ព័ត៌មានជាតិ
ភ្ញៀវទេសចរមកលេងខេត្តកោះកុង ថ្ងៃបុណ្យចូលឆ្នាំខ្មែរ ថយចុះ ២២,៤៩៨ នាក់
មន្ទីរទេសចរណ៍ខេត្តកោះកុង បង្ហាញថា សម្រាប់ពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ ២០២៣ នេះ ចំនួនភ្ញៀវទេសចរដែលធ្លាប់តែមកលេងកម្សាន្តនៅតាមតំបន់ទេសចរណ៍នានាក្នុងខេត្តបានថយចុះ ២២,៤៩៨ នាក់ បើគិតជាភាគរយស្មើនឹង ៥៧%។
៣ ថ្ងៃ នៃពិធីបុណ្យចូលឆ្នាំថ្មី ប្រពៃណីជាតិខ្មែរ ថ្មីៗនេះ ខេត្តកោះកុង បានទទួលភ្ញៀវទេសចរជាតិ និងអន្តរជាតិ តែ ១៦,៣០៦ នាក់ប៉ុណ្ណោះ ក្នុងនោះអ្នកទេសចរក្នុងស្រុកចំនួន ១៥,៩៨០ នាក់ និងទេសចរបរទេសចំនួន ៣២៦ នាក់ បើប្រៀបធៀបនឹងឆ្នាំ ២០២២ ថយចុះ ២២,៤៩៨ នាក់។
ការធ្លាប់ចុះ នៃចំនួនទេសចរមកលេងកម្សាន្តបែបនេះ ត្រូវបានលោក សុខ ចាន់គ្រឹះស្នា ប្រធានមន្ទីរទេសចរណ៍ខេត្តកោះកុង អះអាងថា បណ្ដាលមកពីស្ថានភាពផ្លូវជាតិលេខ ៤៨ លំបាកធ្វើដំណើរ ខណៈផ្លូវកំពុងបើកការដ្ឋានស្ថាបនាថ្មីឡើងវិញ។ ចំពោះម្ចាស់សេវាកម្មដឹកអ្នកដំណើរ ភោជនីយដ្ឋាន អាហារដ្ឋាន សណ្ឋាគារ ផ្ទះសំណាក់មួយចំនួន ក៏បានដំឡើងថ្លៃផងដែរ ទោះបីជាមានការជូនដំណឹងទប់ស្កាត់យ៉ាងណាក៏ដោយ។
លោក សុខ ចាន់គ្រឹះស្នា បន្ថែមទៀតថា បញ្ហាបរិស្ថានអនាម័យនៅតាមរមណីយដ្ឋាន ត្រូវបានយកចិត្តទុកដាក់ពីអាជ្ញាធរគ្រប់លំដាប់ ស្ថាប័នពាក់ព័ន្ធ និងការចូលរួមរបស់ភ្ញៀវទេសចរ ក៏ដូចជាប្រជាពលរដ្ឋ ដើម្បីធ្វើឲ្យតំបន់គោលដៅទេសចរណ៍មានសោភណភាពស្រស់ស្អាត។
ដោយឡែកបញ្ហាសន្តិសុខ សណ្ដាប់ធ្នាប់ លោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុង និយាយថា រាល់សន្តិសុខសណ្ដាប់ធ្នាប់អំឡុងពិធីបុណ្យចូលឆ្នាំខ្មែរ ៣ ថ្ងៃមកនេះ មិនមានបាតុភាពអាក្រក់អ្វីគួរឲ្យកត់សម្គាល់នោះទេ។ ទោះយ៉ាងណា មានករណីគ្រោះថ្នាក់ចរាចរណ៍ ៣ ករណី ឆេះលំនៅឋាន ១ ករណី និងករណីចោរលួចម៉ូតូ ១ ករណី ដោយទាំងអស់នោះសុទ្ធតែកើតឡើងដោយខ្វះការប្រុងប្រយ័ត្ន។
លោកស្នងការនគរបាលខេត្តកោះកុង បន្ថែមថា កងកម្លាំងរបស់លោក និងអាជ្ញាធរសមត្ថកិច្ចពាក់ព័ន្ធ បានគ្រប់គ្រងស្ថានការណ៍បានល្អត្រឹមត្រូវតាមបទបញ្ជារបស់រដ្ឋបាលខេត្ត ព្រមទាំងផ្ដោតការយកចិត្តទុកដាក់ខ្ពស់លើការងារថែរក្សាការពារសន្តិសុខសុវត្ថិភាពគ្រប់ទីកន្លែង ដើម្បីបង្កបរិយាកាសសប្បាយរីករាយជូនប្រជាពលរដ្ឋ និងអ្នកទេសចរ ចៀសវាងភាពភ័យខ្លាចណាមួយ៕
អត្ថបទ ៖ សិរីវឌ្ឍនៈ
ស្ត្រីម្នាក់ ជួយលក់ឡេ បន្លំលួចលុយម្ដងបន្តិចៗ រហូតបានជាង១ម៉ឺនដុល្លារ ត្រូវម្ចាស់លុយប្ដឹងឱ្យសមត្ថកិច្ចឃាត់ខ្លួន
ក្រោយបោះឆ្នោតជ្រើសរើសប្រធានសមាគម ខ្មែរ-ចិន អាណត្តិទី៨ ពេញ១ថ្ងៃ ទីបំផុត ប្រធានសមាគមត្រូវបានជ្រើស
សង្គ្រាមរុស្ស៊ី-អ៊ុយក្រែន៖ សម្ដេចតេជោ ថាមេដឹកនាំនានាគួរលើកចិត្តឱ្យភាគីទាំងពីរចូលតុចរចា ជាជាងរារាំង និងរុញឱ្យប្រយុទ្ធគ្នាគ្មានទីបញ្ចប់
អ្នកនយោបាយកម្ពុជា ៖ ទណ្ឌិត សម រង្ស៊ី និងក្រុមប្រឆាំងជ្រុលនិយមថៃ ទាញយកចំណេញរៀងៗខ្លួនពីឃាតកម្មលើលោក លិម គឹមយ៉ា
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ១ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ