ព័ត៌មានជាតិ
កម្ពុជាសាទរការចុះអនុស្សរណៈយោគយល់តាមប្រព័ន្ធ Online ស្តីពីកិច្ចសហប្រតិបត្តិការជាមួយទីក្រុងសៀងហៃ
ក្នុងនាមភាគីកម្ពុជាលោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី បានថ្លែងនូវការអបអរសាទរចំពោះការចុះអនុស្សរណៈយោគយល់តាមប្រព័ន្ធ Online ជាមួួយតីក្រុងសៀងហៃ។
លោកកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ស្តីអំពីចុះហត្ថលេខាលើអនុស្សរណៈយោគយល់ គ្នាកិច្ចសហប្រតិបត្តិការជាមួយគណៈកម្មាធិការវិទ្យាសាស្ត្រ និងបច្ចេកវិទ្យា ទីក្រុងសៀងហៃសាធារណរដ្ឋប្រជាមានិតចិន នាព្រឹកថ្ងៃទី២៩ តុលា ឆ្នាំ២០២០នៅទីស្តីការក្រសួង។
លោកកិត្តិសេដ្ឋាបណ្ឌិត ចម ប្រសិទ្ធ បានថ្លែងថា ការចុះហត្ថលេខាលើអនុស្សរណៈយោគយល់នេះបាន បង្ហាញឲ្យឃើញកាន់តែច្បាស់នូវការអនុវត្តតាមមាគ៌ា និងគោលនយោបាយរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ លោកទេសរដ្ឋមន្ត្រី បានស្វាគមន៍ និងបានថ្លែងបញ្ជាក់ថា នឹងជួយដល់ការជំរុញអភិវឌ្ឍន៍លើកិច្ចការស្រាវជ្រាវរួមគ្នាថ្មីៗ រវាងអ្នកស្រាវជ្រាវកម្ពុជា-ចិន ការផ្លាស់ប្តូរបទពិសោធន៍ ការផ្លាស់ប្តូរបច្ចេកទេស និងបច្ចេកវិទ្យា របកគំហើញថ្មីៗ រួមទាំងការសហការអនុវត្តគម្រោងថ្មីៗ។ អនុស្សរណៈយោគយល់នេះ នឹងបង្កើននូវឱកាសសហការរួមគ្នាក្នុងអនុវត្តគម្រោងពាក់ព័ន្ធទៅនឹងចំណុចអាទិភាពដូចជា ការបណ្តុះបណ្តាលសមត្ថភាពផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ កសិកម្ម និងការកែច្នៃកសិផល អនាម័យ និងសុខភាព បរិស្ថាន ព័ត៌មានវិទ្យា និងទូរគមនាគមន៍ ជាពិសេស ការត្រៀមរៀបចំគំនិតផ្ដួចផ្ដើមក្នុងការបង្កើតឲ្យមានជាសាខាធនាគារបច្ចេកវិទ្យាបៃតងនៅកម្ពុជា។
លោកទេសរដ្ធមន្ត្រីបញ្ចាក់ទៀតថា ការបង្កើតឲ្យមានជាសាខាធនាគារបច្ចេកវិទ្យាបៃតងនៅកម្ពុជា គឺជាគំនិតផ្ដួចផ្ដើមមួយដ៏ល្អ ស្របតាមផែនការអភិវឌ្ឍប្រទេសចិន ហើយត្រូវបានបង្កើតឡើងដើម្បីកៀរគរ ចាត់ចែង និងសម្របសម្រួលដល់ការប្រើប្រាស់មូលនិធិ ឬឥណទានបៃតង គាំទ្រដល់ការអនុវត្តគម្រោងវិនិយោគបៃតងខ្នាតធំ ដូចជាការវិនិយោគលើគម្រោងវារីអគ្គិសនី ថាមពលព្រះអាទិត្យ គម្រោងកាត់បន្ថយការបំភាយឧស្ម័នកាបូនក្នុងវិស័យឧស្សាហកម្មនិងផលប៉ះពាល់បរិស្ថាន ពិសេសជួយដល់ការបង្កើនកិច្ចសហប្រតិបត្តិការលក្ខណៈអន្តរជាតិ ដូចជាកិច្ចសហប្រតិបត្តិការផ្លូវ និងខ្សែក្រវាត់ កិច្ចសហប្រតិបត្តិការត្បូង-ត្បូង រួមជាមួយការចូលរួមសម្រេចបាននូវគោលដៅអភិវឌ្ឍន៍ប្រកបដោយចីរភាព ឆ្នាំ២០៣០។
ស្ថិតក្នុងឱកាសដ៏វិសេសនេះ ភាគីចិន សៀងហៃក៏បានថ្លែងអំណរគុណដល់ កម្ពុជា ចំពោះការផ្តល់នូវកិច្ចសហប្រតិបត្តិការក្នុងភាពជាដៃគូយូរអង្វែង និងជាមិត្តភាព ហើយបានគូសបញ្ជាក់អំពីការប្តេជ្ញាចូលរួមជំរុញនូវការអនុវត្តអនុស្សរណៈយោគយល់នេះ ឲ្យលេចចេញជារូបរាង និងលទ្ធផល ក្នុងពេលខាងមុខ។ អនុលោមតាមយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា និងក្នុងគោលដៅសម្រេចបាននូវផែនការយុទ្ធសាស្ត្រអភិវឌ្ឍជាតិ (២០១៩-២០២៣) គាំទ្រដោយការជំរុញអនុវត្តន៍គោលដៅអភិវឌ្ឍន៍ប្រកបដោយចីរភាពកម្ពុជា (២០១៦-២០៣០) និងរួមចំណែកពន្លឿនការសម្រេចបាននូវគោលនយោបាយអភិវឌ្ឍន៍ឧស្សាហកម្ម (២០១៥-២០២៥) ក្នុងគោលដៅជំរុញកំណើនសេដ្ឋកិច្ចជាតិ ប្រកបដោយភាពស៊ីចង្វាក់ កាត់បន្ថយគម្លាតការអភិវឌ្ឍន៍ និងលើកកម្ពស់ជីវភាពរស់នៅរបស់ប្រជាជនកម្ពុជា ប្រកបដោយភាពរីកចម្រើន តម្លាភាព និងភាពថ្លៃថ្នូរ ការខិតខំអភិវឌ្ឍន៍ និងលើកទឹកចិត្ត វិនិយោគទៅលើវិស័យ វិទ្យាសាស្ត្រ បច្ចេកវិទ្យា និងនវានុវត្តន៍ ពិតជាមានសារៈសំខាន់បំផុតសម្រាប់កម្ពុជាស្របតាមសម័យកាលបច្ចេកវិទ្យាថ្មី ដែលសកលលោកបានប្រសិទ្ធនាមថា បដិវត្តន៍ឧស្សាហកម្មជំនាន់ទី៤ ។
ការអភិវឌ្ឍន៍វិស័យវិទ្យាសាស្ត្រ បច្ចេកវិទ្យា និងនវានុវត្តន៍ អាចរីកចម្រើនទៅលឿនបាន ក៏អាស្រ័យទៅលើកត្តាផ្សេងៗជាច្រើន ក្នុងនោះកិច្ចសហប្រតិបត្តិការជាតិ និងអន្តរជាតិ គឺជាកត្តាលីករដ៏សំខាន់និងចាំបាច់ផងដែរ។ អនុស្សរណៈយោគយល់នេះ ក៏បានបង្ហាញនូវសមិទ្ធផលថ្មីមួយរបស់ កម្ពុជា ស្របតាមផែនការយុទ្ធសាស្ត្ររបស់រាជរដ្ឋាភិបាល និងអនុសាសន៍ដ៏វិសេសវិសាលរបស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លើការបន្តខិតខំធ្វើកំណែទម្រង់ខាងក្នុង និងការស្វាគមន៍នូវកិច្ចសហប្រតិបត្តិការខាងក្រៅរបស់កម្ពុជា ហើយជាឆន្ទៈដ៏មោះមុត លក្ខណៈជាយុទ្ធសាស្ត្រ បែបវិទ្យាសាស្ត្រដ៏ត្រឹមត្រូវក្នុងកិច្ចដំណើរការស្វែងរកសន្តិភាព និងវឌ្ឍនភាពជូនទឹកដីសុវណ្ណភូមិរបស់កម្ពុជា និងការបង្កើនភាតរភាពជាមួយបណ្តាប្រទេសនានា៕
អត្ថបទ៖ វិមាន
សូមចុចអាន៖ ទឹកជំនន់នៅខណ្ឌដង្កោ ស្រកជិតអស់ តែបន្សល់ទុកការខូចខាតជាច្រើន
តម្លៃប្រេងឡើងតិចតួចកាលពីថ្ងៃសុក្រ ប៉ុន្តែធ្លាក់ចុះក្នុងអត្រាប្រចាំសប្ដាហ៍
ពេជ្រ ចរណៃ ឆ្លើយតប ក្រោយការលើកឡើងថារៀបចំកម្មវិធីសម្តែងសិល្ប:បុរាណខ្មែរ ចំរដូវបុណ្យភ្ជុំ
អភិបាលខេត្តសៀមរាប ផ្តាំដល់មន្ត្រីរាជការត្រូវបន្តខិតខំបំពេញការងារ បម្រើពលរដ្ឋឱ្យបានល្អប្រសើរ
វិទ្យាស្ថានស្រាវជ្រាវអន្តរជាតិមួយ បានចាត់ថ្នាក់វិស័យការទូតកម្ពុជាមានភាពបត់បែនខ្លាំង
ក្រុមហ៊ុនបារាំង AFI KLM E&M សម្រេចបានកិច្ចព្រមព្រៀងជាមួយខេមបូឌា អ៊ែរវ៉េ លើការផ្តល់សេវាថែទាំលើសេវាថែទាំយន្តហោះ
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
ទៅដល់រដ្ឋ Florida ភ្លាម ព្យុះសង្ឃរាកំណាច Helene បណ្តាលឲ្យមានមនុស្សស្លាប់ភ្លែត
លើកដំបូង! រុស្ស៊ី បាញ់មីស៊ីលល្បឿនលឿនជាងសំឡេង ៣គ្រាប់ វាយប្រហារ អ៊ុយក្រែន
បុរសម្នាក់ចូលព្រៃកាប់ឈើ ក្នុងតំបន់ហាមឃាត់ជាន់មុីនបណ្តាលឲ្យដាច់ជើងម្ខាងរបួសធ្ងន់
រថភ្លើងល្បឿនលឿនដែលទិញពីជប៉ុន បើកទទួលកក់សំបុត្រដឹកភ្ញៀវ ក្នុងឱកាសបុណ្យភ្ជុំបិណ្ឌ
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ