មិននឹកស្មានថា កូរ៉េខាងជើង កាន់តែអស្ចារ្យ នៅកន្លែងណាក៏អាចបាញ់មីស៊ីលបាន

មីស៊ីលមានឥទ្ធិពលបំផុតរបស់លោក គីម ជុងអ៊ុន ត្រូវបានបាញ់ចេញពីទីលានវាយកូនហ្គោលឯកជនរបស់គាត់ ហើយអ្នកជំនាញបារម្ភថា នេះអាចជាបញ្ហាធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមលោក Sam Lair នៃមជ្ឈមណ្ឌល James Martin for Nonproliferation Studies, កាលពីសប្តាហ៍មុន មីស៊ីល Hwasong-18 ថ្មី បានផ្ទុះឡើងពីកន្លែងបាញ់បង្ហោះនៅភាគខាងកើតទីក្រុងព្យុងយ៉ាង។ ប៉ុន្តែនោះមិនមែនជាកន្លែងសាកល្បងធម្មតាទេ វាជាភូមិគ្រឹះមួយរបស់លោកគីម ដែលមានទីលានវាយកូនហ្គោលផ្ទាល់ខ្លួន ហើយវាអាចក្លាយជាកន្លែងបាញ់បង្ហោះមីស៊ីលនាពេលអនាគត។

ស្របពេលជាមួយគ្នានោះ អ្នកជំនាញផ្នែកកូរ៉េខាងជើង លោក Jacob Bogle បានបង្ហាញរូបថតផ្កាយរណប ដែលលម្អិតអំពីទីលានវាយកូនហ្គោលនោះ។

ការបាញ់បង្ហោះមីស៊ីល Hwasong-18 បានកើតឡើងនៅឯវិមានក្នុងសង្កាត់ Samsok ភាគខាងកើតទីក្រុងព្យុងយ៉ាង តាមបណ្តោយផ្លូវកោងក្បែរទន្លេ Taedong។ លោកគិត​ថា ​ទីតាំងនេះ ​ប្រហែល​ជា​ត្រូវ​បាន​ជ្រើសរើស​ដើម្បី​ផ្ញើ​សារ​ទៅ​កាន់​ពិភពលោក។ 

លោក Jacob Bogle គូសបញ្ជាក់ថា “ពួកគេបាននិងកំពុងចាប់ផ្តើមបាញ់មីស៊ីលចេញពីទីតាំងផ្សេងៗគ្នា ដូចជាផ្លូវយន្តហោះ ផ្លូវជាតិ និងឆ្នេរខ្សាច់ជាដើម ហើយខ្ញុំសង្ស័យថា វាជាការបង្ហាញពីសមត្ថភាពរបស់ពួកគេ ក្នុងការបាញ់បង្ហោះនៅគ្រប់កន្លែង។

លោកបន្តទៀតថា ប្រទេសមួយដែលសមត្ថភាពបាញ់មីស៊ីលចេញពីគ្រប់ទីតាំងបែបនេះ ប្រទេសនោះពិតជាមានសមត្ថភាពវាយប្រហារទីពីរ ដែលកាន់តែមានសុវត្ថិភាព និងបង្កើនភាពរស់រានមានជីវិតនៃកងកម្លាំងមីស៊ីលរបស់ពួកគេ។

នោះពិតជាពិបាកសម្រាប់លោកខាងលិច ព្រោះបើពួកគេចង់បំផ្លាញមូលដ្ឋានមីស៊ីលរបស់កូរ៉េខាងជើង ទីក្រុងព្យុងយ៉ាងក៏នៅតែអាចបាញ់មីស៊ីលចេញពីអាកាសយានដ្ឋាន ផ្លូវហាយវេ ឆ្នេរខ្សាច់ និងសូម្បីតែភូមិគ្រឹះ។ ច្បាស់ណាស់វាធ្វើឲ្យការតាមដាន និងកំណត់គោលដៅកាន់តែពិបាក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ កូរ៉េខាងជើង បាញ់មីស៊ីល បង្កឲ្យមានការជម្លៀសមនុស្សលើកោះ ហុកកៃដូ