ព័ត៌មានជាតិ

ស្គាល់តាមហ្វេសប៊ុក សង្ឃមួយអង្គលួចរួមភេទជាមួយក្មេងស្រីអាយុ១៥ឆ្នាំ នៅក្នុងបន្ទប់ទឹកវត្ត

បានផុស

៣ years មុន

នៅ

ថ្ងៃអង្គារ ១៩ មករា ២០២១

ដោយ

ព្រះសង្ឃមួយអង្គ ត្រូវបានមន្ត្រីជំនាញចុះទៅធ្វើការផ្សឹកទាំងយប់ ព្រមទាំងបានបញ្ជូនខ្លួនទៅតុលាការផងដែរ បន្ទាប់ពីសង្ឃអង្គនេះ ហ៊ានដោះស្បង់ចីពរ រួមភេទជាមួយនិងអនីតិជន អាយុក្រោម១៥ឆ្នាំជាច្រើនលើកច្រើនសារ បន្ទាប់ពីមានការទំនាក់ទំនងស្នេហាជាមួយគ្នា តាមរយៈហ្វេសប៊ុករួចមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ការចុះផ្សឹក និងឃាត់ខ្លួនព្រះសង្ឃមួយអង្គនេះ បានធ្វើឡើងក្រោយពីបានទទួលពាក្យបណ្តឹងរបស់អាណាព្យាបាល នាថ្ងៃទី១៧ ខែមករា ឆ្នាំ២០២១ វេលាម៉ោង១៧និង ២០នាទី ល្ងាច ដោយដើមបណ្តឹងមានឈ្មោះ លុយ ប៉ី ភេទប្រុស អាយុ៤១ឆ្នាំ រស់នៅក្រុមទី០៤ភូមិបឹងសំរោង ឃុំល្វា ស្រុកបវេល ខេត្តបាត់ដំបង។ ដើមបណ្តឹងបានប្តឹងទៅលើព្រះសង្ឃមួយអង្គ ព្រះនាម វុនវេត ព្រះជន្ម២១វស្សា គង់នៅវត្តបឹងសំរោង ក្នុងភូមិសំរោង ឃុំល្វា ស្រុកបវេល ដែលបានរួមភេទជាមួយអនីតិជន(អាយុក្រោម១៥ឆ្នាំ) ឈ្មោះ ម ស ភ ភេទស្រី អាយុ១៤ឆ្នាំ រស់នៅក្នុងភូមិឃុំជាមួយគ្នា គឺបានប្រព្រឹត្តឡើងនៅក្នុងបន្ទប់ទឹកក្នុងទីអារាមតែម្តង កាលពីថ្ងៃទី៥ ខែ មករា វេលាម៉ោង១០ព្រឹក។

តាមការសារភពរបស់សង្ឃអង្គនេះ បានបញ្ជាក់ថា គឺបានស្គាល់គ្នាតាមរយៈហ្វេសប៊ុក ហើយក៏បានឆាតរកគ្នាតាំងពីចុងឆ្នាំ២០២០ មកម្ល៉េះ ដោយបានណាត់គ្នាមករួមភេទក្នុងបន្ទប់ទឹកនេះ ចំនួន៤លើក រួចមកហើយ។ បច្ចុប្បន្នករណីនេះ កម្លាំងជំនាញកំពុងកសាងសំណុំរឿង ដើម្បីបញ្ចូនទៅការិយាល័យជំនាញខេត្តអនុវត្តបន្តតាមឋិតិវិធី ៕

អត្ថបទ៖ សោ និយមរ័ត្ន