កម្ពុជាមានមន្ត្រីរាជការស៊ីវិលទាំងថ្នាក់ជាតិ និងក្រោមជាតិជិត ២២ ម៉ឺននាក់

រហូតមកដល់ដើមឆ្នាំ២០២៣ ប្រទេសកម្ពុជាមានមន្ត្រីរាជការស៊ីវិលទាំងថ្នាក់ជាតិ​និងក្រោមជាតិប្រមាណជិត ២២ ម៉ឺននាក់​ដែលជាធនធានមនុស្សដ៏សំខាន់ក្នុងការចូលរួមអភិវឌ្ឍន៍សេដ្ឋកិច្ចជាតិកាន់តែរីកចម្រើន។

យោងតាមឯកសាររបស់ក្រសួងមុខងារសាធារណៈដែលបានបង្ហោះសាធារណៈកាលពីថ្ងៃទី ២១ ខែ មេសាបានឱ្យដឹងថា គិតត្រឹមខែមករាឆ្នាំ ២០២៣ មានមន្ត្រីរាជការស៊ីវិលចំនួន ២១៨ ០៤៦ នាក់ក្នុងនោះមានមន្ត្រីរាជការថ្នាក់ជាតិចំនួន ​៤២ ៤១៨​ នាក់​ និងមន្ត្រីរាជការថ្នាក់ក្រោមជាតិចំនួន ១៧៥ ៦២៨នាក់។

ឯកសារបានបញ្ជាក់ថា ក្នុងចំណោមនោះមានមន្ត្រីរាជការថ្នាក់ជាតិជាបុរស​មានក្របខណ្ឌប្រភេទ ក មានចំនួន​ ២១ ៩១១ នាក់ ស្រ្តី​ក្របខណ្ឌ ក មានចំនួន ៨ ៦៦៣ នាក់ បុរស​មានក្របខណ្ឌ ខ មានចំនួន ៤ ៦០០ នាក់ស្រី ក្របខណ្ឌ ខ មានចំនួន ៣៣៤២ នាក់ បរុសក្របខណ្ឌ គ មានចំនួន ២៣៩៣នាក់ ស្រី ក្របខណ្ឌ គ មានចំនួន ១ ៥០៩ នាក់ សរុបទាំងអស់មានចំនួន ៤២ ៤១៨ នាក់។

ចំណែថ្នាក់ក្រោមជាតិវិញ បុរសមានក្របខណ្ឌ ក មានចំនួន ២៥ ៤៥០ នាក់ ស្រ្តី​ក្របខណ្ឌ ក មានចំនួន ១១ ៧៦៨ នាក់ បុរសក្រមខណ្ឌ ខ មានចំនួន ៣៧ ៣៦៧ នាក់ ស្រី មានក្របខណ្ឌ ខ មានចំនួន ២៨៧៤៣នាក់ បុរសមានក្របខណ្ឌ គ មានចំនួន ៣៤ ០៥៧នាក់ ស្រី មានក្របខណ្ឌ គ ចំនួន ៣៨២៤៨ នាក់សរុបចំនួន ១៧៥៦២៨ នាក់។ សរុបទាំងក្របខណ្ឌថ្នាក់ជាតិនិងថ្នាក់ក្រោមជាតិមានមន្ត្រីរាជការសរុបចំនួន ២១៨ ០៤៦ នាក់៕

សំអឿន