ព័ត៌មានជាតិ
នាយករដ្ឋមន្ត្រី ៖ បញ្ហាធ្លាក់ចុះនៃសេដ្ឋកិច្ច គឺបណ្ដាប្រទេសនានានៅលើពិភពលោកជួបប្រទះដូចគ្នា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា លើកឡើងថា បញ្ហាធ្លាក់ចុះនៃសេដ្ឋកិច្ច គឺបណ្ដាប្រទេសនានានៅលើពិភពលោកជួបប្រទះដូចគ្នា មិនមែនមានតែកម្ពុជាមួយនោះឡើយ។ ការលើកឡើងខាងលើនេះ គ្រាដែលសម្ដេចតេជោ ហ៊ុន សែន អញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រ (NIB) ជាង ៦ពាន់នាក់ កាលពីព្រឹកថ្ងៃទី ៣០ ខែមីនានេះ។

សម្ដេចតេជោ ហ៊ុន សែន បានថ្លែងថា ក្រុមគណបក្សនយោបាយជ្រុលនិយម នឹងប្រើប្រាស់សារនយោបាយរបស់ពួកគេ ជុំវិញបញ្ហាអន់ថយនៃសេដ្ឋកិច្ចកម្ពុជា ខណៈដែលសេដ្ឋកិច្ចសកលកំពុងមានបញ្ហា។ «រឿងទាក់ទិនជាមួយនឹងសេដ្ឋកិច្ចសកលនេះ កំពុងមានបញ្ហា ហើយនៅក្នុងពេលសេដ្ឋកិច្ចកំពុងមានបញ្ហាពួកគណបក្សនយោបាយ ដែលជ្រុលនិយមគឺនឹងប្រើប្រាស់ថា ភាពអន់ថយនៃសេដ្ឋកិច្ចកម្ពុជា ពួកគេនឹងប្រើប្រាស់កន្លែងហ្នឹង ចាំឲ្យច្បាស់អាកន្លែងហ្នឹង»។ នេះជាការថ្លែងបញ្ជាក់របស់សម្ដេចតេជោ ហ៊ុន សែន។
សម្ដេចតេជោ ហ៊ុន សែន ថ្លែងបន្តថា សម្ដេច នឹងពន្យល់ជាបន្តបន្ទាប់ទៅលើបញ្ហា នៃការធ្លាក់ចុះសេដ្ឋកិច្ចសកលនេះ។ សម្ដេចតេជោ ហ៊ុន សែន ថ្លែងបែបនេះថា «អញ្ចឹងខ្ញុំត្រូវតែពន្យល់ ហើយខ្ញុំនឹងស្រែកនូវក្នុងការពន្យល់ជាបន្តបន្ទាប់ សេដ្ឋកិច្ចសកលវាធ្លាក់ចុះគ្រប់តែប្រទេសហ្នឹង ប៉ុន្តែគេមិនបានលើកអំពីការធ្លាក់ចុះនៃសេដ្ឋកិច្ច នៃបណ្ដាប្រទេសដទៃទេ គេលើកតែពីការធ្លាក់ចុះនៃសេដ្ឋកិច្ចរបស់កម្ពុជាតែប៉ុណ្ណោះ»។
សម្ដេចតេជោ ហ៊ុន សែន លើកឡើងទៀតថា ក្រុមគណបក្សប្រឆាំងជ្រុលនិយម តែងតែយកបញ្ហាវិបត្តិសកលមកវាយប្រហារលើរាជរដ្ឋាភិបាលកម្ពុជា ដោយពួកគេមិនបាននិយាយអំពីវិបត្តិដែលកើតឡើងជារួមនៅលើពិភពលោកឡើយ។
ជាមួយគ្នានេះ សម្ដេចតេជោ ហ៊ុន សែន បានគូសបញ្ជាក់ថា ប្រទេសកម្ពុជា មិនមានបញ្ហាដួលរលំធនាគារនោះឡើយ បើទោះបីជាមានការព្រមានអំពីការធ្លាក់ចុះ នៃសេដ្ឋកិច្ចសកលក៏ដោយ។ ក្នុងនោះដែរ សម្ដេចសង្ឃឹមថា ពិភពលោក នឹងរិះរកគ្រប់វិធីសាស្រ្ដគ្រប់គ្រង នៃបញ្ហាសេដ្ឋកិច្ចចំពោះមុខនេះ ដើម្បីកុំឲ្យធ្លាក់ចុះបន្ថែមទៀត៕

-
សន្តិសុខសង្គម១៧ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?