Connect with us

ព័ត៌មានជាតិ

តើការសិក្សានៅវិទ្យាស្ថានតេជោសែន សាធារណការ និងដឹកជញ្ជូន មានជំនាញអ្វីខ្លះ?

បានផុស

នៅ

វិទ្យាស្ថានតេជោសែន សាធារណការ និងដឹកជញ្ជូន គឺជាគ្រឹះស្ថានបណ្តុះបណ្តាលបច្ចេកទេសសំណង់សាធារណការ សេដ្ឋកិច្ចដឹកជញ្ជូន និងនាវាចរណ៍។ វិទ្យាស្ថាននេះ បានផ្អែកលើការសិក្សាជំនាញសំខាន់ៗចំនួន៦ ដែលសុទ្ធសឹងជាជំនាញបច្ចេកទេសមានតម្រូវការខ្ពស់ក្នុងប្រទេសកម្ពុជា។ តើជំនាញអ្វីខ្លះ ដែលមានការបណ្ដុះបណ្ដាលនៅវិទ្យាស្ថានតេជោសែន សាធារណការ និងដឹកជញ្ជូន?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិទ្យាស្ថានតេជោសែន សាធារណការ និងដឹកជញ្ជូន ត្រូវបានប្រែក្លាយពីវិទ្យាស្ថានជាតិបណ្ដុះបណ្ដាលបច្ចេកទេសសាធារណការ និងដឹកជញ្ជូន ក្រោមការគ្រប់គ្រងដោយផ្ទាល់របស់ក្រសួងសាធារណការ និងដឹកជញ្ជូន។ វិទ្យាស្ថានតេជោសែន សាធារណការ និងដឹកជញ្ជូន ត្រូវបានប្រកាសដាក់សម្ពោធជាផ្លូវការ កាលពីថ្ងៃទី២២ ខែមករា ឆ្នាំ២០២១ ក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

វិទ្យាស្ថាននេះ បានបើកទទួលនិស្សិតជំនាន់ទី១ ដែលបាននិងកំពុងសិក្សាលើជំនាញ៦ ក្នុងដេប៉ាតឺម៉ង់ចំនួន៣ ហើយមានកម្មវិធីសិក្សាពេញមួយថ្ងៃ និងមាន៥ថ្ងៃក្នុងមួយសប្តាហ៍ (ចន្ទ-សុក្រ)។ ជំនាញទាំង៦នេះ រួមមាន៖១/ ដេប៉ាតឺម៉ង់សំណង់សាធារណការ ផ្អែកលើជំនាញចំនួនពីរ គឺជំនាញសំណង់ផ្លូវថ្នល់ ផ្លូវដែក ផ្លូវល្បឿនលឿន ស្ពាន និងកំពង់ផែ និងជំនាញប្រព័ន្ធចម្រោះទឹកកខ្វក់។ ២/ ដេប៉ាតឺម៉ង់គ្រប់គ្រងដឹកជញ្ជូន និងភស្តុភារកម្ម ផ្អែកលើជំនាញពីរ គឺជំនាញសេដ្ឋកិច្ច និងគ្រប់គ្រងដឹកជញ្ជូនផ្លូវគោក និងជំនាញគ្រប់គ្រងភស្ដុភារកម្ម និងខ្សែច្រវ៉ាក់ផ្គត់ផ្គង់។ ៣/ ដេប៉ាតឺម៉ង់ផ្នែកនាវាចរណ៍ មានជំនាញពីរ គឺជំនាញបើកបរនាវា និងជំនាញម៉ាស៊ីននាវា។

បើតាមលោក ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន ធ្លាប់បានបញ្ជាក់ថា ក្រោយបញ្ចប់ការសិក្សាលើជំនាញសំណង់ផ្លូវថ្នល់ ផ្លូវដែក ផ្លូវល្បឿនលឿន ស្ពាន និងកំពង់ផែ និស្សិតនឹងទទួលបានឱកាសការងារច្រើន ដូចជា៖ ក្លាយជាវិស្វករ បម្រើការងារជាមន្ត្រីក្នុងក្រសួងសាធារណការ ក៏ដូចជាក្រសួងស្ថាប័នពាក់ព័ន្ធ និងបម្រើការងារតាមក្រុមហ៊ុនឯកជនទាក់ទងនឹងសំណង់។ រីឯនិស្សិតដែលសិក្សាជំនាញប្រព័ន្ធចម្រោះទឹកកខ្វក់ នឹងទទួលឱកាសការងារជាវិស្វករផ្នែកប្រព័ន្ធចម្រោះទឹកកខ្វក់ អនាម័យ-បរិស្ថាន បម្រើការក្នុងក្រសួងស្ថាប័នរដ្ឋ​ ក្រុមហ៊ុនឯកជន ដែលទាក់ទងនឹងការផ្គត់ផ្គង់ទឹកស្អាត និងហេដ្ឋារចនាសម្ព័ន្ធទីប្រជុំជន។

ចំណែក ឱកាសការងារដែលទទួលបានពីការសិក្សាលើជំនាញសេដ្ឋកិច្ច និងគ្រប់គ្រងដឹកជញ្ជូនផ្លូវគោក នឹងក្លាយជាអ្នកប្រឹក្សាយោបល់ផ្នែកសេដ្ឋកិច្ចដឹកជញ្ជូន ប្រតិបត្តិការដឹកជញ្ជូន អ្នកវិភាគផ្នែកដឹកជញ្ជូន អ្នកតាក់តែងគោនយោបាយសេដ្ឋកិច្ចដឹកជញ្ជូន ជាដើម។ ដោយឡែក ជំនាញគ្រប់គ្រងភស្ដុភារកម្ម និងខ្សែច្រវ៉ាក់ផ្គត់ផ្គង់ គឺជាជំនាញថ្មីមួយដ៏សំខាន់ក្នុងការជំរុញការងារភស្តុភារកម្មដែលនិស្សិតសិក្សាជំនាញនេះនឹងក្លាយជាមន្ត្រីទទួលបន្ទុកផ្នែកលទ្ធកម្ម បុគ្គលិកបញ្ជាទិញ អ្នកវិភាគផ្នែកភស្តុភារកម្ម អ្នកគ្រប់គ្រងការដឹកជញ្ជូនទំនិញ អ្នករៀបចំផែនការផលិតកម្ម ថែមទាំងអាចជាម្ចាស់អាជីវកម្ម ដឹកជញ្ជូនទំនិញ។

បើនិយាយអំពីជំនាញដែលទាក់ទងនឹងនាវាចរណ៍ ជាជំនាញបច្ចេកទេសមានតម្រូវការខ្ពស់នៅកម្ពុជា ដែលក្នុងនោះ អ្នកសិក្សាជំនាញនេះនឹងក្លាយជាអ្នកបើកបរនាវា អាចបម្រើការងារនៅកំពង់ផែ បម្រើការជាបុគ្គលិកក្រុមហ៊ុនដឹកជញ្ជូនផ្លូវទឹកជាតិ-អន្តរជាតិ និងជាអ្នកថែទាំ ជួសជុលម៉ាស៊ីននាវាតាមកំពង់ផែ ជាដើម៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

អភិបាលរាជធានី ៖ ផ្លូវថ្មើជើង(Walk street) ជំហររបស់រដ្ឋបាលរាជធានី គឺបន្តធ្វើឱ្យកាន់តែល្អ ដើម្បីទាក់ទាញភ្ញៀវជាតិ-អន្តរជាតិកាន់តែច្រើន

ព័ត៌មានជាតិ២ ម៉ោង មុន

ស្នងការ​នគរបាលខេត្ត ផ្តាំផ្ញើ​ឱ្យកងកម្លាំងឈរ​ជើង​ការពារ​តាម​ខ្សែ​បន្ទាត់​ព្រំដែន​ បង្កើន​ការ​យកចិត្តទុកដាក់​ដើរ​ល្បាតឱ្យបានជាប្រចាំ

ព័ត៌មានជាតិ២ ម៉ោង មុន

ឯកអគ្គរដ្ឋទូតនេប៉ាល់ថ្មីប្រចាំកម្ពុជា ប្ដេជ្ញាពង្រឹង និងពង្រីកទំនាក់ទំនងនេប៉ាល់-កម្ពុជា ឱ្យរីកចម្រើនថែមទៀត

ព័ត៌មានជាតិ៣ ម៉ោង មុន

អ្នកវិភាគ និងអ្នកឃ្លាំមើល ចាត់ទុកចលនាជាតិតស៊ូរបស់ទណ្ឌិត សម រង្ស៊ី ជាសកម្មភាពដើរបញ្ច្រាសទិសពីលទ្ធិប្រជាធិបតេយ្យ

ព័ត៌មានជាតិ៣ ម៉ោង មុន

បុគ្គលតាំងខ្លួនជាលោក ​ស៊ិន ស៊ីសាមុត​ ចាប់​ជាតិ ត្រូវបានសមត្ថកិច្ចឃាត់ខ្លួនបញ្ជូនទៅតុលាការ ពាក់ព័ន្ធការញុះញង់

Sokha Hotels

ព័ត៌មានពេញនិយម