សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត អញ្ជើញធ្វើដំណើរទៅកាន់ខេត្តសៀមរាប ដើម្បីបើកព្រឹត្តិការណ៍អង្គរសង្ក្រាន្ដ

នៅព្រឹកថ្ងៃទី ១៣ ខែមេសា ឆ្នាំ ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ព្រមទាំងក្រុមគ្រួសារ បានអញ្ជើញធ្វើដំណើរពីរាជធានីភ្នំពេញ ទៅកាន់ខេត្តសៀមរាប ដើម្បីចូលរួមពិធីបើកព្រឹត្តិការណ៍អង្គរសង្ក្រាន្ដ។

តាមរយៈបណ្ដាញសង្គមតេលេក្រាមផ្លូវការ សម្ដេចតេជោ ហ៊ុន សែន បានសរសេរថា «នាំប្រពន្ធ កូន និងចៅទៅចូលរួមពិធីបើកអង្គរសង្រ្កាននៅខេត្តសៀមរាប»។ តាមគម្រោង នៅព្រឹកថ្ងៃទី ១៤ ខែមេសា ឆ្នាំ ២០២៣ សម្ដេចតេជោ ហ៊ុន សែន នឹងអញ្ជើញបើកព្រឹត្តិការណ៍អង្គរសង្ក្រាន្ដលើកទី ១០ នៅខេត្តសៀមរាប។

សូមជម្រាបថា ព្រឹត្តិការណ៍អង្គរសង្ក្រាន្ដលើកទី ១០ នឹងប្រព្រឹត្តឡើងនៅថ្ងៃទី ១៤ ១៥ និង១៦ ខែមេសា ឆ្នាំ ២០២៣៕