំព័រហ្វេសប៊ុកផ្លូវការ នៅព្រឹកថ្ងៃទី ២៩ ខែមីនានេះ ដើម្បីបង្ការ និងព្យាបាលជំងឺជូនប្រជាពលរដ្ឋឲ្យមានប្រសិទ្ធភាព ត្រូវពឹងផ្អែកលើកត្តាធំៗចំនួន ៣រួមមាន៖ ១. ផ្សព្វផ្សាយអប់រំសុខភាព ដល់សាធារណៈជន ២. ការអនុវត្តច្បាប់ដោយប្រសិទ្ធភាព ក្នុងការគ្រប់គ្រងគុណភាពនៃគ្រឿងឧបភោគ បរិភោគ និងថ្នាំសង្កូវនានា ៣. ការចូលរួមដោយការទទួលខុសត្រូវ និងប្រសិទ្ធភាពខ្ពស់របស់ពេទ្យក្នុងការព្យាបាល និងការផ្តល់ថ្នាំដល់អ្នកជំងឺ។
ឯកឧត្ដមបណ្ឌិត មានប្រសាសន៍បែបនេះថា «មុននឹងឈានទៅដល់ការព្យាបាល យើងត្រូវធ្វើការវិនិយោគទៅលើការបង្ការ បើសិនជាឈានទៅដល់ឈឺហើយ យើងថយមួយជំហានហើយ យល់ល្អកុំឲ្យវាចូល ដូចខ្ញុំនិយាយចឹង ទីមួយការអប់រំសុខភាព ការយល់របស់សាធារណជន ឬក៏ការប្រើប្រាស់ ទីពីរការអនុវត្តច្បាប់ឲ្យបានតឹងរ៉ឹង ដើម្បីគ្រប់គ្រងបរិភោគ ឧបភោគ ថ្នាំសង្កូវអីផ្សេងៗ ដើម្បីជួយ ហើយទីបី គឺពេទ្យរបស់យើង ពេទ្យរបស់យើងដែលព្យាបាលដោយសមត្ថភាព ការទទួលខុសត្រូវ ការលក់ថ្នាំសង្កូវ មើលពិនិត្យអី យល់ដឹងច្បាស់អំពីការផ្ដល់អីទៅឲ្យអ្នកជំងឺ ហ្នឹង គឺជាកិច្ចការសំខាន់»។
ឯកឧត្ដមបណ្ឌិត ហ៊ុន ម៉ាណែត បានបញ្ជាក់ថា ប្រសិនបើ អាចអនុវត្តនូវចំណុចទាំង ៣ខាងលើនេះ គឺអាចពង្រឹងនូវសមត្ថភាពរបស់យើងបាន៕

-
ព័ត៌មានអន្ដរជាតិ១២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?