ព័ត៌មានជាតិ

នគរបាលខេត្តកំពង់ចាមបង្ក្រាបករណីជួញដូរគ្រឿងញៀនឃាត់ខ្លួនជនសង្ស័យ១២នាក់

បានផុស

៤ years មុន

នៅ

ថ្ងៃចន្ទ ១៨ មករា ២០២១

ដោយ

ជនសង្ស័យ១២នាក់ពាក់ព័ន្ធបទល្មើសគ្រឿងញៀន ត្រូវបាននគរបាលខេត្តកំពង់ចាម បង្ក្រាបដោយប្រើវិធានញុះញុង ចាប់យកវត្ថុតាងមួយចំនួន ។

សមត្ថកិច្ចខេត្តកំពង់ចាមប្រាប់ថា ដោយមានការអនុញ្ញាតពីលោក សាន សុភៈ ព្រះរាជអាជ្ញារងអមសាលាដំបូងខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្ត ជាមួយជំនាញអធិការរដ្ឋាននគរបាលស្រុកចំការលើ និងប៉ុស្តិ៍នគរបាលរដ្ឋបាលបុសខ្នុរ ដឹកនាំដោយលោកឧបត្តមសេនីយ៍ត្រី ជីវ សេងរស់ ស្នងការរងទទួលផែនប្រឆាំងគ្រឿងញៀន បង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ដោយប្រើវិធានញុះញុង ឃាត់ខ្លួនជនសង្ស័យ១២នាក់ កាលពីថ្ងៃទី១៧ ខែមករា ឆ្នាំ២០២០១ វេលាម៉ោង១៤ និង១០នាទី នៅចំណុចចំការកៅស៊ូ ស្ថិតក្នុងភូមិ១០មករា ឃុំបុសខ្នុរ ស្រុកចំការលើ ខេត្តកំពង់ចាម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ភារដកហូតរួមមាន ម្សៅក្រាមពណ៌សសង្ស័យជាថ្នាំញៀនចំនួន១០កញ្ចប់ ទូរស័ព្ទដៃចំនួន០៨គ្រឿង ជញ្ជីងអេឡិចត្រូនិចចំនួន ០១គ្រឿង កាំភ្លើងកែឆ្នៃចំនួន ០១ដើម និង ដាវ០១ដើម។

បច្ចុប្បន្នជនសង្ស័យរួមនិងវត្ថុតាង ជំនាញបាននាំទៅកាន់ការិយាល័យប្រឆាំងគ្រឿងញៀន ដើម្បីចងក្រងសំណុំរឿងចាត់ការតាមនីតិវិធី ៕

អត្ថបទរ៉ាវុទ្ធ