មន្ត្រីសុខាភិបាល ស្នើកុំចែករំលែកព័ត៌មានមិនពិតពី ការការពារពេលអាកាសធាតុក្ដៅ

លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នៅយប់ថ្ងៃទី២២ ខែមេសា ឆ្នាំ២០២៣នេះ បានចេញមកច្រានចោល និងស្នើកុំឱ្យប្រជាពលរដ្ឋបន្តចែករំលែកនូវព័ត៌មានមិនពិត ស្ដីពីវិធានការសុខាភិបាលមួយចំនួន នៅពេលអាកាសធាតុកើនដល់ ៤០-៥០អង្សាសេ ដែលត្រូវបានគេផ្ញើតៗគ្នាក្នុងបណ្តាញសង្គម។

លោកស្រី ឱ វណ្ណឌីន លើកឡើងថា៖ “សូមបងប្អូន​ មេត្តាកុំចែកចាយបន្តនូវព័ត៌មានមិនត្រឹមត្រូវ​នេះ។ ក្រសួងសុខាភិបាល​ បានចេញសេចក្តីណែនាំ ស្តីពី ការការពារខ្លួនពេលអាកាសធាតុក្តៅ​ កាលពីថ្ងៃទី១០ ខែមេសា ឆ្នាំ២០២៣ រួចមកហេីយ ដូចដែលមានភ្ជាប់ជូន។ សូមអរគុណ”៕