ប្រធានគណបក្សប្រជាជនកម្ពុជា ៖ យើងប្រើផ្លូវច្បាប់ ដើម្បីការពារកិត្តិយស

សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា លើកឡើងថា គណបក្សប្រជាជនកម្ពុជា ជ្រើសរើសយកការអនុវត្តច្បាប់ដើម្បីការពារត្តិយស ពីការវាយប្រហារដោយគ្មានការពិតពីសំណាក់គណបក្សប្រឆាំង។

នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ មន្ទីរពេទ្យបង្អែកស្រុកក្រូចឆ្មារ ខេត្តត្បូងឃ្មុំ នាព្រឹកថ្ងៃទី ៣ ខែមេសានេះ សម្ដេចតេជោ ហ៊ុន សែន បានកត់សម្គាល់ឃើញថា ការវាយប្រហារមកគណបក្សប្រជាជនកម្ពុជា ហាក់មានការថមថយ បន្ទាប់ពីសម្ដេច បានប្រាប់ទៅគណបក្សប្រឆាំងថា សូមឃោ​សនាតែគោលនយោបាយរបស់គណបក្សខ្លួន បានហើយ។

សម្ដេចតេជោ ហ៊ុន សែន ថ្លែងបែបនេះថា «​ឥឡូវពាក្យប្រទិចផ្ដាសាគ្នា ដូចថយ ព្រោះថយ ព្រោះយើងបានប្រាប់ទៅគេថា អ្នកឃោសនាតែពីទំនិញរបស់អ្នកបានហើយ អ្នកមិនចាំបាច់មកជេរខ្ញុំ ដើម្បីចំណេញអ្នកទេ បើមិនបានជេរពួកខ្ញុំរន្ទះបាញ់ហើយអី»?

សម្ដេចតេជោ ហ៊ុន សែន បានបញ្ជាក់ថា គណបក្សប្រជាជនកម្ពុជា នឹងប្រើប្រាស់ផ្លូវច្បាប់ ដើម្បីការពារកិត្តិយស ពីការវាយប្រហាររបស់គណបក្សប្រឆាំង។ «យើងប្រើផ្លូវច្បាប់ ប្រើផ្លូវច្បាប់ដើម្បីការពារកិត្តិយស ឥឡូវជម្រើសមានតែពីរទេ ទីមួយប្រើផ្លូវច្បាប់ ទីពីរប្រើកម្លាំង អ្នកឯងយកមួយណា ប្រើផ្លូវច្បាប់ កុំប្រើហិង្សា កុំ យើងទាត់ចោលហិង្សា ក៏ប៉ុន្តែ​ផ្លូវច្បាប់ ដើម្បីការពារកិត្តិយសៗ»។ នេះជាការបញ្ជាក់បន្ថែមរបស់សម្ដេចតេជោ ហ៊ុន សែន៕