ព័ត៌មានជាតិ

ភ្នំយាយសំ ថ្មដុះដូចទំពាំងតម្រៀបជួរគ្នាដូចដើមឫស្សី គួរឲ្យចង់ទស្សនា

បានផុស

៤ years មុន

នៅ

ថ្ងៃចន្ទ ១៨ មករា ២០២១

ដោយ

ភ្នំដូនសំនៃអតីតតំបន់ជម្រកសត្វព្រៃម៉ាឡៃជាតំបន់អតីតខ្មែរក្រហម ឥឡូវនេះមានថ្មដុះដូចទំពាំងតម្រៀបជួរគ្នាដូចដើមឫស្សីគួរឲ្យចង់ទស្សនា ដួចនៅប្រទេសជប៉ុន។ នេះបើតាមក្រុមការងារបេតិកភ័ណ្ឌ ប្រចាំថ្ងៃថតបានធ្វើការ ស្រាវជ្រាវ កាលពីថ្មីៗនេះ ហើយបានផ្សព្វផ្សាយ ជាសាធារណៈផងដែរ កាលពីថ្ងៃទី១៧ ខែមករា ឆ្នាំ ២០២១ មានរឿងរ៉ាវ មួយចំនួន ពាក់ព័ន្ធនឹងបារមី នៅភ្នំយាយសំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះចៅអធិការ វត្តវត្តគិរីសមស័ក្កភ្នំយាយសំនៅឃុំទួលពង្រ ស្រុកម៉ាឡៃ បានមានសង្ឃដីកាឲ្យដឹងថាព្រះអង្គ ធ្លាធ្លាប់ចាំឃ្លាំមើល តើមានអ្នកណា មកបោសសំអាត ស្លឹកពោធិ៍នៅលើភ្នំនេះឲ្យបានពិត តែមិនឃើញមានមនុស្ស សត្វ ឬភាវៈអ្វីជាក់ស្តែងទេនេះជាបារមីពិតៗ។ចៅអធិការអង្គនោះបានបង្ហើបឲ្យដឹងទៀតថា រឿងនេះពាក់ព័ន្ធនិងអ្នកស្នងរូបូប ផ្លូវក្នុងនិងជំនឿផ្លូវងងឹត គឺគេឃើញមានប្រាសាទ លើកំពូលភ្នំ មានលក្ខណៈ ដូចជាទីលានប្រជុំទ័ព កាលសម័យ ព្រះអង្គច័ន្ទរាជា ក្នុងប្រវត្តិសាស្ត្រ ធ្វើចម្បាំងនឹងពួកសៀម។ចំណែកក្រុមការងារនៃបេតិកភ័ណ្ឌបានបញ្ជាក់ឲ្យដឹងបន្តទៀតថានៅលើទីតាំងគ្រឹះប្រាសាទ អតីតទាហាន ឧទ្ទាមខ្មែរក្រហម បានយកគ្រឿងចក្រ ឈូសទៅគាស់កាយដើម្បីកសាងទីតាំងកាំភ្លើងធំគាំទ្រ ការពារការវាយលុកពីទាហាន វៀតណាម និងទាហានសម័យសាធារណរដ្ឋប្រជាមានិតកម្ពុជា និងរដ្ឋកម្ពុជា។

នៅត្រង់នោះ ជាទួលមានរៀបថ្ម បន្តុបលើគ្នាជាខឿន ហើយសព្វថ្ងៃនេះ លើទួលនោះ មានអាស្រមតម្កល់រូបសំណាកព្រះមាតានៅជិតនោះ មានស្រះទឹក រីងខះមួយ ដែលជាអតីតទីស្តុកទឹក សម្រាប់ផ្គត់ផ្គង់កងទ័ព នៅតំបន់ភ្នំយាយសម ភ្នំមេល័យ ហើយមានផ្ទាំងថ្មធំៗ ផុសដោយធម្មជាតិ ដែលមានរូបរាង ដូចសត្វនាគភ្នំយាយសំវែង ហើយមានល្អាងច្រើន ដែលទាមទារការសិក្សាបន្ថែម។ក្រុមការងារបេតិកភ័ណ្ឌ ប្រចាំថ្ងៃបានថត ស្រាវជ្រាវ កាលពីថ្មីៗនេះពីលើកូនភ្នំនេះ លោកអ្នក អាចមើលឃើញ ទិដ្ឋភាពក្រុងប៉ោយប៉ែត ខេត្តបន្ទាយមានជ័យឃើញភ្នំបារាំងធ្លាក់ ស្រុកសំពៅលូន និងកូនក្រុមកូនភ្នំមេល័យ ក៏ដូចជា ទឹកដីថៃ នៅនៅម្ខាងអូរព្រំដែនផងដែរ ។នៅជើងភ្នំ អ្នកស្រុក ធ្លាប់បានជីកកាយដី ឃើញវត្ថុបុរាណកុលាលភាជន៍ និងចម្លាក់ព្រះពុទ្ធបដិមា ធ្វើអំពីថ្មផងដែរ។

កាលពីថ្ងៃទី២៥ ខែឧសភា ឆ្នាំ២០២០ថ្មីៗនេះ រាជរដ្ឋាភិបាល បានឯកភាពតាមសំណើ របស់ក្រសួងបរិស្ថាន បានចេញច្បាប់ បង្កើតតំបន់បេតិកភណ្ឌ ធម្មជាតិ ភ្នំយាយសំ សម្រាប់ជាប្រយោជន៍ មនុស្សជំនាន់ក្រោយឲ្យបានយល់ដឹងផងដែរ៕

វ៉ាន់ ណាង