ព័ត៌មានជាតិ

Facebook ផ្លូវការសម្តេចកិត្តិសង្គហបណ្ឌិត ម៉ែន សំអន ត្រូវជនអនាមិក Hack យកទៅគ្រប់គ្រង

បានផុស

២ years មុន

នៅ

ថ្ងៃពុធ ១៩ មេសា ២០២៣

ដោយ

ភ្នំពេញ ៖ Facebook ផ្លូវការរបស់សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ត្រូវបានជនអនាមិក (Hacker) លួចយកទៅគ្រប់គ្រង និងបានប្ដូរឈ្មោះ នៅថ្ងៃទី១៩ ខែមេសា ឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកខុទ្ទកាល័យសម្ដេចកិត្តិសង្គហបណ្ឌិត ម៉ែន សំអន បានឲ្យដឹងថា “Facebook Page ផ្លូវការរបស់សម្ដេចកិត្តិសង្គហបណ្ឌិត ម៉ែន សំអន ត្រូវបានជនអនាមិក (Hack) លួចយកទៅគ្រប់គ្រង ដែលខណៈពេលនេះក្រុមការងារជំនាញកំពុងធ្វើការតាមបច្ចេកទេស ដើម្បីយកមកគ្រប់គ្រងវិញ”។

លោកបន្តថា ចាប់ពីពេលនេះរាល់ការបង្ហោះសារផ្សេងៗ គឺជាសាររបស់ជនអនាមិក មិនមែនជាក្រុមការងារ ឬអ្នកគ្រប់គ្រងផេកនោះទេ។ លោកក៏បានអំពាវនាវដល់សមត្ថកិច្ចជំនាញ ជួយស្រាវជ្រាវដើម្បីចាត់វិធានការតាមផ្លូវច្បាប់ចំពោះករណីនេះផងដែរ។

សូមជម្រាបថា បន្ទាប់ពីលួចយកទៅគ្រប់គ្រងហើយនោះ ចោរបច្ចេកវិទ្យា បានធ្វើការផ្លាស់ប្ដូរឈ្មោះផេករបស់សម្ដេចកិត្តិសង្គហ ម៉ែន សំអន ផងដែរ ដោយផេកដើមឈ្មោះ «MEN SAM AN CAMBODIAN DEPUTY PRIMINISTER» ត្រូវបានប្ដូរទៅជា «MEN SAM»៕