ព័ត៌មានជាតិ

ហោះហើរមួយសប្តាហ៍ ៤ ថ្ងៃ កម្ពុជានិងឥណ្ឌូណេស៊ី បើកជើងហោះហើរពីទីក្រុងហ្សាកាតាមកភ្នំពេញ

បានផុស

២ years មុន

នៅ

ថ្ងៃអង្គារ ១១ មេសា ២០២៣

ដោយ

កម្ពុជានិងឥណ្ឌូណេស៊ីបានសម្ពោធជើងហោះហើរត្រង់ពីទីក្រុងហ្សាកាតាមករាជធានីភ្នំពេញ តាមរយៈក្រុមហ៊ុនអាកាសចរណ៍ Air Asia។

លោក ថោង រដ្ឋសក្កិ រដ្ឋលេខាធិការក្រសួងទេសចរណ៍បានលើកឡើងនៅក្នុងវេទិកាមាគាអភិវឌ្ឍន៍កម្ពុជានៅព្រឹកនេះថា កាលពីម្សិលមិញនេះ មានការសម្ពោធជើងហោះហើរត្រង់ពីទីក្រុងហ្សាកាតាប្រទេសឥណ្ឌូណេស៊ីមករាជធានីភ្នំពេញ តាមរយៈក្រុមហ៊ុនអាកាសចរណ៍ Air Asia។

លោកបន្តថា ក្នុងពិធីដែលមានការចូលរួមពីទូតឥណ្ឌូណេស៊ីប្រចាំប្រទេសកម្ពុជាផងនោះ ក្រុមហ៊ុនអាកាសចរណ៍ AirAsia បានប្រកាសចាប់ផ្តើមធ្វើការហោះហើរត្រង់រវាងទីក្រុងហ្សាការតាមករាជធានីភ្នំពេញក្នុង ១ សប្តាហ៍ ៤ ថ្ងៃ ដោយប្រើប្រាស់ប្រភេទយន្តហោះ Airbus 320 ដែលអាចផ្ទុកអ្នកដំណើរបាន ១៨០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបឯកសារ

ខណៈចំនួនភ្ញៀវទេសចរឥណ្ឌូណេស៊ីមកកម្ពុជាបានកើនឡើងយ៉ាងគំហុកក្រោយបរិបទជំងឺកូវីដ លោក ថោង រដ្ឋសក្កិ បានអះអាងថា ការតភ្ជាប់ជើងហោះហើរត្រង់រវាងហ្សាការតា-ភ្នំពេញ នឹងផ្តល់ភាពវិជ្ជមានច្រើន សម្រួលការធ្វើដំណើរកាន់តែងាយស្រួល លឿននិងមានតម្លៃថោកជាងមុន។ ជាមួយគ្នានេះ ការបើកជើងហោះហើរត្រង់នេះក៏នឹងជំរុញកំណើនភ្ញៀវទេសចរប្រទេសទាំងពីរកម្ពុជានិងឥណ្ឌូណេស៊ីកើនឡើងបន្ថែមទៀត។

កន្លងមកក្រុមហ៊ុនអាកាសចរណ៍ជាតិឥណ្ឌូណេស៊ី Garuda Airlines ក៏ធ្លាប់ភ្ជាប់ជើងហោះហើរត្រង់មកកម្ពុជាដែរ ប៉ុន្តែដោយសារជំងឺកូវីដ ១៩ ក៏ផ្អាករហូតមកដល់ពេលនេះ៕