ព័ត៌មានជាតិ
អភិបាលខេត្តចំនួន ៣រូប ត្រូវបានតែងតាំងសម្រាប់អាណត្តិទី ២ ក្នុងដែនសមត្ថកិច្ចដដែល
ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យតែងតាំងមុខតំណែងអភិបាល នៃគណៈអភិបាលខេត្តចំនួន ៣រូប សម្រាប់អាណត្តិទី ២ ក្នុងដែនសមត្ថកិច្ចដដែល។

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា កាលពីថ្ងៃទី ១១ ខែមេសា ឆ្នាំ ២០២៣ បានត្រាស់បង្គាប់តែងតាំងមុខតំណែងអភិបាល នៃគណៈអភិបាលខេត្ត សម្រាប់អាណត្តិទី ២ ក្នុងដែនសមត្ថកិច្ចដដែល ៣រូប៖
១. លោក អ៊ុំ រាត្រី ឋានន្តរស័ក្តិឧត្ដមមន្ត្រី ថ្នាក់លេខ ៤ ជាអភិបាល នៃគណៈអភិបាលខេត្តបន្ទាយមានជ័យ។

២. លោក គួច ចំរើន ឋានន្តរស័ក្តិឧត្ដមមន្ត្រី ថ្នាក់លេខ ២ ជាអភិបាល នៃគណៈអភិបាលខេត្តព្រះសីហនុ។

៣. លោក អ៊ុន ចាន់ដា ឋានន្តរស័ក្តិឧត្ដមមន្ត្រី ថ្នាក់លេខ ២ ជាអភិបាល គណៈអភិបាលខេត្តកំពង់ចាម។

សូមជម្រាបថា កាលពីថ្ងៃទី ៨ ខែឧសភា ឆ្នាំ ២០១៩ លោក អ៊ុំ រាត្រី ត្រូវបានព្រះមហាក្សត្រ ចេញព្រះរាជក្រឹត្យត្រាស់បង្គាប់ជាអភិបាល នៃគណៈអភិបាលខេត្តបន្ទាយមានជ័យ ជំនួសលោក សួន បវរ ដែលត្រូវផ្ទេរភារកិច្ច។
រីឯលោក គួច ចំរើន ត្រូវបានព្រះមហាក្សត្រចេញព្រះរាជក្រឹត្យ កាលពីថ្ងៃទី ២៤ ខែមិថុនា ឆ្នាំ ២០១៩ ត្រាស់បង្គាប់តែងតាំងជាអភិបាល នៃគណៈអភិបាលខេត្តព្រះសីហនុ ជំនួសលោក យន្ដ មីន ដែលត្រូវផ្ទេរភារកិច្ច។
ចំណែកលោក អ៊ុន ចាន់ដា ត្រូវបានព្រះមហាក្សត្រចេញព្រះរាជក្រឹត្យ កាលពីថ្ងៃទី ២៤ ខែមិថុនា ឆ្នាំ ២០២៣ ត្រាស់បង្គាប់ផ្ទេរភារកិច្ចពីអភិបាល នៃគណៈអភិបាលខេត្តព្រះវិហារ មកជាអភិបាល នៃគណៈអភិបាលខេត្តកំពង់ចាម ជំនួសលោក គួច ចំរើន ដែលត្រូវតែងតាំងជាអភិបាលខេត្តព្រះសីហនុ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ