ព័ត៌មានជាតិ
ប្រជាពលរដ្ឋសប្បាយចិត្ត បន្ទាប់ពីអាជ្ញាធរអនុញ្ញាតឱ្យកាយផ្តាច់ទំនប់ជាផ្លូវឆ្លងកាត់ទន្លេតូចស្រុកកោះសូទិន
កំពង់ចាម ៖ អាជ្ញាធរស្រុកកោះសូទិនបានសម្រេចអនុញ្ញាត ឱ្យកាយផ្តាច់ទំនប់ដែលបានទប់ធ្វើជាផ្លូវឆ្លងកាត់ទន្លេតូច ស្ថិតនៅមុខវត្តពាមប្រធ្នោះ ភូមិពាមប្រធ្នោះ ឃុំពាមប្រធ្នោះ ក្នុងស្រុកកោះសូទិន ពីត្រើយម្ខាងមកកាន់ត្រើយម្ខាងនោះចេញហើយ បន្ទាប់ពីមានប្រជាពលរដ្ឋរស់នៅតាមដងទន្លេនេះផ្ទុះការតវ៉ាកាលពីថ្ងៃទី ១១ មេសា ម្សិលមិញ។
![](https://www.kampucheathmey.com/wp-content/uploads/2023/04/photo_2023-04-12_20-04-10-3-1024x498.jpg)
លោក យិន វណ្ណៈ អភិបាលស្រុកកោះសូទិនបានឱ្យដឹងកាលពីថ្ងៃទី ១១ មេសាថា ករណីនេះខាងលោកបានពិភាក្សា ជាមួយអាជ្ញាធរស្រុកជាប់ទន្លេតូច របស់ខេត្តកណ្តាល និងខេត្តព្រៃវែង កាលពីថ្ងៃទី ១០ មេសាដែលប្រជាពលរដ្ឋតវ៉ាថា ទន្លេតូចគោករីងអស់ដោយសារទំនប់ កាត់ទន្លេតូចត្រង់ចំណុចខាងលើ ដែលភ្ជាប់ពីត្រើយខាងលិច ទៅខាងកើតទន្លេតូច ដែលត្រើយខាងកើតជាប់ទៅនឹងព្រែកអង់កូ ស្ថិតក្នុងភូមិកំពង់ឪជ្រឹង ឃុំពង្រ ស្រុកកោះសូទិន ដែលបានទប់ធ្វើផ្លូវឆ្លងកាត់ជាច្រើនខែមកហើយនោះ ដោយចំណុចនេះទន្លេគោកស្រាប់ងាយស្រួលធ្វើផ្លូវឆ្លងកាត់។
![](https://www.kampucheathmey.com/wp-content/uploads/2023/04/photo_2023-04-12_20-04-01-1024x498.jpg)
លោកអភិបាលបានឱ្យដឹងទៀតថា ប៉ុន្តែនៅថ្ងៃទី ១១ មេសាយើងបានយល់ព្រមឲ្យគ្រឿងចក្រកាយបើកផ្លូវទឹកហូរដូចធម្មតាវិញហើយ ដើម្បីបញ្ចៀសការតវ៉ា ឬ ស្តីបន្ទាសដោយសារទំនប់មួយនេះរបស់ប្រជាពលរដ្ឋរស់នៅខាងក្រោម។
![](https://www.kampucheathmey.com/wp-content/uploads/2023/04/photo_2023-04-12_20-04-09-1024x498.jpg)
ដោយឡែកនៅរដូវប្រាំង គឺទន្លេតូចបានគោករីងអត់ទឹកជាកង់ៗ នៅមានទឹកតែកន្លែងប្រភពទឹកជ្រៅ ជាអន្លង់ ព្រោះនៅខាងមាត់ទន្លេនេះទឹកទន្លេមេគង្គបានស្រកផុតអស់ដែរ។ ម្យ៉ាងទៀតឆ្នាំកន្លងមានភ្លៀងកក់ខែច្រើន ខុសពីឆ្នាំ២០២៣នេះមានបន្តិចបន្តួចប៉ុណ្ណោះធ្វើឱ្យរីងផ្ទុះការតវ៉ាបែបនេះ។
![](https://www.kampucheathmey.com/wp-content/uploads/2023/04/photo_2023-04-12_20-04-11-1024x498.jpg)
លោកអនុសេនីយ៍ឯក ឆាយ ម៉ាច នាយរងប៉ុស្តិ៍ព្នៅ២ ស្រុកស៊ីធរកណ្តាល ខេត្តកណ្តាល បានប្រាប់ថា ទឹកទន្លេតូចដែលប្រជាពលរដ្ឋស្នើខាងអាជ្ញាធរស្រុកកោះសូទិនកាយទំនប់ជាផ្លូវចេញនោះកាលពីថ្ងៃទី១១ ខែមេសា ទើបហូរធ្លាក់មកដល់ព្រែកសណ្តែកចម្ងាយប្រមាណ ២០ គីឡូម៉ែត្រប៉ុណ្ណោះគិតត្រឹមម៉ោងប្រមាណ ១០ ព្រឹកថ្ងៃទី ១២ មេសា គឺនៅសល់ប្រហែលពាក់កណ្តាលទៀតទើបទឹកទន្លេនេះហូរធ្លាក់ដល់ទឹកដីខាងលោក។ ខុសកាលពីទប់ទំនប់ធ្វើសង់ស្ពានដើមស្តៅ គឺទឹកហូរលឿនជាន់លិចយករបស់របរស្ទើរមិនទាន់កាលនោះ។
![](https://www.kampucheathmey.com/wp-content/uploads/2023/04/photo_2023-04-12_20-04-10-1024x498.jpg)
សូមបញ្ជាក់ថា ទន្លេតូចជាទន្លេមួយបែកចេញពីទន្លេមេគង្គ ក្នុងភូមិសាស្ត្រស្រុកកោះសូទិន ដោយហូរកាត់ទឹកដីខេត្តកណ្តាល និងខេត្តព្រៃវែង ហើយឆ្លងកាត់ប្រទេសវៀតណាម គឺនៅខែប្រាំងទន្លេបានគោក ជាអន្លើៗ មិនឱ្យធ្វើដំណើរតាមទូក កាណូត បានទេ លុះត្រានៅរដូវវស្សាទើបអាចធ្វើចរាចរឆ្លងកាត់បាន៕
ដោយ ៖ សាន វិឡែម
![](https://www.kampucheathmey.com/wp-content/uploads/2023/04/photo_2023-04-12_20-04-10-2-1024x498.jpg)
![](https://www.kampucheathmey.com/wp-content/uploads/2023/04/photo_2023-04-12_20-04-12-2-1024x498.jpg)
![](https://www.kampucheathmey.com/wp-content/uploads/2023/04/photo_2023-04-12_20-04-12-3-1024x498.jpg)
![](https://www.kampucheathmey.com/wp-content/uploads/2023/04/photo_2023-04-12_20-04-12-1024x498.jpg)
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៣ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?