ព័ត៌មានជាតិ
គិតត្រឹមដើមឆ្នាំនេះ រដ្ឋសភានីតិកាលទី៦ បានអនុម័តច្បាប់ចំនួន១០៩
គិតត្រឹមខែមីនា ឆ្នាំ២០២៣នេះ ដែលជាឆ្នាំចុងក្រោយនៃនីតិកាលទី៦ គឺរដ្ឋសភាកម្ពុជា បានអនុម័តច្បាប់សំខាន់ៗចំនួន ១០៩ច្បាប់។ បន្ថែមពីការតាក់តែងច្បាប់ ថ្នាក់ដឹកនាំ សមាជិក-សមាជិការដ្ឋសភា ក៏បានចុះសួរសុខទុក្ខប្រជាពលរដ្ឋនៅតាមមូលដ្ឋានទូទាំងប្រទេសជាញឹកញាប់។

បើតាមបណ្ដាញសង្គមហ្វេសប៊ុករបស់រដ្ឋសភាកម្ពុជា នៅថ្ងៃសុក្រនេះ បានឲ្យដឹងថា «ក្រៅពីការងារតាក់តែងច្បាប់ ថ្នាក់ដឹកនាំ សមាជិក-សមាជិការដ្ឋសភាបានខិតខំយកអស់កម្លាំងកាយចិត្តចុះសួរសុខទុក្ខប្រជាពលរដ្ឋនៅតាមមណ្ឌលដែលខ្លួនទទួលខុសត្រូវយ៉ាងសស្រាក់សស្រាំ»។
នៅក្នុងនោះ សមាជិក-សមាជិការដ្ឋសភា ដែលជាតំណាងឲ្យប្រជាពលរដ្ឋ បានទទួលយក និងរួមគ្នាដោះស្រាយនូវសំណូមពរ និងក្តីកង្វល់នានារបស់ប្រជាពលរដ្ឋកម្ពុជានៅទូទាំងប្រទេសទៅតាមនីតិវិធីបានយ៉ាងល្អប្រសើរ។
ទន្ទឹមនេះដែរ រដ្ឋសភានៃនីតិកាលទី៦ ក្រោមការដឹកនាំរបស់សម្តេចពញាចក្រី ហេង សំរិន ប្រធានរដ្ឋសភា ក៏បានពង្រឹង និងពង្រីកវិស័យការទូតសភាកាន់តែសកម្មគួរឲ្យកត់សម្គាល់ផងដែរ ជាពិសេស កាលពីឆ្នាំ២០២២ រដ្ឋសភាកម្ពុជា បានទទួលធ្វើជាម្ចាស់ផ្ទះ និងជាប្រធាននៃមហាសន្និបាតអន្តរសភាអាស៊ាន (អាយប៉ា) លើកទី៤៣។

រដ្ឋសភា នីតិកាលទី៦ បានបើកសម័យប្រជុំដំបូងក្រោមព្រះរាជាធិបតីភាពដ៏ខ្ពង់ខ្ពស់បំផុតនៃព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា កាលពីព្រឹកថ្ងៃទី៥ ខែកញ្ញា ឆ្នាំ២០១៨។ រដ្ឋសភានីតិកាលទី៦ បានបំពេញតួនាទីក្នុងការបម្រើប្រជាពលរដ្ឋស្របតាមច្បាប់ ដែលមានភារកិច្ចសំខាន់ៗដូចជា៖ ការងារនីតិកម្ម ការងារបោះឆ្នោតទុកចិត្ត និងការបោះឆ្នោតជ្រើសតំាងភាពជាតំណាងប្រជាពលរដ្ឋ និងការឃ្លាំមើលការអនុវត្តច្បាប់របស់រាជរដ្ឋាភិបាល ជាដើម។
ឈរលើស្មារតីនេះ ព្រះមហាក្សត្រនៃកម្ពុជា ទ្រង់ត្រាស់បង្គាប់ព្រះរាជប្រទានគ្រឿងឥស្សរិយយសជូនសមាជិក-សមាជិការដ្ឋសភា ដើម្បីឆ្លើយតបនឹងគុណបំណាច់ដ៏ឧត្តុង្គឧត្តម ដែលបានបំពេញការងារជូនជាតិ និងប្រជាជនកម្ពុជា ហើយស្របតាមច្បាប់ដែលបានកំណត់។ ពិធីបំពាក់គ្រឿងឥស្សរិយយសជូនដល់សមាជិក-សមាជិការដ្ឋសភា នីតិកាលទី៦នេះ បានរៀបចំធ្វើឡើងនៅថ្ងៃទី៧ ខែមេសា ឆ្នាំ២០២៣នេះ ក្រោមអធិបតីរបស់សម្តេចចក្រី ហេង សំរិន ប្រធានរដ្ឋសភា៕

ដោយ៖ ធឿន វ៉ាន់សុង

-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?