យល់សប្ដិឃើញត្រីដំរី លាភសំណាងនឹងមកដល់មុខផ្ទះ

សុបិនឃើញត្រីដំរី ជា​សុបិនល្អ​មួយ​ក្នុង​ចំណោម​សុបិន​អំពី​ត្រី ​ដែល​មនុស្ស​ជា​ច្រើន​ជឿ​ថា ​វាជា​ការ​ព្យាករណ៍នៃសំណាងនាពេល​អនាគត។ យោងទៅប្រភេទនៃសុបិន វាត្រូវបានបកស្រាយយ៉ាងដូច្នេះ៖

ត្រីដំរីមួយក្បាល

ជាសុបិនដែលមានទំនាយ​ថា ​នឹង​មាន​មនុស្ស​ល្អ​មក​ជួយ​ឧបត្ថម្ភ​គាំទ្រ ខណៈទ្រព្យ​សម្បត្តិ​ផ្ទាល់ខ្លួននឹង​កើនឡើងតាមរយៈកិច្ចការប្រចាំថ្ងៃ​របស់​ខ្លួន។

ត្រីដំរីច្រើនក្បាល

វាមានន័យថា អ្វីដែល​សង្ឃឹមទុកជាយូរមកហើយ ​​នឹង​សម្រេច​ដូច​បំណង។ វា​អាចជា​សាច់​ញាតិ​ ឬ​មនុស្ស​ជិតស្និទ្ធ ដែលជួយឱ្យអ្នកសម្រេចបំណងប្រាថ្នានោះ។

ត្រីដំរីធំៗ

ទស្សន៍ទាយថា ​អ្នកនឹង​ទទួល​បាន​លាភ​សំណាង​ពី​ស្នេហា ។ បើ​អ្នក​ណា​នៅ​ឆ្ងាយ​ពី​ផ្ទះ ឬ​ឆ្ងាយ​ពី​មិត្តភក្តិ​នឹង​មាន​ឱកាស​បាន​ជួប​មិត្ត​ចាស់។

ត្រីដំរីកំពុងហែលទឹក

ជីវិត​ក្នុង​រយៈពេល​នេះ​ទទួល​ជោគជ័យគ្រប់ផ្នែក មិនថាធ្វើ​អ្វី​ក៏​រលូន​ គ្រួសារវិញជួប​តែ​សុភមង្គលពេញប្រៀប។

ត្រីដំរីងាប់

ចូរប្រយ័ត្នចំពោះសុខភាពឱ្យខ្លាំងជាងពេលណាទាំងអស់ ត្បិតត្រីដំរីងាប់ក្នុងសុបិន ជាប្រផ្នូលអពមង្គលទាក់ទងនឹងជំងឺរាតត្បាត។

ត្រីដំរីពីរក្បាល

ជីវិតដែលកំពុងរវិនរវាក់ជាមួយបំណុល នឹងត្រូវបានដោះស្រាយ។

ត្រីដំរីបីក្បាល

ទាយថា ក្នុងអំឡុងពេលនេះជីវិតនឹងពោរពេញដោយភាពសប្បាយរីករាយ ដោយ​មិន​មាន​ការ​ព្រួយ​បារម្ភ​អំពីអ្វីនោះទេ​ ថែមទាំងអាចមានឱកាសឈ្នះការផ្សងសំណាងទៀតផង៕

អត្ថបទ៖ សន្យា

ចុចអាន៖ គេថា សុបិនជ្រុះក្រចកដៃ ជាប្រផ្នូលអាក្រក់?

ចុចអាន៖ សុបិនឃើញផ្កា គ្មានអ្វីត្រូវព្រួយបារម្ភទេ!