ព័ត៌មានជាតិ

បាត់ប្ដីយូរពេក ប្រពន្ធទៅរកស្រាប់តែអ្វីៗហួសពេលអស់

បានផុស

៣ years មុន

នៅ

ថ្ងៃចន្ទ ១៨ មករា ២០២១

ដោយ

បុរសម្នាក់ក្រោយពីផឹកស៊ីជុំគ្នាស្រវឹង ក៏ទាញសំណាញ់ទៅរកត្រីម្នាក់ឯង ដោយប្រាប់ប្រពន្ធថា ទៅបង់ត្រីបន្តិចគ្រាន់បានធ្វើម្ហូប តែពេលបាត់ប្ដីយូរពេក ប្រពន្ធក៏តាមទៅរក ស្រាប់តែប្រទះឃើញលង់ទឹកស្រះស្លាប់បាត់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា ហេតុការណ៍ខាងលើនេះ បានកើតឡើងនៅថ្ងៃទី១៦ ខែមករា ឆ្នាំ២០២១ត្រង់ចំណុចស្រះទឹកខាងកើតភូមិភ្នំសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង។

សាក្សីនិយាយថា មុនកើតហេតុជនរងគ្រោះបានជួបជុំគ្នាផឹកស្រាក្នុងសភាពស្រវឹងជោគជាំ ក៏នឹកឃើញទៅបង់ត្រីនៅស្រះ កន្លែងកើតហេតុខាងលើ គ្រាន់បានធ្វើម្ហូប លុះរហូតបាត់ជាច្រើនម៉ោងមិនឃើញត្រឡប់មកវិញ ក៏ក្រុមគ្រួសារសង្ស័យក៏នាំគ្នាទៅតាមមើលទើបដឹងថា ជនរងគ្រោះបានលង់ទឹកនៅក្នុងស្រះបាត់ទៅហើយ។

សមត្ថកិច្ចបន្តថា ជនរងគ្រោះមានឈ្មោះវឿន ធឿក ភេទប្រុសអាយុ៣៥ឆ្នាំ រស់នៅក្នុងក្រុមទី៥ភូមិភ្នំសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង។ ក្រោយកើតហេតុសមត្ថកិច្ចផ្នែកបច្ចេកទេសវិទ្យាសាស្ត្រស្រុក បានចុះទៅពិនិត្យសាកសព និងសន្និដ្ឋានថា ជនរងគ្រោះពិតជាលង់ទឹកស្លាប់យ៉ាងពិតប្រាកដមែន៕

អត្ថបទ ៖ សៅ សារិទ្ធ

Related Topics:លង់ទឹក