ព័ត៌មានជាតិ
ខឹងមេភូមិទៅឃាត់រឿងឈ្លោះគ្នាជាមួយប្រពន្ធ ទាញពូថៅកាប់រងរបួសធ្ងន់
កម្លាំងនគរបាល និងកម្លាំងអាវុធហត្ថ ស្រុកស្វាយជ្រុំ សហការគ្នាចុះអន្តរាគមន៍ និងឃាត់ខ្លួនជនសង្ស័យម្នាក់ដែលប្រើហិង្សាលើលោកមេភូមិបណ្ដាលឲ្យរងរបួស និងដុតបំផ្លាញទ្រព្រសម្បត្តិក្នុងផ្ទះ។
ករណីនេះបានកើតឡើងកាលពីរសៀលថ្ងៃទី១៧ ខែមករា ឆ្នាំ២០២១ ស្ថិតក្នុងភូមិត្របែកហោង ឃុំតាសួស ស្រុកស្វាយជ្រុំ ខេត្តស្វាយរៀង។
លោក ពិន អាន អធិការនគរបាលស្រុកបានឲ្យដឹងថា ជនសង្ស័យមានឈ្មោះ កែវ ធូ ភេទប្រុសអាយុ ២៨ឆ្នាំ មុខរបរមិនពិតប្រាកដ។ ចំណែកលោកមេភូមិដែលរងគ្រោះមានឈ្មោះ សួស សារី ភេទប្រុសអាយុ៧០ឆ្នាំ មុខរបរមេភូមិត្របែកប្រហោង រស់នៅភូមិកើតហេតុខាងលើ ត្រូវជនសង្ស័យយកពូថៅកាប់ត្រូវ៦កន្លែង ដឹកទៅកាន់មន្ទីរពេទ្យបង្អែកស្រុកស្វាយជ្រំ។
លោកអធិការស្រុកបានបញ្ជាក់ថា មុនពេលកើតហេតុ ជនសង្ស័យទើបត្រឡប់មកពីភ្នំពេញ មកជួបប្រពន្ធនៅស្រុកកំណើត ហើយក៏មានការទាស់ពាក្យសម្ដីគ្នាយ៉ាងខ្លាំង ដោយបុរសជាប្តីបានគំរាមរកអារ.ក សម្លាប់ប្រពន្ធ ធ្វើឲ្យប្រពន្ធភ័យរត់ទៅប្តឹមេភូមិ។ ពេលលោកមេភូមិមកសួរនាំ ស្រាប់តែជនសង្ស័យកាប់លោកមេភូមិបណ្ដាលឲ្យរងរបួស រួចដុតម៉ូតូនិងដុតផ្ទះខ្លួនឯង បង្កការភ្ញាក់ផ្អើលដល់អ្នកភូមិនិងសមត្ថកិច្ចមកធ្វើអន្តរាគមន៍ ជួយបាញ់ទឹកពន្លត់ និងឡោមព័ទ្ធចាប់ជនសង្ស័យតែម្ដង។
ប្រភពបន្តថា សម្ភារខូចខាតរួមមាន ម៉ូតូហុងដាឌ្រីម សេ១២៥ ស៊េរីឆ្នាំ២០១៣ ឆេះអស់ទាំងស្រុងនិងសម្ភារផ្សេងៗមួយចំនួនទៀត។
សម្ថកិច្ចបានបញ្ជាក់បន្ថែមថា ក្រោយពីតេស្ដរកសារធាតុញៀនលើជនសង្ស័យ គឺមានផ្ទុកសារធាតុញៀន និងបានបញ្ជូនទៅអធិការនគរបាលស្រុក ដើម្បីកសាងសំណុំរៀងចាត់ការតាមផ្លូវច្បាប់៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)