ព័ត៌មានជាតិ
លោក ស៊ុយ សែម និងលោក កែវ រតនៈ ត្រូវបានប្រកាសជាបេក្ខជនឈរឈ្មោះមណ្ឌលពោធិ៍សាត់
លោក ស៊ុយ សែម ដែលកំពុងកាន់ជារដ្ឋមន្ត្រីក្រសួងរ៉ែ និងថាមពល ត្រូវបានគណបក្សប្រជាជនកម្ពុជា តែងតាំងជាបេក្ខជនពេញសិទ្ធិលេខរៀងទី១ ប្រចាំមណ្ឌលពោធិ៍សាត់ ខណៈអគ្គនាយកអគ្គិសនីកម្ពុជា លោក កែវ រតនៈ ឈរនៅលេខរៀងទី២ សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ នាពេលខាងមុខ។
![](https://www.kampucheathmey.com/wp-content/uploads/2023/04/78-edited.jpg)
គណៈអចិន្ត្រៃយ៍គណបក្សប្រជាជនកម្ពុជា បានសម្រេចតែងតាំងបេក្ខជនឈរឈ្មោះបោះឆ្នោតមណ្ឌលខេត្តពោធិ៍សាត់ចំនួន៨រូប ក្នុងនោះ បេក្ខជនពេញសិទ្ធិ៤រូប និងបេក្ខជនបម្រុង៤រូប។ បេក្ខជនពេញសិទ្ធិទាំង៤រូបនេះ រួមមាន ទី១) លោក ស៊ុយ សែម រដ្ឋមន្ត្រីក្រសួងរ៉ែ និងថាមពល ទី២) លោក កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកអគ្គិសនីកម្ពុជា ទី៣) លោក ទី ថានី ដែលជាសមាជិករដ្ឋសភាក្នុងនីតិកាលទី៦ និងទី៤) លោក កែវ វីរៈ ដែលកំពុងកាន់ជាអគ្គនាយករងអគ្គិសនីកម្ពុជា។
![](https://www.kampucheathmey.com/wp-content/uploads/2023/04/image-1285-edited.png)
ដោយឡែក លោក រូហ្វី អូស្មាន លោក សារី កោសល្យ និងលោកស្រី ឯម ប៉ុណ្ណា ដែលជាសមាជិករដ្ឋសភា និងជាតំណាងរាស្ត្រមណ្ឌលខេត្តពោធិ៍សាត់ក្នុងពេលបច្ចប្បន្ន គឺត្រូវបានតែងតាំងជាបេក្ខជនបម្រុងលេខរៀងទី១ ទី២ ទី៣ ខណៈលោក ចេង ឡៃ បច្ចុប្បន្នជាអភិបាលរងខេត្តពោធិ៍សាត់ ឈរជាបេក្ខជនបម្រុងលេខរៀងក្រោមគេ។
![](https://www.kampucheathmey.com/wp-content/uploads/2023/04/image-1284-edited.png)
លោក ស៊ុយ សែម ប្រធានក្រុមការងារចុះមូលដ្ឋានខេត្តពោធិ៍សាត់ និងជាបេក្ខជនតំណាងរាស្ត្ររបស់គណបក្សប្រជាជនកម្ពុជា បានអំពាវនាវដល់ក្រុមការងារគណបក្សបក្សប្រជាជនកម្ពុជាខេត្តពោធិ៍សាត់ ត្រូវអនុវត្តតាមប្រតិទិនរបស់ គ.ជ.ប ដែលបានកំណត់ក្នុងចូលរួមប្រកួតប្រជែងសម្រាប់ការបោះឆ្នោតនាពេលខាងមុខ។ ជាមួយគ្នានេះ លោក ក៏បានជំរុញឲ្យក្រុមការងារទាំងអស់ត្រៀមរៀបចំបើកយុទ្ធនាការឃោសនាបោះឆ្នោត ឲ្យស្របតាមស្ថានភាពជាក់ស្តែងរបស់ភូមិសាស្ត្រមូលដ្ឋាននីមួយៗ ខណៈយុទ្ធនាការឃោសនាបោះឆ្នោត គឺមានតែ២១ថ្ងៃប៉ុណ្ណោះ ដូច្នេះបេក្ខជនត្រូវធ្វើសកម្មភាពព្រមៗគ្នានៅគ្រប់មូលដ្ឋាន៕
ដោយ៖ ធឿន វ៉ាន់សុង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ