រោងចក្រផលិតទឹកស្អាតចំនួន ២ កំពុងដំណើរការសាងសង់នៅរាជធានីភ្នំពេញ

នៅរាជធានីភ្នំពេញមានរោងចក្រប្រព្រឹត្តកម្មទឹកស្អាតចំនួន ២ កន្លែងដែលកំពុងដំណើរការសាងសង់ដើម្បីឆ្លើយតបទៅនឹងតម្រូវការប្រើប្រាស់ទឹកស្អាត។

១. រោងចក្រប្រព្រឹត្តកម្មទឹកស្អាតបាក់ខែងជំហានទី១-២ មានសមត្ថភាពផលិតស្អាតសរុបជិត ៤ សែនម៉ែត្រគូប (៣៩០.០០០) ក្នុងមួយថ្ងៃ។

២. រោងចក្រប្រព្រឹត្តកម្មទឹកស្អាតបឹងធំ មានសមត្ថភាពផលិតទឹកស្អាត ៥ ពាន់ម៉ែត្រគូបក្នុងមួយថ្ងៃ។

នៅពាក់កណ្តាលឆ្នាំ ២០២៣ ខាងមុខនេះ រដ្ឋាករទឹកស្វយ័តក្រុងភ្នំពេញគ្រោងនឹងសម្ភោធដាក់ឱ្យដំណើរការជាផ្លូវការ នូវរោងចក្រផលិតទឹកស្អាតបាក់ខែងជំហានទី១ មានសមត្ថភាពផលិតជិត ២ សែន ម៉ែត្រគូបក្នុងមួយថ្ងៃ (១៩៥.០០០) ដែលនឹងជួយកាត់បន្ថយកង្វះទឹកស្អាតប្រើប្រាស់នៅរាជធានីភ្នំពេញ។

នៅឆ្នាំ២០២៣ នេះ តម្រូវការទឹកប្រើប្រាស់បានកើនឡើង ជាង៨៩​ម៉ឺនម៉ែត្​រគូបក្នុងមួយថ្ងៃ នៅពេលដែលសមត្ថភាពផលិតទឹកជាក់ស្តែងរបស់ រដ្ឋាករទឹកស្វយ័តក្រុងភ្នំពេញ មានប្រមាណតែ ៦៤ ម៉ឺនម៉ែត្រគូបក្នុងមួយថ្ងៃតែប៉ុណ្ណោះ។ មានន័យថា រដ្ឋាករទឹកស្វយ័តក្រុងភ្នំពេញ ខ្វះទឹកផ្គត់ផ្គង់ចំនួន ២៥ម៉ឺនម៉ែត្រគូបក្នុងមួយថ្ងៃ។

រដ្ឋាករទឹកស្វយ័តក្រុងភ្នំពេញ សង្ឃឹមថា នៅដើមខែឧសភា ឆ្នាំ២០២៣នេះ រោងចក្រផលិតទឹកស្អាតថ្មី នឹងផលិត ចែកចាយទឹកស្អាតបានក្នុងបរិមាណ ២០ ម៉ឺនម៉ែត្រគូបក្នុងមួយថ្ងៃ បន្ថែមលើសមត្ថភាពផលិតបច្ចុប្បន្ន ៦៤ម៉ឺន ម៉ែត្រគូបក្នុងមួយថ្ងៃ៕