ព័ត៌មានជាតិ
ត្រឹមខែកក្កដា ការតភ្ជាប់បណ្ដាញទឹកស្អាតនឹងទៅដល់តំបន់អភិវឌ្ឍរុនតាឯក និងពាក់ស្នែង
រដ្ឋាភិបាលកំពុងជំរុញការកសាងហេដ្ឋារចនាសម្ព័ន្ធ ទៅតំបន់អភិវឌ្ឍធម្មជាតិរុនតាឯក និងពាក់ស្នែង ក្នុងនោះមានការរៀបចំសាងសង់បណ្ដាញទឹកស្អាត និងការតភ្ជាប់ប្រព័ន្ធអគ្គិសនីដែលនឹងបញ្ចប់នាពេលឆាប់ៗខាងមុខនេះ។
លោក ទៀ សីហា អភិបាលនៃគណៈអភិបាលខេត្តសៀមរាបបានបញ្ជាក់នៅក្នុងសន្និសីទនៅព្រឹកនេះថា ជាមួយការយកចិត្តទុកដាក់ដល់ប្រជាពលរដ្ឋស្ម័គ្រចិត្តរុះរើចេញពីតំបន់រមណីយដ្ឋានអង្គរទៅរស់នៅតំបន់អភិវឌ្ឍន៍ធម្មជាតិរុនតាឯក និងពាក់ស្នែង រាជរដ្ឋាភិបាលបានផ្ដល់ការតបណ្ដាញទឹកស្អាតពីក្នុងក្រុងសៀមរាបទៅតំបន់អភិវឌ្ឍរុនតាឯក និងពាក់ស្នែងក្នុងនោះក៏មានការសាងសង់បណ្ដាញមេ ៦៩ គីឡូម៉ែត្រ និងបណ្ដាញចែកចាយតាមខ្នងផ្ទះ ដែលគ្រោងបញ្ចប់នៅខែកក្កដា ឆ្នាំ២០២៣។
លោកទៀ សីហា បានបន្ថែមថា ក្រៅពីរៀបចំបណ្ដាញទឹកស្អាត និងការសាងសង់ខ្សែបណ្ដាញអគ្គិសនី បច្ចុប្បន្នអាជ្ញាធរកំពុងសាងសង់ហេដ្ឋារចនាសម្ព័ន្ធមានផ្សារ សាលារៀន មន្ទីរពេទ្យនិងហេដ្ឋារចនាសម្ព័ន្ធចាំបាច់មួយចំនួនទៀតដែលបម្រើដល់ជីវភាពរស់នៅរបស់ប្រជាពលរដ្ឋក្នុងតំបន់អភិវឌ្ឍទាំងពីរ។
បើតាមលោកអភិបាលខេត្ត រហូតមកដល់ពេលនេះមានពលរដ្ឋជាង ៩ ពាន់គ្រួសារដែលបានស្ម័គ្រចិត្តផ្លាស់ប្ដូរទីលំនៅពីតំបន់រមណីយដ្ឋានអង្គរទៅរស់នៅតំបន់អភិវឌ្ឍរុនតាឯកនិងពាក់ស្នែង។
ថ្លែងក្នុងពិធីសំណេះសំណាលជាមួយពលរដ្ឋជិត ២ ពាន់គ្រួសារ ដែលស្ម័គ្រចិត្តចាកចេញពីតំបន់រមណីយដ្ឋានអង្គរកាលពីខែតុលាឆ្នាំ ២០២២ ប្រមុខរដ្ឋាភិបាលបានសម្រេចផ្លាស់ប្ដូរមណ្ឌលរដ្ឋបាលស្រុកបន្ទាយស្រី និងស្រុកអង្គរធំ ទៅតំបន់អភិវឌ្ឍន៍រុនតាឯកនិងពាក់ស្នែង ដើម្បីរុញសេវាខិតកៀកទៅរកប្រជាពលរដ្ឋ។
មណ្ឌលរដ្ឋបាលស្រុកបន្ទាយស្រី ដែលស្ថិតនៅតំបន់ ១ ខាងត្បូងប្រាសាទបន្ទាយស្រី ត្រូវដូរទៅកាន់តំបន់អភិវឌ្ឍន៍រុនតាឯក ស្ថិតនៅភូមិតានី ឃុំរុនតាឯក។ ចំណែកមណ្ឌលរដ្ឋបាលស្រុកអង្គរធំ ដែលស្ថិតនៅខាងជើងកំពែងក្រុងអង្គរធំ ក៏ត្រូវផ្លាស់ប្ដូរទៅកាន់តែតំបន់អភិវឌ្ឍន៍ពាក់ស្នែង ស្ថិតនៅភូមិពាក់ស្នែង ឃុំពាក់ស្នែង។
ដោយឡែកទាក់ទងការអភិវឌ្ឍនៅតំបន់រុនតាឯក និងពាក់ស្នែង ក្រសួងសាធារណការនិងដឹកជញ្ជូន ក៏បានលើកពីគម្រោងស្ថាបនាផ្លូវក្រវាត់ក្រុងពីរខ្សែកាត់តំបន់អភិវឌ្ឍថ្មីទាំងពីរ។ ថ្លែងនៅក្នុងសន្និសីទវឌ្ឍនភាពរយៈពេល ៥ ឆ្នាំរបស់ក្រសួងសាធារណការនិងដឹកជញ្ជូន លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបញ្ជាក់ថា ផ្លូវវាងខាងជើងក្រុងសៀមរាបបានសិក្សាចប់សព្វគ្រប់ដោយប្រើប្រាស់ថវិកាពីធនាគារអភិវឌ្ឍអាស៊ី ADB ដែលនឹងត្រូវស្ថាបនាឆ្លងកាត់តំបន់អភិវឌ្ឍរុនតាឯកនិងពាក់ស្នែង។
ក្រៅពីផ្លូវវាងខាងជើងក្រុងសៀមរាប ក៏គ្រោងស្ថាបនាផ្លូវវាងក្រុងសៀមរាបមួយខ្សែទៀតនៅខាងត្បូងដែលតភ្ជាប់ពីផ្លូវជាតិលេខ ៦៤ ទៅពួកដោយប្រើប្រាស់ថវិកាកម្ចីក្នុងគម្រោង ACDF របស់កូរ៉េ៕
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៥ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២១ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៥ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ