ព័ត៌មានជាតិ

យុវជន៣នាក់ សំងំជក់ថ្នាំញៀនត្រូវអាវុធហត្ថឃាត់ខ្លួនដកហូតថ្នាំញៀន៤.៨២ក្រាម

បានផុស

៤ years មុន

នៅ

ថ្ងៃចន្ទ ១៨ មករា ២០២១

ដោយ

បន្ទាយមានជ័យ ៖ យុវជន៣នាក់ សំងំជក់លក់ថ្នាំញៀនក្នុងក្រុងសិរីសោភ័ណ ត្រូវកម្លាំងអាវុធហត្ថក្រុងក្រុងសិរីសោភ័ណ១ក្រុមដឹកនាំដោយ លោកវរសេនីយ៍ត្រី យ៉ាន់ សុវណ្ណ មេបញ្ជាការកងរាជអាវុធហត្ថក្រុងចុះឃាត់ខ្លួនបានចំនួន៣នាក់ នៅវេលាម៉ោង ១០យប់ ថ្ងៃទី១៧ ខែ មករា ឆ្នាំ ២០២១ ក្នុងចំណុចបន្ទប់ជួល ស្ថិតក្នុងភូមិខ្លាកូនចាស់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ដោយយុវជនទាំង៣នាក់ កំពុងសំងំជក់ និងត្រៀមយកថ្នាំញៀនទៅលក់បន្តឆែកឆេររកឃើញគ្រឿងញៀនមេតំហ្វេតាមីនទឹកកកចំនួន៤កូនថង់កិបស្មើ ទម្ងន់៤,៨២ក្រាម និងដកហូតម៉ូតូចំនួន១គ្រឿង ម៉ាកហុងដាឌ្រីម ផលិតឆ្នាំ២០១២ ពណ៌ខ្មៅ ពាក់ស្លាកលេខ ប/ជ 1F-1530 និងសម្ភារៈមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកយ៉ាន់ សុវណ្ណ បានឲ្យដឹងបន្តទៀតថា ជនសង្ស័យទាំង៣នាក់ ១ឈ្មោះ ថា វ៉ាន់ថៃ ហៅ ហុក ភេទប្រុស អាយុ១៧ឆ្នាំ មានថ្នាំញៀន ៤.៣០ក្រាម រស់ភូមិសង្កាត់ព្រះពន្លា ក្រុងសិរីសោភ័ណ ២ឈ្មោះ ស៊ាន ម៉ាន់ហ្វុង ភេទប្រុស អាយុ១៧ឆ្នាំ រស់នៅភូមិអូរអំបិល សង្កាត់អូរអំបិល ក្រុងសិរីសោភ័ណ មានថ្នាំញៀន១កូនថង់កិប ទម្ងន់ ០.៤១ក្រាម ៣ឈ្មោះ ឡុង លី ហៅ ដឺ ភេទប្រុស អាយុ២១ឆ្នាំ រស់នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ មានថ្នាំញៀន១កូនថង់កិប ទម្ងន់ ០,១១ក្រាម។ដោយផ្អែកលើចម្លើយសារភាព និងមានវត្ថុតាង ព្រមទាំងការធ្វើតេស្តទឹកនោមផងនោះ ជនសង្ស័យទាំង៣នាក់ ត្រូវបានកម្លាំងជំនាញបទល្មើសគ្រឿងញៀនអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់៕

ដោយ ៖ វ៉ាន់ ណាង