ព័ត៌មានជាតិ

រោងចក្រថ្មីចំនួនពីរបន្ថែមទៀត បោះទុន ១៤លានដុល្លារវិនិយោគនៅកម្ពុជា

បានផុស

២ years មុន

នៅ

ថ្ងៃចន្ទ ២៤ មេសា ២០២៣

ដោយ

ក្រុមប្រឹក្សាអភិវឌ្ឍន៍កម្ពុជា CDC បានសម្រេចអនុម័តឱ្យបង្កើតរោងចក្រកាត់ដេរសម្លៀកបំពាក់ និងរោងកច្ររោងចក្រផលិតសម្ភារៈវេចខ្ចប់ លើទុនវិនិយោគសរុបប្រមាណ ១៤លានដុល្លារ នៅរាជធានីភ្នំពេញ និងខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមក្រុមប្រឹក្សាអភិវឌ្ឍន៍កម្ពុជា គម្រោងបង្កើតរោងចក្រទាំងពីររួមមាន៖

១- “FITLY APPAREL CO., LTD” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ក្នុងទុនវិនិយោគប្រមាណ ៥,៣លានដុល្លារអាម៉េរិក និងអាចបង្កើតការងារបានចំនួន ១.៨៩១កន្លែង។

២- “WH PACKAGING CO., LTD” គម្រោងបង្កើតរោងចក្រផលិតសម្ភារៈវេចខ្ចប់ ដែលមានទីតាំងវិនិយោគស្ថិតនៅផ្លូវជាតិលេខ៦ ភូមិជ្រោយមេត្រីក្រោម ឃុំឫស្សីជ្រោយ ស្រុកមុខកំពូល ខេត្តកណ្តាល ក្នុងទុនវិនិយោគប្រមាណ ៥,១លានដុល្លារអាម៉េរិក និងអាចបង្កើតការងារបានចំនួន ១.០៧៦កន្លែង។

សូមបញ្ជាក់ថា រយៈពេល៣ខែ ចាប់ពីខែមករា ដល់ខែមីនា ដើមឆ្នាំ២០២៣នេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគជូនដល់ក្រុមហ៊ុនប្រមាណ ៣៤គម្រោង ក្នុងទុនវិនិយោគសរុបជាង ២០០លានដុល្លារអាមេរិក ដោយអាចបង្កើតការងារដល់ប្រជាពលរដ្ឋក្នុងតំបន់បានជាង ៤ម៉ឺន ៦ពាន់នាក់។ ក្នុងចំណោមគម្រោងទាំង ៣៤នោះ ភាគច្រើនជាគម្រោងបង្កើតរោងចក្រផលិតកាបូប ស្បែកជើង និងសម្លៀកបំពាក់។

ដោយឡែកសម្រាប់ខែមេសា នេះ CDC បានអនុម័តចេញវិញ្ញាបនបត្រចុះបញ្ជីជាស្ថាពរ ដល់ក្រុមហ៊ុនវិនិយោគចំនួន ១១ទីតាំងបន្ថែមទៀត ក្នុងទំហំទឹកប្រាក់វិនិយោគសរុបប្រមាណ ១៧៣,៩លានដុល្លារ ជាមួយឱកាសការងារចំនួន ២ ៨៨៩កន្លែងផងដែរ។ នៅក្នុងគម្រោងទាំង១១ នោះ រួមមាន គម្រោងអភិវឌ្ឍន៍រមណីយដ្ឋានលើកោះនានា ជាពិសេសក្នុងខេត្តកោះកុង និងខេត្តព្រះសីហនុ រោងចក្រដំឡើងបន្ទះសូឡា រោងចក្រកែច្នៃវេចខ្ចប់កសិផល កសិដ្ឋានចិញ្ចឹមគោពូជសាច់ខ្នាតធំ និងរោងចក្រកេសកាតុងជាដើម។

សូមរំលឹកថា ក្នុងឆ្នាំ២០២២ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងចំនួន ១៦៥គម្រោង ដែលទុនវិនិយោគប្រមាណ ៣៧៧៩,៧០៥លានដុល្លារអាម៉េរិក អាចបង្កើតការងារបានចំនួន ១៦ ១៩៩៥កន្លែង៕