ព័ត៌មានជាតិ

ក្រូចចិន ឬក្រូចឃ្វិចត្រៀមច្រើន ក្នុងឱកាសបុណ្យចូលឆ្នាំចិនខាងមុខនេះ

បានផុស

៤ years មុន

នៅ

ថ្ងៃចន្ទ ១៨ មករា ២០២១

ដោយ

ក្រូចចិន ឬខ្មែរយើងហៅថាក្រូចឃ្វិច ដែលនិយមទិញយកទៅទទួលទានឬយកទៅដាំលម្អផ្ទះ ក្នុងឱកាសចូលឆ្នាំចិន ដើម្បីយកលាភសក្ការៈបានធ្វើការនាំចូលច្រើនពីក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភេទក្រូច នេះនាំចូលពីប្រទេសថៃតាមច្រកសំពៅលូន ខេត្តបាត់ដំបង ដោយនាំចូលជាដើម ដែលមានផ្លែជាស្រេចមកលក់ក្នុងស្រុកស្ទឹងត្រង់ ខេត្តកំពង់ចាមតាមរយៈដេប៉ូឈ្មោះថា ចម្ការតាឈីន។ តាមរយៈបណ្តាញសង្គម ដែលផ្សព្វផ្សាយលក់បានបង្ហាញថាក្នុងស្តង់ចម្ការតាឈីនក្នុងស្រុកស្ទឹងត្រង់ខេត្តកំពង់ចាមនេះ មានការនាំចូលប្រភេទក្រូចចម្រុះពីថៃច្រើនមានក្រូចចិនឬហៅម្យ៉ាងទៀតថា ក្រូចឃ្វិច ក្រូចចុងសក់ ក្រូចថ្លុងជាដើម ដោយត្រៀមលក្ខណៈលក់ចេញ។

ប្រភេទក្រូចចិន ជារៀងរាល់ឆ្នាំក្នុងឱកាសមុនចូលឆ្នាំចិនច្រើននាំចូលពីប្រទេសថៃ និងវៀតណាម ដែលជាប្រភេទក្រូចផ្លែតូចៗដែលមានរសជាតិខ្លះផ្អែម ខ្លះទៀតជូរអែម។ ម្ចាស់ស្តង់ចម្ការតាឈីនថា ប្រភេទក្រូចទាំងនេះ នាំចូលតាមច្រកសំពៅលូនខេត្តបាត់ដំបង ដោយក្នុង១ដើមលក់បានថ្លៃ៥ដុល្លារហើយក៏ជាលើកដំបូងដែរ ដែលក្រូចនេះមានវត្តមានក្នុងទឹកដីខេត្តកំពង់ចាម។ ក្រូចចិននេះ អាចដាំបានលើដំបូលផ្ទះ ក៏បានដែរមិនសំដៅតែលើដីប៉ុណ្ណោះទេ ដែលអាចទទួលផលក្នុងរយៈពេល៣ខែហើយក្រូចចិននេះ ភាគច្រើនគេមានជំនឿថា ពេលយកមកសែន ឬដាក់តាំងលម្អផ្ទះ ដើម្បីភាពត្រជាក់ត្រជុំរកស៊ីមានបានដោយហេតុនេះហើយប្រភេទក្រូចនេះ ច្រើនលក់ដាច់តម្រូវទីផ្សារច្រើនតែ ក្នុងឱកាសមុនចូលឆ្នាំចិនប៉ុណ្ណោះ៕

អត្ថបទ៖ កញ្ញា វ៉ាត