Connect with us

ព័ត៌មានជាតិ

អ្នកលេងបណ្តាញសង្គម បារម្ភខ្លាចបាត់បង់អត្តសញ្ញាណពិធីមង្គលការខ្មែរ បើនៅតែមានអ្នកនិយមធ្វើតាមថៃ

បានផុស

នៅ

ម្សិលមិញនេះ ផ្ទុះការចាប់អារម្មណ៍មួយ ពីសំណាក់អ្នកប្រើប្រាស់បណ្តាញសង្គមហ្វេសប៊ុកមួយចំនួន បន្ទាប់ផេកហ្វេស​ប៊ុក បុរាណាចារ្យ បានផុសរូបមួយសន្លឹក ភ្ជាប់ជាមួយនឹងសំណេរថា “Save ទុកឲ្យកូនចៅជំនាន់ក្រោយមើលទៅ ២​ទៅ​៣ឆ្នាំ ទៀតលែងមានហើយ ព្រោះឥឡូវយើងនិយមអង្គុយចងដៃបែបថៃ”។ ក្នុងនោះ អ្នកលេងបណ្តាញសង្គមមួយចំនួន បានបញ្ចេញមតិរៀងៗខ្លួន ដោយអះអាងថា បច្ចុប្បន្នក្នុងពិធីមង្គលការមួយចំនួន សង្កេតឃើញគេប្រើការសំពះផ្ទឹមចងដៃ ពីក្រាបផ្ទឺម ប្តូរទៅជាអង្គុយលើកៅអីសំពះផ្ទឹមតាមរបៀបថៃវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីបណ្តាញសង្គមហ្វេសប៊ុកឈ្មោះ Sreylin Keo បានបញ្ចេញមតិ នៅក្នុងផុសរបស់ផេកខាងលើ យ៉ាងដូច្នេះថា “ទំនៀមទម្លាប់ខ្មែរយើង ក្រាបផ្ទឹម មិនមែនអង្គុយផ្ទឹម យល់ថា ការស្រឡាញ់ ការពេញចិត្ត វាជាសិទ្ធិអ្នក ប៉ុន្តែសូមឲ្យមានមនសិការ សេ្នហាវប្បធម៍ ទំនៀមទម្លាប់របស់ជាតិផង បើយើងមិនថែមិនរក្សា យើងចូលចិត្តចម្លងពីគេ យកមកប្រើ ហើយបំបាត់របស់ជាតិឯង ពេលគេយកទៅបាត់យើង កុំខឹងគេលួចរបស់យើង។ ទាន់នៅសល់ សូមចូលរួម ថែទាំងអស់គ្នា នូវអត្តសញ្ញាណដ៏ល្អផូរផង់របស់ជាតិឲ្យគង់វង្សផង”។

លើសពីនេះ មតិពីគណនីឈ្មោះ Ka លើកឡើងដែរថា “ថ្ងៃមុនខ្ញុំនិយាយពីកម្មវិធី រៀបអាពាហ៍ពិពាហ៍ ខ្ញុំបាននិយាយថា «ការសំពះពាលា គឺគេធ្វើឡើង នៅចុងកម្មវិធីក្រោយគេបង្អស់នៅក្នុងថ្ងៃទី៣ នៃកម្មវិធី» ស្រាប់តែមិត្តរួមថ្នាក់ គេជំទាស់ ឡើងថា អត់ទេ ការសំពះពាលា គេធ្វើឡើងមុនគេបង្អស់នៅក្នុងថ្ងៃទី២ នៃថ្ងៃអាពាហ៍ពិពាហ៍ ហើយគាត់បន្តទៀតថា កម្មវិធីរៀបអាពាហ៍ពិពាហ៍នេះ គឺគេប្រារព្ធឡើងត្រឹមតែរយៈពេល២ថ្ងៃប៉ុណ្ណោះ។ ប្អូនស្រី Ka បន្តថា នេះសបញ្ចាក់ថា ដោយសារតែសម័យកាន់តែ ជឿនលឿន ប្រជាពលរដ្ឋខ្មែរចួលចិត្តប្រើពាក្យថា «ឆាប់ហើយ» ទើបធ្វើឲ្យក្មេងជំនាន់ក្រោយ មិនយល់ មិនស្គាល់ពីប្រពៃណីខ្លួនឯងច្បាស់។

បើតាមអ្នកនាង ម៉ូលីតា ដែលទើបនឹងរៀបអាពាហ៍ពិពាហ៍កាលពីដើមឆ្នាំ២០២២ កន្លងទៅនេះ បានបង្ហាញក្តីព្រួយបារម្ភ ដែរថា កម្មវិធីមង្គលការបច្ចុប្បន្ន មានលក្ខណៈខុសពីមុន មិនត្រឹមតែកម្មវិធីនោះទេ នៅមានទាំងការគ្រងឈុតបុរាណ ទៀតផង ដែលឥឡូវគេនិយមស្លៀកស្បៃថៃជាជាស្បៃខ្មែរ ដែលក៏អាចជាមូលហេតុធ្វើឱ្យអ្នកជំនាន់ក្រោយមួយចំនួន ដែលពុំបានសិក្សាស្វែងយល់ អាចមានការយល់ខុស បែកចែកមិនដឹងថាមួយណាជាអត្តសញ្ញាណខ្មែរ មួយណាជាអ ត្តសញ្ញាណថៃ។ អ្នកនាងថា “ចំពោះអាពាហ៍ពិពាហ៍នាងខ្ញុំ ខ្ញុំយល់ថា ខ្ញុំអាចធ្វើតាមលក្ខណៈប្រពៃណីបានដូចគេឯងទូទៅ គ្រាន់តែមិនអាចតាមបែបបុរាណខ្មែរទាំងស្រុងបាន ព្រោះត្រូវចំណាយច្រើនខ្លាំង ដូចនេះ អាចធ្វើទៅបានត្រឹមតែ ក្រុងពាលា សូត្រមន្ត ហែរជំនូន កាត់សក់បង្កក់សេរី សំពះផ្ទឹមចងដៃ និងទទួលភ្ញៀវពេលល្ងាចប៉ុណ្ណោះ”។

គួររម្លឹកថា ពិធីមង្គលការតាមបែបប្រពៃណីខ្មែរ គឺមានក្បួនខ្នាត និងរបៀបវីរៈច្រើន ហើយមានរយៈពេល ៣ថ្ងៃ ប៉ុន្តែក្រោយៗមក កម្មវិធីមួយចំនួនត្រូវកាត់បន្ថយ ហើយចំនួននៃថ្ងៃ ក៏បន្ថយទៅតាមនោះដែរ។ តួយ៉ាង សូម្បីតែសម្លៀកបំពាក់បែបខ្មែរ ក៏មានការប្រែប្រួលការច្នៃម៉ូដទៅតាមចំណង់ចំណូលអ្នកស្លៀក និងសំអាងការផងដែរ៕

Helistar Cambodia - Helicopter Charter Services
Sokimex Investment Group
ព័ត៌មានជាតិ៥ ម៉ោង មុន

​សមត្ថកិច្ច​នឹង​បញ្ចៀស​ចរាចរ កំណាត់​មហាវិថីព្រះនរោត្តម និង​បរិវេណ​ជុំវិញ​វិមាន​៧មករា​ ថ្ងៃទី២៦ ខែមេសា

សេចក្ដីជូនដំណឹង១១ ម៉ោង មុន

ធនាគារ វីង បោះបង់ចំណូលរាប់សិប លានដុល្លារពីការលុបចោលថ្លៃសេវា ដកលុយនៅទូទាំងប្រទេសកម្ពុជា

ជីវិតកម្សាន្ដ១២ ម៉ោង មុន

ឧកញ៉ា សិរីមន្ត និង តន់ ចន្ទសីម៉ា ចាប់គូច្រៀងចង្វាក់ប្រពៃណី ២បទរួមគ្នា ធ្វើឱ្យអ្នកស្តាប់បង្ហើបក្តីពេញចិត្តខ្លាំង

ជីវិតកម្សាន្ដ១២ ម៉ោង មុន

សង្ក្រាន្តឆ្នាំ២០២៥! Galaxy វ៉ាដាច់គេ ក្នុងការផលិតបទចង្វាក់ប្រពៃណី​ ខណៈទើបទម្លាក់ថែម ១១បទ

ព័ត៌មានអន្ដរជាតិ១២ ម៉ោង មុន

​បេសកជន​​​​អាមេរិក​ទៅ​ដល់​រុស្ស៊ី​លើក​ទី​២ សម្រាប់​ការ​ចរចា​​បទឈប់បាញ់​​អ៊ុយក្រែន-រុស្ស៊ី​

ព័ត៌មានអន្ដរជាតិ២១ ម៉ោង មុន

ឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់

កីឡា១៥ ម៉ោង មុន

ពិត​ជា​អស្ចារ្យ បើឡើង​វគ្គ​ផ្តាច់​ព្រ័ត្រ ព្រះ​ខ័ន​រាជ​ស្វាយរៀង នឹង​ធ្វើ​ម្ចាស់​ផ្ទះ​ជា​ប្រវត្តិ​សាស្ត្រ​ដំបូងនៅ​កម្ពុជា

ជីវិតកម្សាន្ដ១២ ម៉ោង មុន

សង្ក្រាន្តឆ្នាំ២០២៥! Galaxy វ៉ាដាច់គេ ក្នុងការផលិតបទចង្វាក់ប្រពៃណី​ ខណៈទើបទម្លាក់ថែម ១១បទ

តាំងផលិតស្រា
សន្តិសុខសង្គម១៤ ម៉ោង មុន

មន្ត្រីជំនាញរកឃើញទីតាំងផលិតស្រាម៉ាកល្បីក្លែង​ក្លាយជាង៤ពាន់ដប និងសម្ភារៈមួយចំនួនធំ

ព័ត៌មានអន្ដរជាតិ២០ ម៉ោង មុន

មានតែអឺរ៉ុប៦ប្រទេសប៉ុណ្ណោះ ដែលប្តេជ្ញាបញ្ជូនទ័ពទៅអ៊ុយក្រែន ក្នុងនាមកងរក្សាសន្តិភាព

Sokha Hotels

ព័ត៌មានពេញនិយម