ព័ត៌មានជាតិ
ក្រៅពីតំបន់សក្តានុពល ខេត្តមណ្ឌលគិរី មានដែនជម្រកសត្វព្រៃ ៥ កន្លែង ជាគោលដៅទេសចរណ៍
តំបន់ទេសចរណ៍ក្នុងខេត្តមណ្ឌលគិរី មិនត្រឹមតែជាខេត្តមានសក្ដានុពលលើរមណីយដ្ឋានវប្បធម៌ ធម្មជាតិ ប្រវត្តិសាស្ត្រមានប្រមាណ ១០៥ កន្លែងប៉ុណ្ណោះទេ ប៉ុន្តែខេត្តភូមិភាគឦសាននេះក៏នៅមានដែនជម្រកសត្វព្រៃចំនួន ៥ កន្លែង និងរបៀងអភិវឌ្ឍន៍ជីវៈចម្រុះ ប្រព័ន្ធតំបន់ការពារធម្មជាតិមួយកន្លែងផងដែរ។
លោក ស៊ាន សឿន ប្រធានមន្ទីរទេសចរណ៍ខេត្តមណ្ឌលគិរីបានឱ្យ«កម្ពុជាថ្មី» ដឹងតាមប្រព័ន្ធតេឡេក្រាមថា ក្រៅពីតំបន់ទាំង ១០៥ ខាងលើ ខេត្តមណ្ឌលគិរីនៅមានដែនជម្រកសត្វព្រៃ ៥កន្លែង និងរបៀងអភិវឌ្ឍន៍ជីវៈចម្រុះ ប្រព័ន្ធតំបន់ការពារធម្មជាតិសក្ដានុពលដល់ការអភិវឌ្ឍន៍អេកូទេសចរណ៍។
ដែនជម្រកទាំង ៥កន្លែង និងរបៀងជីវៈចម្រុះ មានដូចជា៖
១. ដែនជម្រកសត្វព្រៃកែវសីមា
ដែនជម្រកសត្វព្រៃកែវសីមា មានទំហំផ្ទៃដីប្រមាណ ២៩២.៦៩០ហិតា ស្ថិតនៅក្នុងភូមិសាស្ត្រខេត្តមណ្ឌលគិរី និងខេត្តក្រចេះ បង្កើតឡើងដោយអនុក្រឹត្យលេខ ៨៣ អនក្រ/បក ចុះថ្ងៃទី០៩ ខែឧសភា ឆ្នាំ២០១៦ បន្ទាប់ពីមានការផ្ទេរការគ្រប់គ្រង ពីក្រសួងកសិកម្ម រុក្ខាប្រមាញ់ និងនេសាទ មកក្រសួងបរិស្ថាន។
២.ដែនជម្រកសត្វព្រៃភ្នំព្រេច
ដែនជម្រកសត្វព្រៃភ្នំព្រេច មានផ្ទៃដីទំហំ ២២២.៥០០ហិតា បង្កើតឡើងតាមរយៈអនុក្រឹត្យលេខ ០៥ ចុះថ្ងៃទី០៥ ខែមករា ឆ្នាំ២០១៧។ ក្នុងនោះត្រូវបានកំណត់និងបែងចែកជាតំបន់គ្រប់គ្រងក្នុងនោះរួមមានតំបន់ស្នូលចំនួន ០២កន្លែង តំបន់អភិរក្សចំនួន ០១កន្លែង តំបន់ប្រើប្រាស់ដោយចិរភាពចំនួន ០៥កន្លែង និងតំបន់សហគមន៍ចំនួន ០៧កន្លែង។
៣.ដែនជម្រកសត្វព្រៃលំផាត់ (ភូមិសាស្ត្រមណ្ឌលគិរី)
ដែនជម្រកសត្វព្រៃលំផាត់ (ភូមិសាស្ត្រមណ្ឌលគិរី) មានផ្ទៃដីទំហំ ៤៨.៣៧៤ហិតា ត្រូវបានកំណត់និងបែងចែក ជាតំបន់គ្រប់គ្រងក្នុងតំបន់ដែនជម្រកសត្វព្រៃលំផាត់ រួមមានតំបន់ស្នូលចំនួន ០១កន្លែង តំបន់អភិរក្សចំនួន ០១កន្លែង តំបន់ប្រើប្រាស់ដោយចីរភាពចំនួន ០៤កន្លែង និងតំបន់សហគមន៍ចំនួន ០៧កន្លែង។
៤.ដែនជម្រកសត្វព្រៃស្រែពក
ដែនជម្រកសត្វព្រៃស្រែពក មានផ្ទៃដីទំហំ ៤២៩.៤៣៨ហិតា បង្កើតឡើងដោយអនុក្រឹត្យលេខ ៧៥ ចុះថ្ងៃទី៣០ ខែកក្កដា ឆ្នាំ២០០២, អនុក្រឹត្យលេខ ២០៦ ចុះថ្ងៃទី២៨ ខែធ្នូ ឆ្នាំ២០០៦ កាត់ផ្ទៃដីចំនួន ៥៦.៤៦៧ហិតា, អនុក្រឹត្យលេខ ២១ ចុះថ្ងៃទី២៨ ខែវិច្ឆិកា ឆ្នាំ២០១១ កាត់ផ្ទៃដីចំនួន ១.៧០៤ហិតា, អនុក្រឹត្យលេខ ៣៤ ចុះថ្ងៃទី២៤ ខែកុម្ភៈ ឆ្នាំ២០១២ កាត់ផ្ទៃដីចំនួន ២.០០០ ហិតា, ឆ្នាំ២០១៣ កាត់ផ្ទៃដី ១១.០៧៤ហិតា។ ហើយមកដល់បច្ចុប្បន្ន នៅសល់ផ្ទៃដី ទំហំ ៣៥៨.១៩៨ហិតា។
៥.ដែនជម្រកសត្វព្រៃភ្នំណាមលៀរ
ដែនជម្រកសត្វព្រៃភ្នំណាមលៀរ មានផ្ទៃដីទំហំ ២១.៩៣៣ហិតា។
ដោយឡែក ចំពោះ របៀងអភិរក្សជីវចម្រុះ ប្រព័ន្ធតំបន់ការពារធម្មជាតិក្នុងភូមិសាស្ត្រខេត្តមណ្ឌលគិរី លោក ប្រធានមន្ទីរខេត្ត បានឱ្យដឹងបន្ថែមថា ត្រូវបានបង្កើតឡើង ដោយអនុក្រឹត្យលេខ ០៧ អនក្រ.បក ចុះថ្ងៃទី២៦ ខែមករា ឆ្នាំ២០១៧ មានផ្ទៃដីសរុបទំហំ ១៧៧.៨៧៦ហិតា។
បន្ថែមជាមួយគ្នានេះ លោក ស៊ាន សឿន បានរៀបរាបត្រួសៗពីតំបន់សក្ដានុពលរមណីយដ្ឋានទេសចរណ៍ធម្មជាតិទាំង ១០០កន្លែងដូចជា ទឹកជ្រោះប៊ូស្រា អូរផ្លាយ ទឹកជ្រោះមនោរម្យ ទឹកជ្រោះជ្រៃធំ ជ្រៃយស ទឹកជ្រោះរមនា១ ទឹកជ្រោះរមនា២ ទឹកជ្រោះលែងប៊ូកប្រះ ទឹកជ្រោះលែងអង់-លែងឃិន ទឹកជ្រោះលែងទូវ ទឹកជ្រោះអូរឆ្វេង ភ្នំបាយឆា ទឹកជ្រោះអូរតាំកន ទឹកជ្រោះអូរតឹងលឹង ទឹកជ្រោះ ៧ជាន់ សមុទ្រឈើ និងអូរមីស ជាដើម។
លោកប្រធានមន្ទីរបានបញ្ជាក់ដែរថា បច្ចុប្បន្ននេះតំបន់ដែលជាគោលដៅថ្មីសម្រាប់ភ្ញៀវទេសចរទៅលេងកម្សាន្តមាន ភ្នំណាមលៀរ ទីប្រជុំជនស្រុកកោះញែក និងតំបន់កោះម្យើលផងដែរ៕
គ្រឹះស្ថាន TVET នៅកម្ពុជា រៀបចំកម្មវិធីផ្លាស់ប្តូរបទពិសោធន៍លើវិស័យ TVET ជាមួយមជ្ឍមណ្ឌលអាស៊ាន-ចិន
សហជីព កម្មករ និងពលរដ្ឋ រំភើបរីករាយយ៉ាងខ្លាំងចំពោះក្រមាខ្មែរមានអាយុរាប់រយឆ្នាំ ត្រូវបានចុះបញ្ជីជាសម្បត្តិបេតិកភណ្ឌវប្បធម៌អរូបី
ព្រឹត្តិការណ៍បាល់ទាត់មិត្តភាព ដើម្បីអបអរសាទរ «ទិវាសន្តិភាពនៅកម្ពុជា» គ្រោងធ្វើឡើងនៅថ្ងៃទី២៩ ខែធ្នូជាមួយ និងមហាជនចូលរួមជិត៥ម៉ឺននាក់
ក្រុមហ៊ុន MinebeaMitsumi Inc. នឹងដាក់ឱ្យដំណើរការរោងចក្រថ្មីជាផ្លូវការនៅខេត្តពោធិ៍សាត់ នៅក្នុងឆ្នាំ២០២៥ ខាងមុខនេះ
សន្ទុះការគាំទ្របាល់ទាត់កម្ពុជាកើនឡើងខ្លាំង ក្រោយជោគជ័យរបស់ក្រុមនារីកម្ពុជា
រញ្ជួយដីកម្រិតធ្ងន់ វាយប្រហាររដ្ឋកាលីហ្វ័រញ៉ា ខណៈមនុស្សរាប់លាននាក់ សម្រុកជម្លៀសចេញ
អ្នកឧកញ៉ា ឡេង ណាវ៉ាត្រា បញ្ជាឲ្យអ្នកគ្រប់គ្រង Galaxy Navatra និងដឹកនាំផលិត លុបបទ«សែកមន្ត» ដើម្បីកែសម្រួលនិងកាត់ប្លង់តុក្កតាឡាប៊ូប៊ូចេញ
មេបញ្ជាការកូរ៉េខាងត្បូង៣រូប ត្រូវបញ្ឈរជើង និងយោធា១០នាក់ ត្រូវហាមមិនឲ្យចេញក្រៅប្រទេស
ឃាត់ខ្លួនមេតុងទីនម្នាក់ ក្រោយបោកលុយកូនក្រុមជាង១៣ម៉ឺនដុល្លារ
រុស្ស៊ី ព្រមានជប៉ុន ក្រោយឮដំណឹង គ្រោងបញ្ជូនមីស៊ីល យកទៅប្រើក្នុងសង្គ្រាមអ៊ុយក្រែន
-
ព័ត៌មានជាតិ១ សប្តាហ៍ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
សេដ្ឋកិច្ច៦ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ព័ត៌មានជាតិ៧ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
ព័ត៌មានអន្ដរជាតិ៦ ថ្ងៃ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ
-
ព័ត៌មានអន្ដរជាតិ១ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
សេដ្ឋកិច្ច៧ ថ្ងៃ agoក្រុមហ៊ុនចិនចាប់អារម្មណ៍បោះទុនវិនិយោគ លើវិស័យថាមពលអគ្គិសនីនៅកម្ពុជា
-
ជីវិតកម្សាន្ដ៧ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានអន្ដរជាតិ២ ថ្ងៃ agoទឹកជំនន់នៅភាគខាងត្បូងថៃ រឹតតែធ្ងន់ ឯមនុស្សស្លាប់ កើនច្រើនឡើងៗ